Y-Mathiơ 18:16 - Klei Aê Diê Blŭ 2015

¹⁶ Ƀiădah tơdah ñu amâo dôk hmư̆ ôh, jak ba sa dua čô mbĭt hŏng ih, čiăng kơ grăp boh blŭ dưi bi sĭt mơ̆ng dua amâodah tlâo čô pô hưn.

Y-Mathiơ 18:16 Iomraidhean Croise

I Bruă Mtao 21:13

Phung dua čô êkei ƀai hriê dôk gŭ ti anăp ñu; leh anăn phung êkei ƀai anăn kčŭt mčeh kơ Y-Nabôt ti anăp phung ƀuôn sang, lač, “Y-Nabôt tăm pah leh kơ Aê Diê leh anăn kơ mtao.” Snăn diñu mă gơ̆ kơ tač ƀuôn leh anăn bhĭr boh tâo bi mdjiê gơ̆.

Klei Yap 35:30

Tơdah sa čô bi mdjiê mnuih, pô bi mdjiê mnuih anăn arăng srăng bi mdjiê hĕ ñu tơdah mâo phung hưn bi sĭt; ƀiădah arăng amâo dưi bi mdjiê ôh tơdah mâo knŏng sa čô pô hưn.

Y-Yôhan 8:17

Hlăm klei bhiăn diih mâo klei čih leh, klei dua čô mnuih hưn jing sĭt.

II Kôrantô 13:1

Nĕ anei jing tlâo blư̆ yơh kâo nao kơ diih. “Jih klei kčŭt arăng srăng bi sĭt hŏng klei dua amâodah tlâo čô hưn”.

Klei Mtô Mñă Klei Bhiăn 17:6

Tơdah mâo klei bi sĭt mơ̆ng dua amâodah tlâo čô pô hưn, pô năng kơ klei djiê brei arăng bi mdjiê yơh; arăng amâo dưi bi mdjiê ôh sa čô mnuih kyua mâo klei bi sĭt mơ̆ng sa čô pô hưn.

Klei Mtô Mñă Klei Bhiăn 19:15

“Sa čô pô hưn amâo srăng dưi ôh hŏng sa čô êkei kyua sa klei soh amâodah sa klei jhat mkăn djŏ kơ sa mta klei soh ñu ngă leh; knŏng hŏng klei bi sĭt mơ̆ng dua čô pô hưn amâodah tlâo čô pô hưn klei kčŭt srăng bi sĭt.

I Y-Timôthê 5:19

Đăm tŭ ôh klei arăng kčŭt kơ sa čô khua mduôn, knŏng tơdah mâo klei hưn bi sĭt mơ̆ng dua amâodah tlâo čô.

Hêbrơ 10:28

Hlei pô gao klei bhiăn Y-Môis djiê amâo mâo klei pap ôh tơdah mâo dua tlâo čô pô hưn bi sĭt.

Klei Bi Êdah 11:3

Kâo srăng mơĭt dua čô phung hưn bi sĭt kơ Kâo, hơô ao klŭng, diñu srăng hưn êlâo êjai sa êbâo dua êtuh năm pluh hruê.”