Y-Mathiơ 18:14 - Klei Aê Diê Blŭ 2015

¹⁴ Msĕ snăn mơh Ama diih hlăm adiê amâo čiăng ôh sa čô hlăm phung hđeh điêt anei rai luč.”

Y-Mathiơ 18:14 Iomraidhean Croise

Y-Êsai 40:11

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mathiơ 18:13

Sĭt nik Kâo lač kơ diih, tơdah ñu ƀuh leh biăp anăn, ñu hơ̆k mơak kơ biăp anăn hĭn kơ phung dua păn pluh dua păn drei amâo tuôm klah đuĕ ôh.

Y-Mathiơ 18:15

“Tơdah ayŏng adei ih ngă soh hŏng ih, nao hưn kơ ñu klei soh ñu hjăn hdơ̆ng diih. Tơdah ñu hmư̆ klei ih, ih mâo klei bi grăng leh hŏng ayŏng adei ih.

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Mathiơ 6:32

Kyuadah phung tue tui duah jih jang mnơ̆ng anăn; leh anăn Ama diih hlăm adiê thâo leh jing yuôm diih mâo jih dŏ anăn.

Y-Mathiơ 6:9

Snăn wah lač bĕ msĕ snei: ‘Ơ Ama hmei, dôk hlăm adiê ơi, akâo kơ anăn Ih mâo klei mpŭ doh jăk.

Y-Luk 12:32

“Đăm huĭ ôh, Ơ êpul biăp điêt, kyuadah Ama diih mơak brei kơ diih ƀuôn ala mtao Ñu.

Y-Yôhan 17:12

Êjai Kâo dôk mbĭt hŏng diñu, Kâo răng kriê diñu hlăm anăn Ih, anăn Ih brei leh kơ Kâo. Kâo kiă kriê diñu leh, leh anăn amâo mâo sa čô hlăm phung diñu luč ôh, knŏng anak kơ klei luč, čiăng bi sĭt Klei Aê Diê Blŭ čih leh.

Y-Yôhan 21:15

Leh diñu ƀơ̆ng, Yêsu lač kơ Y-Simôn Pêtrôs, “Ơ Y-Simôn anak Y-Yônas, ih khăp kơ Kâo lu hĭn kơ phung anei mơ̆?” Ñu lŏ wĭt lač kơ Yêsu, “Ơ Khua Yang, Ih thâo leh Kâo khăp kơ Ih.” Yêsu lač kơ ñu, “Kiă bĕ phung êđai biăp Kâo.”

II Y-Timôthê 2:10

Kyuanăn kâo gĭr tŭ jih kyua phung Aê Diê ruah leh, čiăng kơ diñu msĕ mơh dưi mâo klei bi mtlaih hlăm Krist Yêsu mbĭt hŏng klei guh kơang hlŏng lar.

Hêbrơ 12:13

Mkra bĕ bi kpă êlan kơ jơ̆ng diih, čiăng kơ jơ̆ng êbat đŏng dlơt amâo kpleh mơ̆ng anôk bi kkuh ôh, ƀiădah srăng hlao.

II Y-Pêtrôs 3:9

Khua Yang amâo bi tai ôh bi sĭt klei Ñu ƀuăn tui si đa đa mĭn, ƀiădah Ñu gĭr hŏng diih, amâo čiăng ôh sa čô srăng rai luč, ƀiădah čiăng kơ jih jang srăng truh kơ klei kmhal kơ klei soh.