Y-Mathiơ 18:12 - Klei Aê Diê Blŭ 2015

¹² Ya diih mĭn? Tơdah sa čô mnuih mâo sa êtuh drei biăp, leh anăn sa drei hlăm phung digơ̆ klah đuĕ hĕ, amâo djŏ hĕ ñu lui phung dua păn pluh dua păn drei ti dlông čư̆ leh anăn nao duah sa drei anăn klah đuĕ leh?

Y-Mathiơ 18:12 Iomraidhean Croise

I Bruă Mtao 21:17

Leh anăn Yêhôwa blŭ kơ Y-Êli êkei ƀuôn Tisbê, lač,

Klei Mmuñ Hđăp 119:176

Kâo klah đuĕ msĕ si sa drei biăp luč; duah bĕ dĭng buăl Ih, kyuadah kâo amâo wơr bĭt ôh klei Ih mtă.

Y-Êsai 53:6

Jih jang drei msĕ si biăp klah đuĕ leh, grăp čô drei wir tui hlue êlan Ñu pô; leh anăn Yêhôwa dưm leh ti Ñu klei wê jih jang drei.

Y-Yêrêmi 50:6

Phung ƀuôn sang Kâo jing msĕ si biăp wơr êlan leh; phung mgăt diñu bi wơr êlan diñu, atăt diñu klah đuĕ phă phung čư̆; diñu hiu rưng ti čư̆ leh anăn kbuôn, diñu wơr bĭt leh war diñu pô.

Y-Êsêkiêl 34:12

Msĕ si sa čô mgăt biăp kiă kriê biăp ñu tơdah mâo đa đa biăp ñu bra đuĕ leh, snăn mơh Kâo srăng kiă kriê biăp Kâo; leh anăn Kâo srăng bi mtlaih diñu mơ̆ng jih jang anôk arăng bi bra diñu leh ti hruê mâo knam leh anăn klei mmăt kpal.

Y-Êsêkiêl 34:16

‘Kâo srăng tui duah phung luč, leh anăn Kâo srăng atăt wĭt phung klah đuĕ, Kâo srăng păn guôm phung êka, leh anăn Kâo srăng bi ktang phung awăt, ƀiădah Kâo srăng bi rai phung êmŏng leh anăn phung ktang; Kâo srăng răng kriê diñu hŏng klei kpă.’

Y-Êsêkiêl 34:28

Diñu amâo srăng lŏ jing mnơ̆ng phung găp djuê mnuih plah mă ôh, kăn hlô dliê srăng kĕ ƀơ̆ng diñu rei. Diñu srăng dôk hŏng klei hơĭt, leh anăn amâo mâo pô srăng bi huĭ diñu ôh.

Y-Êsêkiêl 34:4

Diih amâo bi ktang ôh phung awăt, amâo bi hlao ôh phung ruă, amâo păn guôm ôh phung êka; diih amâo atăt wĭt ôh phung wơr dliê leh, diih amâo duah ôh phung luč leh, ƀiădah hŏng klei mgô̆ leh anăn klei khăng diih kiă kriê digơ̆ leh.

Y-Êsêkiêl 34:6

Biăp Kâo bra đuĕ leh, digơ̆ hiu rưng ti dlông jih jang čư̆ leh anăn ti dlông jih jang kbuôn dlông; biăp Kâo bra đuĕ leh tar ƀar lăn ala, amâo mâo sa čô tui duah digơ̆ ôh.’

Y-Mathiơ 12:11

Yêsu lač kơ diñu, “Hlei pô hlăm phung diih, tơdah mâo sa drei biăp leh anăn biăp anăn lĕ hlăm ƀăng êlam êjai hruê sabat, amâo srăng ktŭng mă gơ̆ kơ tač ôh?

Y-Mathiơ 18:13

Sĭt nik Kâo lač kơ diih, tơdah ñu ƀuh leh biăp anăn, ñu hơ̆k mơak kơ biăp anăn hĭn kơ phung dua păn pluh dua păn drei amâo tuôm klah đuĕ ôh.

Y-Mathiơ 21:28

“Ya diih mĭn? Sa čô mnuih mâo dua čô anak êkei. Ñu nao lač kơ pô êlâo, ‘Ơ dam, hruê anei brei ih nao mă bruă hlăm đang boh kriăk ƀâo.’

Y-Mathiơ 22:42

“Ya diih mĭn kơ Krist? Hlei anak Gơ̆ jing?” Phung Pharisi lač kơ Gơ̆, “Anak Y-Đawit.”

I Kôrantô 10:15

Kâo blŭ kơ diih msĕ si kơ phung mnuih thâo săng. Brei diih ksiêm klei kâo lač.

I Y-Pêtrôs 2:25

Kyuadah diih klah đuĕ leh msĕ si biăp, ƀiădah ară anei diih wĭt leh kơ Mgăt Biăp leh anăn Pô Kiă mngăt diih.