Y-Mathiơ 18:10 - Klei Aê Diê Blŭ 2015

¹⁰ “Răng bĕ, đăm bi êmut ôh kơ sa čô hlăm phung hđeh điêt anei; kyuadah Kâo hưn kơ diih, hlăm adiê phung dĭng buăl jăk diñu dlăng nanao kơ ƀô̆ mta Ama Kâo, Pô dôk hlăm adiê. [

Y-Mathiơ 18:10 Iomraidhean Croise

II Y-Samuel 14:28

Snăn Y-Apsalôm dôk liăp dua thŭn ti ƀuôn Yêrusalem, amâo tuôm hriê ti anăp mtao ôh.

I Bruă Mtao 22:19

Leh anăn Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng ti djiêô Ñu, tĭng hnuă leh anăn tĭng điâo Ñu.

H'Êsther 1:14

phung êkei giăm kơ ñu mâo Y-Karsêna, Y-Sêthar, Y-Atmatha, Y-Tarsis, Y-Mêres, Y-Marsêna, leh anăn Y-Mêmukan, kjuh čô khua čar Persơ leh anăn Mêdơ, phung ƀuh ƀô̆ mta mtao leh anăn dôk mrô sa hlăm ƀuôn ala mtao: —

Klei Mmuñ Hđăp 15:4

ñu bi êmut kơ pô hngah kơ Yêhôwa, ƀiădah ñu mpŭ kơ phung gưt kơ Yêhôwa; wăt tơdah klei ñu kat asei jing klei luč kơ ñu, ñu amâo bi mlih klei anăn ôh.

Klei Mmuñ Hđăp 17:15

Bi kâo dê, kâo srăng ƀuh ƀô̆ mta Ih kyua klei kpă ênô kâo; tơdah kâo mdih pĭt, kâo srăng mơak hŏng klei kâo ƀuh Ih.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Klei Mmuñ Hđăp 91:11

Kyuadah Ñu srăng mtă kơ phung dĭng buăl jăk Ñu mgang ih hlăm jih jang êlan ih hiu.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Sakari 4:10

Kyuadah hlei pô bi êmut kơ hruê mâo mnơ̆ng điêt? Ñu srăng dôk mơak tơdah ƀuh klŏ kmrak mkă hlăm kngan Y-Sôrôbabel. “Kjuh asăr ală anei jing ală Yêhôwa hiu čuă tar ƀar lăn ala.”

Y-Mathiơ 1:20

Ƀiădah êjai ñu mĭn snăn, nĕ anei mâo sa čô dĭng buăl jăk Khua Yang bi êdah kơ ñu hlăm klei êpei, lač, “Ơ Y-Yôsep, anak čô Y-Đawit, đăm huĭ ôh mă H'Mari jing mô̆ ih, kyuadah gơ̆ ba tian kơ anak anăn hŏng Yang Mngăt Jăk.

Y-Mathiơ 12:20

Ñu amâo srăng bi tloh ôh mbô joh leh, kăn bluh hĕ rei pui kđen dơ̆ng djiê, tơl Ñu brei klei phat kđi kpă dưi.

Y-Mathiơ 18:14

Msĕ snăn mơh Ama diih hlăm adiê amâo čiăng ôh sa čô hlăm phung hđeh điêt anei rai luč.”

Y-Mathiơ 18:6

ƀiădah hlei pô ngă kơ sa čô hlăm phung hđeh điêt anei đăo kơ Kâo brei gơ̆ lĕ hlăm klei soh, jing jăk hĭn brei arăng kă sa boh êsŭng prŏng ti kkuê ñu leh anăn dlăm hlăm êa ksĭ êlam brei ñu djiê mơngăt.

Y-Mathiơ 2:13

Leh phung knhâo đuĕ wĭt, nĕ anei mâo sa čô dĭng buăl jăk Khua Yang bi êdah hlăm klei êpei kơ Y-Yôsep leh anăn lač, “Kgŭ bĕ ih, mă hđeh điêt leh anăn amĭ Gơ̆, đuĕ kơ čar Êjip, leh anăn dôk tinăn tơl kâo srăng lŏ hưn kơ ih; kyuadah mtao Hêrôt dơ̆ng duah hđeh điêt čiăng bi mdjiê hĕ Gơ̆.”

Y-Mathiơ 2:19

Leh mtao Hêrôt djiê, sa čô dĭng buăl jăk Khua Yang bi êdah hlăm klei êpei kơ Y-Yôsep ti čar Êjip, lač,

Y-Mathiơ 24:31

Hŏng asăp ki kraih ktang Ñu srăng tiŏ nao phung dĭng buăl jăk Ñu bi kƀĭn phung Aê Diê ruah leh mơ̆ng pă kiêng lăn ala, dơ̆ng mơ̆ng knhal adiê anei truh ti knhal adiê adih.”

Y-Luk 1:19

Dĭng buăl jăk lŏ wĭt lač kơ ñu, “Kâo gơ̆ Gabriel, pô dôk ti anăp Aê Diê. Aê Diê tiŏ hriê kâo blŭ hrăm hŏng ih leh anăn hưn kơ ih klei mrâo mrang jăk anei.

Y-Luk 10:16

Hlei pô dôk hmư̆ diih dôk hmư̆ Kâo yơh; leh anăn hlei pô hngah kơ diih hngah kơ Kâo yơh; leh anăn hlei pô hngah kơ Kâo hngah kơ Pô tiŏ hriê Kâo leh.”

Y-Luk 16:22

Mnuih ƀun ƀin anăn djiê, leh anăn phung dĭng buăl jăk pŭ ba dưm gơ̆ ti đah da Y-Abraham. Mnuih mdrŏng djiê msĕ mơh, leh anăn arăng dơr ñu.

Bruă Phung Khua Ƀĭng Kna 10:3

Sa hruê hlăm brô tlâo mông tlam ñu ƀuh klă hlăm klei bi ƀuh sa čô dĭng buăl jăk Aê Diê mŭt hlăm sang ñu leh anăn lač kơ ñu, “Ơ Y-Kornei.”

Bruă Phung Khua Ƀĭng Kna 12:15

Phung anăn lač kơ gơ̆, “Ih khŏ leh.” Ƀiădah gơ̆ lač klei anăn jing sĭt. Digơ̆ lač, “Jing dĭng buăl jăk ñu yơh.”

Bruă Phung Khua Ƀĭng Kna 12:23

Hlăk anăn mtam sa čô dĭng buăl jăk Khua Yang čăm mtao Hêrôt, kyuadah ñu amâo brei klei guh kơang kơ Aê Diê ôh, leh anăn hluăt ƀơ̆ng ñu tơl djiê.

Bruă Phung Khua Ƀĭng Kna 27:23

Kyuadah mlam mlei Aê Diê, Pô jing khua kâo leh anăn Pô kâo kkuh mpŭ, tiŏ hriê sa čô dĭng buăl jăk Ñu dôk dơ̆ng giăm kâo leh anăn lač,

Bruă Phung Khua Ƀĭng Kna 5:19

Ƀiădah êjai mlam sa čô dĭng buăl jăk Khua Yang pŏk brei ƀăng bhă war leh anăn atăt digơ̆ kbiă ti tač, leh anăn lač,

Hră Y-Pôl Mơĭt kơ Phung Rôm 14:10

Si ngă ih phat kđi ayŏng adei ih lĕ? Amâodah si ngă ih bi êmut kơ ayŏng adei ih lĕ? Kyuadah jih jang drei srăng dôk dơ̆ng ti anăp jhưng Aê Diê phat kđi.

Hră Y-Pôl Mơĭt kơ Phung Rôm 14:21

Jing jăk amâo ƀơ̆ng čĭm, amâo mnăm kpiê, amâodah ngă klei mkăn bi têč hnêč ayŏng adei ih.

Hră Y-Pôl Mơĭt kơ Phung Rôm 15:1

Drei jing phung ktang hlăm klei đăo, brei drei gui klei ktrŏ phung awăt, leh anăn đăm bi mơak kơ drei pô ôh.

I Kôrantô 11:22

Si ngă? Diih amâo mâo sang pioh kơ anôk huă ƀơ̆ng amâodah mnăm mơ̆? Amâodah diih bi êmut kơ Phung Sang Aê Diê mơ̆ leh anăn bi hêñ phung amâo mâo mnơ̆ng ôh? Ya kâo srăng lač kơ diih? Kâo srăng bi mni kơ diih hlăm klei anei mơ̆? Hơăi, kâo amâo srăng bi mni kơ diih ôh.

I Kôrantô 16:11

Snăn đăm brei arăng bi êmut kơ ñu ôh. Đru klei ñu hiu hŏng klei êđăp ênang, čiăng kơ ñu dưi lŏ wĭt kơ kâo; kyuadah kâo dôk guôn ñu mbĭt hŏng phung ayŏng adei.

I Kôrantô 9:22

Hŏng phung awăt kâo jing awăt, čiăng kơ kâo dưi atăt phung awăt. Snăn hlăm jih jang klei kâo čiăng jing msĕ si jih jang mnuih, čiăng kơ hŏng jih klei anăn kâo dưi bi mtlaih đa đa hlăm phung diñu.

II Kôrantô 10:1

Kâo gơ̆ Y-Pôl kwưh kơ diih hŏng klei êdu êun leh anăn klei jăk Krist — kâo gơ̆ pô êdu êun tơdah kâo dôk mbĭt hŏng diih, ƀiădah khăng tơdah kâo êkŭt mơ̆ng diih.

II Kôrantô 10:10

Kyuadah mâo pô lač, “Hră ñu mơĭt jing khăng leh anăn ktang, ƀiădah tơdah ñu ti anăp ñu jing awăt, leh anăn klei ñu blŭ amâo yuôm ôh.”

Galati 6:1

Ơ phung ayŏng adei, diih phung mâo klei hdĭp myang, tơdah diih ƀuh sa čô lĕ hlăm klei soh, hŏng klei êdu êun mkra brei ñu wĭt ngă klei djŏ. Răng bĕ kơ diih pô msĕ mơh, huĭdah mâo klei mplư truh kơ diih.

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

I Y-Timôthê 4:12

Đăm brei ôh arăng bi êmut kơ ih kyua ih jing hlăk ai, ƀiădah brei ih jing klei bi hmô kơ phung đăo hlăm klei blŭ, hlăm klei dôk dơ̆ng ƀơ̆ng huă, hlăm klei khăp, hlăm klei đăo, hlăm klei êngeh.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Hêbrơ 9:24

Kyuadah Krist mŭt leh, amâo djŏ ôh hlăm adŭ doh jăk kngan mnuih ngă, jing rup kơ adŭ doh jăk sĭt, ƀiădah mŭt leh hlăm adiê čiăng bi êdah Ñu pô ară anei ti anăp Aê Diê bi ala drei.

Klei Bi Êdah 8:2

Leh anăn kâo ƀuh kjuh čô dĭng buăl jăk dôk dơ̆ng ti anăp Aê Diê, leh anăn arăng brei kơ diñu kjuh ƀĕ ki ayŭ.