Y-Mathiơ 17:9 - Klei Aê Diê Blŭ 2015

⁹ Êjai diñu trŭn mơ̆ng čư̆, Yêsu mtă kơ digơ̆, “Đăm yăl dliê kơ arăng ôh klei bi ƀuh anei tơl Anak Mnuih kbiă lŏ hdĭp leh mơ̆ng phung djiê.”

Y-Mathiơ 17:9 Iomraidhean Croise

Y-Mathiơ 12:16

leh anăn mtă kơ digơ̆ đăm yăl dliê brei arăng hmư̆ hing kơ Ñu ôh.

Y-Mathiơ 17:12

ƀiădah Kâo lač kơ diih Y-Êli truh leh, leh anăn arăng amâo thâo kral gơ̆ ôh, ƀiădah ngă kơ gơ̆ tui si arăng čiăng. Msĕ snăn mơh Anak Mnuih srăng tŭ klei knap mñai mơ̆ng kngan diñu.”

Y-Mathiơ 17:20

Yêsu lač kơ diñu, “Kyuadah klei đăo diih điêt. Sĭt nik Kâo lač kơ diih, tơdah diih mâo klei đăo msĕ si sa asăr djam bei hat, diih dưi lač kơ čư̆ anei, ‘Đuĕ bĕ kơ anôk mkăn,’ gơ̆ srăng đuĕ; leh anăn amâo mâo ôh sa klei diih amâo dưi ngă. [

Y-Mathiơ 17:22

Êjai diñu bi kƀĭn hlăm čar Galilê, Yêsu lač kơ phung ƀĭng kna, “Arăng srăng jao Anak Mnuih hlăm kngan mnuih,

Y-Mathiơ 17:23

phung anăn srăng bi mdjiê Ñu, leh anăn Ñu srăng lŏ hdĭp ti hruê tal tlâo.” Phung ƀĭng kna ênguôt snăk.

Y-Mathiơ 17:8

Leh anăn tơdah digơ̆ angưi dlăng, digơ̆ ƀuh knŏng hjăn Yêsu.

Y-Mathiơ 8:20

Yêsu lač kơ gơ̆, “Phung mja mâo ƀăng, phung čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

Y-Mathiơ 8:4

Leh anăn Yêsu lač kơ ñu, “Răng bĕ, đăm yăl dliê klei anei kơ arăng ôh, ƀiădah nao bi êdah bĕ ih pô kơ khua ngă yang leh anăn myơr mnơ̆ng tui si Y-Môis mtă leh, čiăng bi sĭt klei anei ti anăp phung ƀuôn sang.”

Y-Markôs 8:30

Leh anăn Yêsu mtă ktang tĭt kơ digơ̆ đăm hưn kơ arăng ôh hlei Ñu jing.

Y-Luk 8:56

Amĭ ama gơ̆ bi kngăr; ƀiădah Yêsu mtă kơ diñu đăm hưn kơ arăng ôh ya klei truh leh.

Y-Luk 9:36

Tơdah ruê̆ asăp blŭ anăn knŏng Yêsu dôk tinăn. Phung ƀĭng kna dôk ñăt, leh anăn amâo yăl dliê kơ arăng ôh hlăk anăn klei digơ̆ ƀuh leh.