Y-Mathiơ 17:5 - Klei Aê Diê Blŭ 2015

⁵ Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Mathiơ 17:5 Iomraidhean Croise

Y-Yôp 38:1

Yêhôwa lŏ wĭt lač kơ Y-Yôp mơ̆ng angĭn đrŭng:

Klei Mmuñ Hđăp 81:7

Diih ur leh hlăm klei knap mñai, leh anăn Kâo bi mtlaih diih leh; Kâo lŏ wĭt lač leh kơ diih mơ̆ng anôk hgăm grăm dôk; Kâo lông dlăng diih leh ti êa Mêriba. (Sêla)

Klei Kbiă 19:19

Tơdah săp ki mñê ktang hĭn êjai, Y-Môis blŭ, leh anăn Aê Diê lŏ wĭt lač kơ ñu hŏng asăp grăm.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 42:21

Kyua klei kpă ênô Ñu pô, Yêhôwa mơak čiăng bi lar leh anăn bi guh kơang klei bhiăn Ñu.

Y-Mathiơ 12:18

“Nĕ anei dĭng buăl Kâo ruah leh, Pô Kâo khăp, hlăm Ñu Kâo mâo klei mơak snăk. Kâo srăng dưm Mngăt Myang Kâo ti Ñu, leh anăn Ñu srăng hưn klei Kâo phat kđi kơ phung tue.

Y-Mathiơ 17:6

Tơdah phung ƀĭng kna hmư̆ klei anei, diñu lĕ buh mkŭp ƀô̆ ti lăn bŏ hŏng klei huĭ snăk.

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Markôs 1:11

Leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih Kâo mâo klei mơak snăk.”

Y-Markôs 9:7

Leh anăn mâo knam guôm diñu, leh anăn mâo asăp blŭ kbiă mơ̆ng knam, “Anei yơh jing Anak Kâo, pô Kâo khăp êdimi. Brei diih hmư̆ bĕ klei Ñu.”

Y-Luk 3:22

leh anăn Yang Mngăt Jăk trŭn ti dlông Ñu msĕ si asei mlei sa drei mgăm, leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih kâo mâo klei mơak snăk.”

Y-Yôhan 3:16

Kyuadah Aê Diê khăp êdimi kơ lăn ala, tơl Ñu brei Anak Ñu pô mâo knŏng sa čô, čiăng kơ hlei pô đăo kơ Anak Ñu anăn amâo rai tuč ôh, ƀiădah mâo klei hdĭp hlŏng lar.

Y-Yôhan 3:35

Ama khăp kơ Anak leh anăn jao leh jih jang mnơ̆ng hlăm kngan Ñu sơăi.

Y-Yôhan 5:37

Leh anăn Ama, Pô tiŏ hriê Kâo leh, hưn bi sĭt kơ Kâo. Diih amâo tuôm hmư̆ asăp Ñu ôh, kăn diih tuôm ƀuh rup asei mlei Ñu rei;

Bruă Phung Khua Ƀĭng Kna 1:9

Leh Ñu blŭ klei anăn, Aê Diê pŭ ba Ñu kơ dlông êjai phung khua ƀĭng kna Ñu dôk dlăng, leh anăn mâo knam guôm Ñu, leh anăn digơ̆ amâo lŏ ƀuh Ñu ôh.

Bruă Phung Khua Ƀĭng Kna 7:37

Y-Môis anei yơh blŭ leh kơ phung Israel snei, ‘Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo.’

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Klei Mtô Mñă Klei Bhiăn 18:15

“Yêhôwa Aê Diê diih srăng mđĭ kơ diih sa čô khua pô hưn êlâo msĕ si kâo mơ̆ng krah diih, mơ̆ng phung ayŏng adei diih. Brei diih dôk hmư̆ ñu.

Klei Mtô Mñă Klei Bhiăn 18:19

Hlei pô amâo dôk hmư̆ ôh klei Kâo blŭ mơ̆ng khua pô hưn êlâo srăng blŭ hlăm anăn Kâo, Kâo pô srăng phat kđi kơ pô anăn.

Klei Mtô Mñă Klei Bhiăn 5:22

Klei anei Yêhôwa blŭ kơ jih jang phung diih bi kƀĭn ti čư̆ mơ̆ng krah pui, mơ̆ng knam, leh anăn mơ̆ng klei mmăt tĭt, hŏng asăp kraih ktang; leh anăn Ñu amâo lŏ thiăm ôh. Ñu čih klei anăn ti dua pŏk mdhă boh tâo leh anăn brei digơ̆ kơ kâo.”

Kôlôs 1:13

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

Hêbrơ 5:9

leh anăn tơdah leh Ñu jing jăk klă, Ñu jing akŏ kơ klei bi mtlaih hlŏng lar kơ jih jang hlei pô gưt asăp kơ Ñu.

Klei Bi Êdah 1:7

Nĕ anei, Ñu srăng hriê mbĭt hŏng knam, leh anăn jih jang ală srăng ƀuh Ñu, wăt phung tuôm tlŏ Ñu leh, leh anăn jih jang găp djuê ti lăn ala srăng čŏk hia kyua Ñu. Sĭt nik. Amen.

Klei Bi Êdah 14:14

Êdei tinăn kâo dlăng, leh anăn nĕ anei mâo sa knam kô̆. Sa čô msĕ si Anak Mnuih dôk gŭ ti knam anăn. Ñu đua sa boh đuôn mtao mah ti boh kŏ ñu, leh anăn djă sa ƀĕ mniă ƀơ̆ng snăk hlăm kngan ñu.