Y-Mathiơ 17:4 - Klei Aê Diê Blŭ 2015

⁴ Y-Pêtrôs lač kơ Yêsu, “Ơ Khua Yang, jăk yơh drei dôk tinei, tơdah Ih čiăng kâo srăng ngă tlâo boh sang čhiăm tinei, sa boh kơ Ih, sa boh kơ Y-Môis, leh anăn sa boh kơ Y-Êli.”

Y-Mathiơ 17:4 Iomraidhean Croise

Klei Mmuñ Hđăp 16:11

Ih brei kâo thâo bĭt leh êlan klei hdĭp; ti anăp Ih mâo klei hơ̆k mơak êbeh dlai; ti kngan hnuă Ih mâo klei jăk mơak nanao hlŏng lar.

Klei Mmuñ Hđăp 4:6

Lu mnuih lač, “Hlei dưi brei kơ drei ƀuh klei jăk mơak?” Ơ Yêhôwa, brei klei mngač mơ̆ng ƀô̆ mta Ih mtrang kơ hmei!

Y-Êsai 33:17

Ală ih srăng ƀuh mtao hlăm klei siam Ñu. Ală ih srăng dlăng sa boh čar truh ti knông kbưi.

Y-Sakari 9:17

Sĭt yơh, prŏng êdi klei jăk leh anăn siam ñu! Mdiê srăng lŏ bi ktang phung êkei hlăk ai, leh anăn kpiê mrâo kơ phung mniê êra.

Y-Mathiơ 17:3

leh anăn nĕ anei, Y-Môis leh anăn Y-Êli bi êdah kơ diñu blŭ hrăm hŏng Yêsu.

Y-Luk 9:33

Êjai dua čô êkei anăn dơ̆ng đuĕ mơ̆ng Yêsu, Y-Pêtrôs lač kơ Ñu, “Ơ Nai, jăk yơh drei dôk tinei; brei hmei ngă tlâo boh sang čhiăm, sa boh kơ Ih, sa boh kơ Y-Môis, leh anăn sa boh kơ Y-Êli.” Gơ̆ amâo thâo ôh ya klei gơ̆ lač.

Y-Yôhan 17:24

Ơ Ama, Kâo čiăng kơ phung Ih brei leh kơ Kâo msĕ mơh dưi dôk mbĭt hŏng Kâo ti anôk Kâo dôk, čiăng kơ diñu ƀuh klei guh kơang Kâo, Ih brei leh kơ Kâo kyua Ih khăp leh kơ Kâo êlâo kơ klei hrih lăn ala.

Y-Yôhan 7:2

Klei Knăm Sang Čhiăm phung Yuđa giăm truh leh.

Philip 1:23

Mâo dua nah klei kpĭ kâo: kâo čiăng đuĕ nao dôk mbĭt hŏng Krist, kyuadah klei anăn jing jăk hĭn.

I Y-Yôhan 3:2

Ơ phung kâo khăp, ară anei drei jing anak Aê Diê; ya klei drei srăng jing ka bi êdah ôh. Ƀiădah klei anei drei thâo: tơdah Ñu bi êdah, drei srăng jing msĕ si Ñu, kyuadah drei srăng ƀuh Ñu msĕ si Ñu jing.

Klei Bi Êdah 21:23

Ƀuôn anăn amâo lŏ čiăng kơ yang hruê amâodah mlan bi mngač ñu ôh, kyuadah klei guh kơang Aê Diê bi mngač ƀuôn anăn, leh anăn Êđai Biăp jing pui kđen kơ ñu.