Y-Mathiơ 17:26 - Klei Aê Diê Blŭ 2015

²⁶ Tơdah Y-Pêtrôs lač, “Mơ̆ng phung mkăn,” Yêsu lač kơ ñu, “Snăn phung anak tlaih tuh jia.

Y-Mathiơ 17:26 Iomraidhean Croise

Y-Mathiơ 17:25

Y-Pêtrôs lač, “Ơ̆.” Tơdah Y-Pêtrôs wĭt leh kơ sang, Yêsu blŭ kơ ñu êlâo, lač, “Ya ih mĭn, Ơ Y-Simôn? Mơ̆ng hlei pô phung mtao ti lăn ala rĭng jia? Mơ̆ng phung anak diñu amâodah mơ̆ng phung mkăn?”

Y-Mathiơ 17:27

Ƀiădah čiăng kơ drei amâo brei diñu têč hnêč ôh, nao bĕ kơ êa ksĭ, wah kan, mă kan djŏ wah êlâo hĭn. Leh ih pŏk ƀăng êgei gơ̆, ih srăng ƀuh sa asăr prăk ênoh dưi tuh jia djăp kơ Kâo leh anăn kơ ih; mă prăk anăn tuh brei jia kơ Kâo leh anăn kơ ih pô.”

Y-Luk 16:8

Khua kơ pô kiă amâo sĭt suôr anăn bi mni kơ ñu, kyuadah ñu ngă leh hŏng klei thâo mĭn; kyuadah phung anak lăn ala anei hlăm ênuk digơ̆ jing knhâo hĭn kơ phung anak klei mngač.

Y-Luk 9:50

Ƀiădah Yêsu lač kơ Y-Yôhan, “Đăm ghă ñu ôh, kyuadah hlei pô amâo bi kdơ̆ng hŏng diih jing pô tĭng kơ diih.”

I Têsalônik 5:22

brei diih hngah jih jang klei jhat.

I Y-Samuel 17:25

Phung kahan Israel lač, “Ih ƀuh mơ̆ êkei anei kbiă hriê? Sĭt nik ñu hriê bi riêl ai phung Israel kơ klei bi blah. Hlei pô bi mdjiê ñu, mtao srăng bi mdrŏng ñu hŏng lu ngăn drăp leh anăn srăng brei anak mniê gơ̆ kơ pô anăn, leh anăn gơ̆ srăng bi êngiê sang ama ñu hlăm čar Israel.”