Y-Mathiơ 17:23 - Klei Aê Diê Blŭ 2015

²³ phung anăn srăng bi mdjiê Ñu, leh anăn Ñu srăng lŏ hdĭp ti hruê tal tlâo.” Phung ƀĭng kna ênguôt snăk.

Y-Mathiơ 17:23 Iomraidhean Croise

Klei Mmuñ Hđăp 16:10

Kyuadah Ih amâo srăng lui ôh mngăt kâo hlăm Ƀuôn Phung Djiê, kăn brei rei Pô Doh Jăk Ih tuôm ƀuh klei brŭ rai.

Klei Mmuñ Hđăp 22:15

Klei ktang kâo thu msĕ si lăn čeh mčah, êlah kâo đuôm hŏng hưl kâo, Ih brei kâo đih ti ƀruih lăn msĕ si djiê.

Y-Êsai 53:7

Arăng ktư̆ juă Ñu leh anăn bi knap Ñu, ƀiădah Ñu amâo tuôm ha ƀăng êgei Ñu ôh; msĕ si sa drei êđai biăp arăng atăt kơ anôk koh bi mdjiê, msĕ si sa drei êđai biăp dôk kmlô ti anăp phung kăp mlâo Ñu, msĕ snăn mơh Ñu amâo ha ƀăng êgei Ñu ôh.

Y-Đaniel 9:26

Leh tloh năm pluh dua hruê kăm anăn, arăng srăng bi mdjiê hĕ Pô arăng trôč êa ƀâo mngưi, leh anăn gơ̆ amâo srăng mâo mnơ̆ng ôh. Leh anăn phung ƀuôn sang khua srăng truh êdei srăng bi rai hĕ ƀuôn leh anăn adŭ doh jăk. Ti knhal tuč êa lip srăng bi rai ñu, leh anăn srăng mâo klei bi blah tơl knhal tuč; Aê Diê čuăn leh klei ênguôl srăng truh.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mathiơ 16:21

Dơ̆ng mơ̆ng hruê anăn Yêsu dơ̆ng bi êdah kơ phung ƀĭng kna Ñu kơ Ñu srăng nao ti ƀuôn Yêrusalem leh anăn tŭ lu klei knap mñai mơ̆ng phung khua mduôn, phung knơ̆ng khua ngă yang, leh anăn phung khua čih hră. Phung anăn srăng bi mdjiê Ñu, ƀiădah ti hruê tal tlâo Ñu srăng lŏ hdĭp.

Y-Mathiơ 17:9

Êjai diñu trŭn mơ̆ng čư̆, Yêsu mtă kơ digơ̆, “Đăm yăl dliê kơ arăng ôh klei bi ƀuh anei tơl Anak Mnuih kbiă lŏ hdĭp leh mơ̆ng phung djiê.”

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 27:63

leh anăn lač, “Ơ khua, hmei hdơr kơ mnuih luar anăn êjai ñu dôk hdĭp lač snei, ‘Tloh tlâo hruê Kâo srăng kbiă lŏ hdĭp.’

Y-Markôs 8:31

Yêsu dơ̆ng mtô kơ diñu klei Anak Mnuih srăng tŭ lu klei knap mñai, leh anăn phung khua mduôn, phung knơ̆ng khua ngă yang, leh anăn phung khua čih hră srăng hngah kơ Ñu leh anăn bi mdjiê Ñu, leh anăn tlâo hruê êdei Ñu srăng kbiă lŏ hdĭp.

Y-Markôs 9:30

Mơ̆ng anôk anăn diñu hlŏng nao găn čar Galilê, ƀiădah Yêsu amâo čiăng arăng thâo ôh,

Y-Yôhan 16:6

Ƀiădah kyua Kâo lač leh klei anăn kơ diih, ai tiê diih bŏ hŏng klei ênguôt.

Y-Yôhan 2:19

Yêsu lač, “Bi rai hĕ sang kkuh mpŭ anei, leh anăn Kâo srăng lŏ mdơ̆ng ñu hlăm tlâo hruê.”