Y-Mathiơ 16:6 - Klei Aê Diê Blŭ 2015

⁶ Yêsu lač kơ diñu, “Răng bĕ kơ kpei phung Pharisi leh anăn phung Sadusi.”

Y-Mathiơ 16:6 Iomraidhean Croise

Bruă Lêwi 2:11

Đăm ngă ôh sa mnơ̆ng myơr kpŭng ƀhĭ diih ba kơ Yêhôwa hŏng kpei; kyuadah diih amâo srăng čuh ôh kpei amâodah êa hnuê jing mnơ̆ng myơr brei pui ƀơ̆ng kơ Yêhôwa.

Y-Mathiơ 16:1

Phung Pharisi leh anăn phung Sadusi hriê čiăng lông dlăng Yêsu. Diñu akâo kơ Gơ̆ bi êdah kơ diñu sa klei bi knăl mdê mơ̆ng adiê.

Y-Mathiơ 16:11

Si ngă diih amâo thâo săng, Kâo amâo blŭ kơ kpŭng ôh. Răng bĕ kơ kpei phung Pharisi leh anăn phung Sadusi.”

Y-Mathiơ 16:12

Hlăk anăn diñu thâo săng yơh kơ Yêsu lač kơ diñu brei răng amâo djŏ kơ kpei ngă kpŭng ôh, ƀiădah kơ klei phung Pharisi leh anăn phung Sadusi mtô.

Y-Mathiơ 16:5

Tơdah phung ƀĭng kna truh kơ hang nah dih, diñu wơr bĭt djă ba kpŭng.

Y-Mathiơ 16:7

Diñu bi trông čhai hdơ̆ng diñu, lač, “Kyua drei amâo yŏng djă ba kpŭng.”

Y-Mathiơ 3:7

Ƀiădah tơdah ñu ƀuh lu phung Pharisi leh anăn phung Sadusi hriê tŭ klei ƀaptem, ñu lač kơ digơ̆, “Ơ phung djuê ala kpơ̆ng, hlei hưn kơ diih dưi đuĕ mơ̆ng klei Aê Diê ngêñ srăng truh?

Y-Markôs 8:15

Yêsu brei diñu răng, lač, “Răng bĕ kơ kpei phung Pharisi leh anăn kơ kpei Hêrôt.”

Y-Luk 12:1

Êjai anăn tơdah mâo lu êbâo čô mnuih bi kƀĭn mđrăm mbĭt tơl bi juă hdơ̆ng găp, êlâo hĭn Yêsu dơ̆ng blŭ kơ phung ƀĭng kna Ñu, “Răng bĕ kơ kpei phung Pharisi, jing klei ai ngăm.

Y-Luk 12:15

Leh anăn Yêsu lač kơ digơ̆, “Răng bĕ, đăm tluh kơ dŏ dô ôh, kyuadah klei hdĭp sa čô mnuih amâo djŏ ôh kyua ñu mâo lu êbeh dŏ ngăn.”

Y-Yôhan 4:33

Snăn phung ƀĭng kna bi lač hdơ̆ng digơ̆ pô, “Si ngă, mâo pô ba leh mnơ̆ng ƀơ̆ng huă kơ Ñu hĕ?”

Galati 5:9

Kpei ƀiă dưi bi buk jih kpŭng.