Y-Mathiơ 16:25 - Klei Aê Diê Blŭ 2015

²⁵ Kyuadah hlei pô čiăng bi mtlaih klei hdĭp ñu srăng luč gơ̆, ƀiădah hlei pô bi luč klei hdĭp ñu kyua Kâo srăng bi mtlaih gơ̆.

Y-Mathiơ 16:25 Iomraidhean Croise

H'Êsther 4:14

Kyuadah tơdah ih dôk ñăt ti mông msĕ snei, klei đru leh anăn klei bi mtlaih srăng truh kơ phung Yuđa mơ̆ng anôk mkăn, ƀiădah ih leh anăn sang ama ih srăng rai tuč. Leh anăn hlei thâo, thâodah ih truh kơ klei jing mtao mniê kyua ênuk msĕ snei?”

H'Êsther 4:16

“Nao bĕ, bi kƀĭn jih jang phung Yuđa dôk hlăm ƀuôn Susa, kăm ƀơ̆ng huă kyua kâo, leh anăn đăm ƀơ̆ng huă kăn mnăm rei êjai tlâo hruê, hruê amâodah mlam. Msĕ mơh kâo leh anăn phung dĭng buăl mniê kâo srăng kăm ƀơ̆ng huă msĕ si diih. Leh anăn kơh kâo srăng nao kơ mtao, wăt tơdah gao klei bhiăn dưn; leh anăn tơdah kâo djiê, kâo djiê yơh.”

Khua Pô Mtô 3:6

hlăk duah mnơ̆ng, leh anăn hlăk luč mnơ̆ng, hlăk pioh mnơ̆ng, leh anăn hlăk hwiê hĕ mnơ̆ng anăn,

Y-Mathiơ 10:39

Hlei pô pioh klei hdĭp ñu srăng luč hĕ; leh anăn hlei pô bi luč klei hdĭp ñu kyua Kâo srăng lŏ ƀuh gơ̆.

Y-Mathiơ 16:26

Kyuadah ya tŭ dưn kơ sa čô mnuih tơdah ñu mâo jih lăn ala ƀiădah mngăt ñu luč? Amâodah ya mnơ̆ng ñu srăng brei čiăng bi tui mngăt ñu?

Y-Markôs 8:35

Kyuadah hlei pô čiăng bi mtlaih klei hdĭp ñu srăng luč gơ̆; ƀiădah hlei pô luč klei hdĭp ñu pô kyua Kâo leh anăn kyua klei mrâo mrang jăk srăng bi mtlaih gơ̆.

Y-Luk 17:33

Hlei pô duah čiăng bi mtlaih klei hdĭp ñu srăng bi luč gơ̆; ƀiădah hlei pô bi luč klei hdĭp ñu srăng djă pioh gơ̆.

Y-Yôhan 12:25

Hlei pô khăp kơ klei hdĭp ñu pô srăng bi luč gơ̆, leh anăn hlei pô bi êmut kơ klei hdĭp ñu pô hlăm lăn ala anei srăng pioh gơ̆ hlŏng lar.

Klei Bi Êdah 12:11

Diñu dưi hŏng pô kčŭt anăn kyua êrah Êđai Biăp leh anăn kyua klei blŭ diñu hưn, kyuadah diñu săn asei mlei wăt tơl djiê dưn mơh.