23 Ƀiădah Yêsu wir dlăng leh anăn lač kơ Y-Pêtrôs, “Kdŭn đuĕ mơ̆ng Kâo, Ơ Satan! Ih jing pô bi têč hnêč Kâo, kyuadah klei mĭn ih amâo kbiă hriê mơ̆ng Aê Diê ôh, ƀiădah kbiă hriê mơ̆ng mnuih.”
Leh anăn Ñu lač kơ Y-Ađam, “Kyuadah ih gưt leh asăp mô̆ ih, leh anăn ƀơ̆ng leh boh ana kyâo Kâo ghă leh anăn lač leh, ‘Đăm ih ƀơ̆ng ôh boh anăn,’ Lăn mâo klei tăm pah kyua ih; ih srăng mâo mnơ̆ng ƀơ̆ng huă mơ̆ng lăn hŏng klei suăi jih hruê ih dôk hdĭp;
Ƀiădah Y-Đawit lač, “Ya klei kâo mâo hŏng diih, Ơ phung anak êkei Y-Sêruia tơl diih jing hĕ hruê anei msĕ si phung roh hŏng kâo? Arăng srăng bi mdjiê mơ̆ hruê anei sa čô hlăm phung Israel? Kyuadah kâo amâo thâo hĕ hruê anei kâo jing mtao kơ phung Israel?”
Satan kgŭ bi kdơ̆ng hŏng phung Israel, leh anăn mtrŭt Y-Đawit brei yap phung Israel.
Ñu srăng jing sa anôk doh jăk, sa boh tâo bi têč hnêč arăng, leh anăn boh tâo prŏng bi lĕ buh kơ jih dua găp djuê Israel. Bi kơ phung dôk hlăm ƀuôn Yêrusalem, Ñu srăng jing đrư̆ leh anăn kđông ƀêč.
Y-Pêtrôs mă ba Ñu kơ anôk hjăn leh anăn bi mtah Ñu, lač, “Ơ Khua Yang, brei Aê Diê ghă klei anăn! Klei anăn amâo srăng truh kơ Ih ôh.”
Knap mñai yơh kơ lăn ala kyua mâo lu klei bi msoh. Kyuadah bhiăn mâo klei bi msoh, ƀiădah knap mñai yơh kơ hlei pô brei klei bi msoh truh.
Yêsu lač kơ ñu, “Đuĕ bĕ Satan! Kyuadah Klei Aê Diê Blŭ čih leh snei: ‘Brei ih kkuh mpŭ kơ Khua Yang Aê Diê ih, leh anăn brei ih mă bruă knŏng kơ Ñu yơh.’ ”
Ƀiădah Yêsu wir dlăng kơ phung ƀĭng kna Ñu leh anăn ƀuah Y-Pêtrôs leh anăn lač, “Kdŭn ti tluôn Kâo, Ơ Satan. Kyuadah klei ih mĭn amâo djŏ klei Aê Diê ôh, ƀiădah tĭng kơ mnuih.”
Yêsu lŏ wĭt lač kơ ñu, “Klei Aê Diê Blŭ čih leh snei, ‘Brei ih kkuh mpŭ kơ Khua Yang Aê Diê ih, leh anăn mă bruă knŏng kơ Ñu yơh.’ ”
Yêsu lŏ wĭt lač kơ digơ̆, “Amâo djŏ hĕ Kâo ruah diih leh, pluh dua čô, ƀiădah sa čô hlăm phung diih jing yang jhat?”
Snăn, đăm drei bi phat kđi hdơ̆ng drei ôh, ƀiădah mĭn đăm bi têč hnêč amâodah bi gun êlan kơ ayŏng adei ôh.
Jing jăk amâo ƀơ̆ng čĭm, amâo mnăm kpiê, amâodah ngă klei mkăn bi têč hnêč ayŏng adei ih.
Klei knhal tuč diñu srăng jing klei rai luč. Tian diñu pô jing yang kơ diñu. Diñu mgao hlăm klei bi hêñ diñu, êjai mĭn kơ mnơ̆ng ti lăn ala.
Khăp mĭn bĕ kơ mnơ̆ng hlăm adiê, amâo djŏ ôh kơ mnơ̆ng ti lăn ala.