Y-Mathiơ 16:18 - Klei Aê Diê Blŭ 2015

¹⁸ Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Mathiơ 16:18 Iomraidhean Croise

Klei Mphŭn Dơ̆ng 22:17

Kâo srăng brei klei jăk jĭn kơ ih, leh anăn Kâo srăng bi lar phung anak čô ih msĕ si mtŭ hlăm adiê leh anăn msĕ si čuah ti hang êa ksĭ. Leh anăn phung anak čô ih srăng dưi hŏng phung roh diñu.

II Y-Samuel 18:4

Mtao lač kơ diñu, “Kâo srăng ngă ya diih mĭn jăk hĭn.” Snăn mtao dôk dơ̆ng ti djiêô ƀăng jang êjai jih jang phung kahan êbat kbiă nao hŏng phung êtuh čô leh anăn phung êbâo čô.

Y-Yôp 38:17

Arăng tuôm bi êdah mơ̆ kơ ih ƀăng jang klei djiê, amâodah ih tuôm ƀuh mơ̆ ƀăng jang klei mmăt kpal?

Klei Mmuñ Hđăp 107:18

Diñu bi êmut snăk kơ jih jang mnơ̆ng ƀơ̆ng huă, leh anăn diñu nao giăm ƀăng jang klei djiê.

Klei Mmuñ Hđăp 127:5

Jăk mơak yơh mnuih mâo đĭng tiông ñu bŏ leh; ñu amâo srăng hêñ ôh, tơdah ñu blŭ hŏng phung roh ñu ti ƀăng jang.

Klei Mmuñ Hđăp 129:2

Knap snăk diñu ktư̆ juă kâo leh mơ̆ng ênuk kâo jing hđeh; ƀiădah diñu amâo tuôm dưi hŏng kâo ôh.

Klei Mmuñ Hđăp 69:12

Phung dôk gŭ ti ƀăng jang bi blŭ mưč kơ kâo, leh anăn phung kpiê ruă mmuñ bi hlă kơ kâo.

Klei Mmuñ Hđăp 9:13

Pap mñai kơ kâo, Ơ Yêhôwa; dlăng kơ klei knap mñai kâo tŭ mơ̆ng phung bi êmut kơ kâo, pŭ mđuĕ kâo mơ̆ng ƀăng jang klei djiê,

Klei Bi Hriêng 24:7

Klei thâo mĭn jing êlam đei kơ mnuih mluk, ñu amâo ha ƀăng êgei ôh ti anôk ƀăng jang.

Y-Êsai 28:16

Kyuanăn Khua Yang Yêhôwa lač snei: “Nĕ anei, Kâo dưm hlăm Siôn sa klŏ boh tâo, sa klŏ boh tâo arăng lông dlăng leh, boh tâo kiêng yuôm hlăm tur kjăp. Hlei pô đăo amâo srăng êdu ai ôh.

Y-Êsai 28:6

Ñu srăng jing klei mĭn klei kpă pioh kơ khua phat kđi, leh anăn klei ktang kơ phung bi kdŭn phung roh mơ̆ng ƀăng jang.

Y-Êsai 38:10

Kâo lač, “Ti krah ênuk kâo dôk hdĭp kâo srăng đuĕ nao kơ ƀăng jang Ƀuôn Phung Djiê, čiăng luč thŭn adôk kơ kâo mơ̆?”

Y-Êsai 54:17

Amâo mâo ôh sa mnơ̆ng bi blah arăng mkra čiăng ngă kơ ih srăng dưi, ih srăng dưi hŏng grăp êlah blŭ kđi bi kdơ̆ng hŏng ih. Klei anei yơh jing ngăn dưn kơ phung dĭng buăl Yêhôwa, leh anăn klei kpă ênô diñu mâo mơ̆ng Kâo,” Yêhôwa lač.

Y-Yôna 2:6

Kâo trŭn leh kơ tur čư̆, giê kal lăn kđăl ti dlông kâo hlŏng lar. Ƀiădah Ih kdjŏng mă leh klei hdĭp kâo mơ̆ng Ƀăng Êlam, Ơ Yêhôwa Aê Diê kâo.

Y-Mathiơ 10:2

Anăn phung pluh dua čô khua ƀĭng kna snei: êlâo hĭn Y-Simôn lŏ bi anăn Y-Pêtrôs, leh anăn Y-Andrê adei ñu, Y-Yakơ anak Y-Sêbêdê, leh anăn Y-Yôhan adei ñu,

Y-Mathiơ 11:23

Bi ih, Ơ ƀuôn Kapernum, arăng srăng mđĭ ih truh kơ adiê mơ̆? Arăng srăng dlăm ih hlăm Ƀuôn Phung Djiê. Kyuadah tơdah arăng ngă ti ƀuôn Sôdôm bruă myang arăng ngă leh ti krah ih, sĭt nik yơh ñu ăt dôk tơl hruê anei.

Y-Mathiơ 18:17

Tơdah ñu hngah amâo čiăng dôk hmư̆ digơ̆ ôh, hưn klei anăn kơ Phung Sang Aê Diê; leh anăn tơdah ñu hngah amâo čiăng dôk hmư̆ ôh wăt kơ Phung Sang Aê Diê, brei ih yap ñu msĕ si sa čô amâo đăo amâodah sa čô rĭng jia.”

Y-Mathiơ 4:18

Êjai Yêsu êbat ktuê hang êa ksĭ Galilê, Ñu ƀuh dua čô ayŏng adei, Y-Simôn lŏ bi anăn Y-Pêtrôs, leh anăn Y-Andrê adei gơ̆. Digơ̆ dôk dăng ñuăl hlăm êa ksĭ, kyuadah digơ̆ jing mnuih trah yao.

Y-Mathiơ 7:24

“Snăn yơh hlei pô hmư̆ klei Kâo blŭ anei leh anăn gưt srăng jing msĕ si sa čô mnuih thâo mĭn mdơ̆ng sang ñu ti dlông boh tâo.

Y-Yôhan 1:42

Ñu atăt ba Y-Simôn kơ Yêsu. Yêsu dlăng kơ gơ̆ leh anăn lač, “Ih jing Y-Simôn anak Y-Yôhan. Arăng srăng pia kơ ih Y-Sêphas” (čiăng lač Pêtrôs).

Bruă Phung Khua Ƀĭng Kna 2:47

bi mni kơ Aê Diê leh anăn bi mơak kơ jih jang phung ƀuôn sang. Leh anăn grăp hruê Khua Yang lŏ thiăm kơ Phung Sang Aê Diê phung mă tŭ klei bi mtlaih.

Bruă Phung Khua Ƀĭng Kna 20:28

Răng bĕ kơ diih pô leh anăn kơ jih jang biăp Yang Mngăt Jăk brei diih jing leh phung kiă, čiăng čiêm rông Phung Sang Aê Diê, phung Ñu bi tui leh hŏng êrah Anak Ñu pô.

Bruă Phung Khua Ƀĭng Kna 8:1

Y-Sôl ư ai mơh kơ klei bi mdjiê Y-Êtiên. Hruê anăn arăng dơ̆ng ngă jhat ktang snăk kơ Phung Sang Aê Diê hlăm ƀuôn Yêrusalem. Jih jang phung đăo bra đuĕ mdê mdê hlăm čar Yuđa leh anăn čar Samari. Knŏng phung khua ƀĭng kna ăt dôk hlăm ƀuôn Yêrusalem.

I Kôrantô 15:55

Ơ klei djiê, ti klei ŏng dưi? Ơ klei djiê, ti ênuč ŏng?”

Galati 2:9

leh anăn tơdah diñu thâo săng leh klei pap Aê Diê brei leh kơ kâo, Y-Yakơ, Y-Sêphas, leh anăn Y-Yôhan, phung arăng mpŭ yap msĕ si kmeh, êyuh kngan hnuă klei bi mguôp hŏng kâo leh anăn Y-Barnabas, čiăng brei hmei nao kơ phung tue, leh anăn diñu nao kơ phung khăt klĭt.

Êphêsô 3:10

čiăng kơ hŏng Phung Sang Aê Diê phung khua kiă kriê leh anăn phung mâo klei dưi dôk hlăm jih adiê ti dlông dưi thâo săng jih klei thâo mĭn Aê Diê.

Êphêsô 5:32

Klei anăn jing sa klei yuôm hgăm prŏng; kâo blŭ klei anăn bi hmô hŏng Krist leh anăn Phung Sang Aê Diê.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

I Y-Timôthê 3:15

tơdah kâo hnui truh, ih dưi thâo si klei djŏ dôk dơ̆ng ƀơ̆ng huă hlăm găp djuê Aê Diê, jing Phung Sang Aê Diê hdĭp, jing kmeh leh anăn atur dưh klei sĭt nik.

I Y-Timôthê 3:5

Kyuadah tơdah sa čô amâo thâo kiă kriê sang ñu pô, si ñu dưi kiă kriê Phung Sang Aê Diê lĕ?

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 21:14

Mnư̆ ƀuôn anăn mâo pluh dua atur, leh anăn ti atur anăn arăng čih anăn pluh dua čô khua ƀĭng kna Êđai Biăp.