Y-Mathiơ 15:9 - Klei Aê Diê Blŭ 2015

⁹ Amâo yuôm ôh klei diñu kkuh mpŭ kơ Kâo, êjai diñu mtô klei bhiăn mnuih mjing klei bhiăn Kâo.’ ”

Y-Mathiơ 15:9 Iomraidhean Croise

Klei Mmuñ Hđăp 39:6

Sĭt nik mnuih hiu êbat msĕ si êyui! Ñu mă bruă dleh dlan luč hơăi mang; ñu mkăm klei mdrŏng leh anăn amâo thâo hlei srăng dưn mă.

Klei Mmuñ Hđăp 73:13

Snăn amâo yuôm ôh kâo bi doh leh ai tiê kâo, leh anăn pioh kngan kâo amâo tuôm soh ôh.

Klei Kbiă 20:7

Đăm ih yua anăn Yêhôwa Aê Diê ih hơăi mang ôh, kyuadah Yêhôwa amâo srăng yap kpă ôh pô yua anăn Ñu hơăi mang.

Y-Êsai 29:13

Khua Yang lač, “Kyuadah phung ƀuôn sang anei hriê giăm Kâo leh anăn mpŭ kơ Kâo hŏng ƀăng êgei leh anăn êlah diñu, ƀiădah ai tiê diñu kbưi mơ̆ng Kâo; leh anăn klei diñu huĭ mpŭ kơ Kâo knŏng jing klei mnuih mtă diñu hriăm răk leh.

Bruă Lêwi 26:16

Kâo srăng ngă klei anei kơ diih: Kâo srăng bi kčah brei klei bi huĭ truh kơ diih bhiâo riâo rit, klei bi djiu, leh anăn klei êngoh bi rai ală diih leh anăn bi luč klei hdĭp diih. Leh anăn diih srăng buh pla mjeh diih hơăi mang, kyuadah phung roh diih srăng ƀơ̆ng dŏ anăn.

Bruă Lêwi 26:20

Diih srăng yua klei mơai diih hơăi mang, kyuadah lăn diih amâo srăng brei boh ôh, leh anăn ana kyâo hlăm čar diih amâo srăng mboh ôh.

Y-Malaki 3:14

Diih lač leh, ‘Amâo yuôm ôh mă bruă kơ Aê Diê. Ya yuôm hmei gưt klei Ñu mtă amâodah êbat hŏng klei kơŭ kyăm ti anăp Yêhôwa kơ phung kahan?

Y-Mathiơ 15:10

Êdei tinăn Ñu iêô phung ƀuôn sang hriê kơ Ñu leh anăn lač kơ digơ̆, “Dôk hmư̆ bĕ, leh anăn brei diih thâo săng:

Y-Markôs 7:7

Amâo yuôm ôh klei diñu kkuh mpŭ kơ Kâo, êjai diñu mtô klei bhiăn mnuih mjing klei bhiăn Kâo.’

I Kôrantô 15:2

Hŏng klei anăn diih tlaih tơdah diih djă pioh kjăp klei mrâo mrang jăk kâo mtô anăn — tơdah amâo djŏ snăn klei diih đăo jing hơăi mang.

Klei Mtô Mñă Klei Bhiăn 12:32

Jih jang klei kâo mtă kơ diih, brei diih răng ngă; đăm thiăm amâodah bi hrŏ ôh.”

I Y-Timôthê 1:4

leh anăn đăm mĭn ôh kơ klei yăl dliê đưm amâo sĭt leh anăn kơ klei răk anăn aê aduôn amâo thâo tuč. Klei anăn bi truh klei bi tăng, Diñu amâo ngă ôh hdră Aê Diê, hdră anăn dưi thâo săng hŏng klei đăo.

Y-Tit 1:14

Đăm brei diñu tŭ ôh klei phung Yuđa yăl dliê đưm amâo sĭt amâodah klei mtă mơ̆ng phung hngah leh klei sĭt nik.

Hêbrơ 13:9

Đăm diih klah đuĕ tui klei mtô soh mdê mdê ôh; kyuadah jing jăk kơ ai tiê jing ktang hŏng klei pap, amâo djŏ ôh hŏng mnơ̆ng ƀơ̆ng huă, amâo jing yuôm ôh kơ phung tui hlue klei anăn.

Y-Yakơ 2:20

Ơ mnuih mluk, ih čiăng thâo kơ klei đăo amâo mâo bruă bi êdah ôh jing hơăi mang?

Klei Bi Êdah 22:18

Kâo hưn brei grăp čô hmư̆ klei blŭ hưn êlâo hlăm hdruôm hră anei răng: tơdah arăng lŏ thiăm kơ klei anei, Aê Diê srăng lŏ thiăm kơ ñu klei bi knap arăng čih yăl dliê leh hlăm hdruôm hră anei.

I Y-Samuel 25:21

Y-Đawit lač leh, “Sĭt nik hơăi mang yơh kâo kiă leh jih jang mnơ̆ng êkei anăn mâo hlăm kdrăn tač. Snăn amâo sa mnơ̆ng luč ôh mơ̆ng jih jang dŏ ñu; ƀiădah ñu bi wĭt leh kơ kâo klei jhat hrô kơ klei jăk.