Y-Mathiơ 15:23 - Klei Aê Diê Blŭ 2015

²³ Ƀiădah Ñu amâo lŏ wĭt lač kơ gơ̆ sa boh ôh. Phung ƀĭng kna nao kwưh kơ Ñu, lač, “Suôt hĕ mniê anăn, kyuadah ñu tui ur ti tluôn drei.”

Y-Mathiơ 15:23 Iomraidhean Croise

Klei Mphŭn Dơ̆ng 42:7

Tơdah Y-Yôsep ƀuh phung ayŏng ñu, ñu thâo kral digơ̆, ƀiădah ñu ngă msĕ si tue hŏng digơ̆, leh anăn blŭ khăng kơ digơ̆, “Mơ̆ng diih hriê?” Digơ̆ lač, “Mơ̆ng čar Kanaan čiăng blei mnơ̆ng ƀơ̆ng huă.”

Klei Mmuñ Hđăp 28:1

Ơ Yêhôwa, kâo iêô wah lač kơ Ih; Ơ Boh Tâo kâo, đăm hngah hmư̆ klei kâo wah lač ôh, kyuadah tơdah Ih dôk ñăt, kâo srăng jing msĕ si phung trŭn nao kơ Ƀăng Êlam.

Klei Čŏk Hia 3:8

Wăt tơdah kâo iêô leh anăn kwưh kơ klei đru, Ñu hngah amâo hmư̆ ôh klei kâo wah lač.

Y-Mathiơ 14:15

Tơdah adiê tlam leh, phung ƀĭng kna nao kơ Ñu leh anăn lač, “Tinei jing anôk ksĕ, adiê dơ̆ng mmăt leh. Brei bĕ phung lu nao kơ ƀuôn jĕ giăm blei mnơ̆ng ƀơ̆ng huă kơ diñu pô.”

Y-Mathiơ 15:22

Nĕ anei, sa čô mniê Kanaan mơ̆ng krĭng anăn truh leh anăn ur lač, “Ơ Khua Yang, Anak Y-Đawit, pap mñai kơ kâo đa. Anak mniê kâo yang jhat ngă knap mñai snăk.”

Y-Mathiơ 15:24

Yêsu lŏ wĭt lač, “Arăng tiŏ hriê Kâo knŏng kơ phung biăp luč leh hlăm sang Israel.”

Klei Mtô Mñă Klei Bhiăn 8:2

Brei diih hdơr kơ jih jang êlan Yêhôwa Aê Diê diih atăt diih êjai pă pluh thŭn anei hlăm kdrăn tač, čiăng bi luă gŭ diih, lông dlăng diih čiăng thâo ya mâo hlăm ai tiê diih, thâodah diih srăng djă pioh klei Ñu mtă amâodah hơăi.