Y-Mathiơ 15:14 - Klei Aê Diê Blŭ 2015

¹⁴ Lui mơ̆ng ai diñu; diñu jing phung bum ală atăt êlan phung bum ală. Tơdah sa čô bum ală atăt sa čô bum ală, jih dua srăng lĕ hlăm ƀăng.”

Y-Mathiơ 15:14 Iomraidhean Croise

Y-Êsai 31:3

Phung Êjip jing mnuih, amâo djŏ Aê Diê ôh; aseh diñu jing kđeh, amâo djŏ mngăt myang ôh. Tơdah Yêhôwa srăng yơr kngan Ñu, pô đru srăng têč hnêč, wăt pô arăng đru srăng lĕ buh, leh anăn jih jang diñu srăng rai tuč mđrăm mbĭt.

Y-Êsai 42:19

Hlei pô bum ală, amâo djŏ hĕ dĭng buăl Kâo? Amâodah hlei pô kngăl msĕ si pô Kâo tiŏ nao lĕ? Hlei pô bum ală msĕ si pô Kâo pioh brei leh, bum ală msĕ si dĭng buăl Yêhôwa?

Y-Êsai 56:10

Phung mnuih Yêhôwa yua gak jing bum ală, jih jang diñu amâo mâo klei thâo săng ôh, jih jang diñu jing asâo kmlô, amâo dưi groh ôh; diñu đih, diñu êpei, diñu khăp pĭt,

Y-Êsai 9:16

Kyuadah phung atăt gai phung ƀuôn sang anei bi klah đuĕ hĕ êlan digơ̆, leh anăn phung diñu atăt luč liê leh.

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Y-Yêrêmi 6:15

Diñu hêñ mơ̆ tơdah diñu ngă leh klei arăng bi êmut kheh? Hơăi, diñu amâo tuôm hêñ ôh; diñu amâo tuôm bi êdah ƀô̆ mta hrah kyua klei hêñ ôh. Kyuanăn diñu srăng êbuh mbĭt hŏng phung êbuh leh; hlăm ênuk Kâo bi kmhal diñu arăng srăng mdlưh diñu.” Yêhôwa lač.

Y-Yêrêmi 8:12

Diñu hêñ mơ̆ tơdah diñu ngă leh klei Kâo bi êmut kheh? Hơăi, diñu amâo tuôm hêñ ôh; diñu amâo tuôm bi êdah ƀô̆ mta hrah kyua klei hêñ ôh. Kyuanăn diñu srăng êbuh mbĭt hŏng phung êbuh leh; tơdah Kâo bi kmhal diñu, diñu srăng dlưh, Yêhôwa lač.

Y-Ôsê 4:17

Êphraim bi mguôp hŏng rup yang, lui măng ai ñu.

Y-Malaki 2:8

Ƀiădah diih weh đuĕ leh mơ̆ng êlan; diih bi têč hnêč leh lu mnuih hŏng klei diih bi hriăm; diih bi msoh leh klei bi mguôp hŏng Y-Lêwi,” Yêhôwa kơ phung kahan lač.

Y-Luk 6:39

Leh anăn Yêsu blŭ sa klei bi hriêng kơ diñu: “dưi mơ̆ sa čô mnuih bum ală atăt sa čô bum ală mkăn? Amâo djŏ hĕ jih diñu dua srăng lĕ hlăm ƀăng?

Y-Yôhan 9:39

Yêsu lač, “Kâo hriê leh ti lăn ala čiăng phat kđi, čiăng kơ mnuih amâo thâo ƀuh ôh dưi ƀuh, leh anăn čiăng kơ mnuih thâo ƀuh jing hĕ bum ală.”

I Y-Timôthê 6:5

leh anăn klei bi msao ti krah phung mnuih mâo klei mĭn soh jhat amâo thâo săng klei sĭt nik ôh, leh anăn mĭn kơ klei mpŭ kơ Aê Diê jing êlan arăng dưi ƀơ̆ng prăk.

II Y-Pêtrôs 2:1

Ƀiădah msĕ mơh mâo leh phung khua pô hưn êlâo soh hlăm phung ƀuôn sang, msĕ si srăng mâo phung khua pô mtô soh hlăm phung diih. Hŏng klei hgăm diñu srăng mtô mta klei đăo soh dưi bi rai, wăt hngah kơ Khua pô bi tui diñu, leh anăn diñu srăng bi truh kơ diñu pô klei bi rai djăl.

II Y-Pêtrôs 2:17

Phung anăn jing msĕ si akŏ êa thu, msĕ si dhul angĭn êbŭ kpuh; Aê Diê pioh leh kơ diñu klei mmăt tĭt hlăm anôk ti gŭ.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.