Y-Mathiơ 15:11 - Klei Aê Diê Blŭ 2015

¹¹ amâo djŏ mnơ̆ng mŭt hlăm ƀăng êgei ôh bi čhŏ mnuih, ƀiădah mnơ̆ng kbiă mơ̆ng ƀăng êgei, mnơ̆ng anăn bi čhŏ mnuih.”

Y-Mathiơ 15:11 Iomraidhean Croise

Klei Mmuñ Hđăp 10:7

Ƀăng êgei ñu bŏ hŏng klei tăm pah, klei mplư, leh anăn klei ktư̆ juă; ti gŭ êlah ñu mâo klei soh leh anăn klei wê.

Klei Mmuñ Hđăp 12:2

Grăp čô blŭ klei luar hdơ̆ng diñu; hŏng ƀăng kƀông diñu blŭ klei myâo mă, ai tiê diñu mĭn dua mta klei.

Y-Êsai 37:23

Kơ hlei pô ih mưč leh anăn dlao wač lĕ? Kơ hlei pô ih bi kdơ̆ng hŏng asăp ur leh anăn dlăng hŏng klei mgao? Kơ Pô Doh Jăk phung Israel yơh!

Y-Mathiơ 15:10

Êdei tinăn Ñu iêô phung ƀuôn sang hriê kơ Ñu leh anăn lač kơ digơ̆, “Dôk hmư̆ bĕ, leh anăn brei diih thâo săng:

Y-Mathiơ 15:12

Êdei tinăn phung ƀĭng kna hriê lač kơ Ñu, “Ih thâo mơ̆ kơ phung Pharisi ngêñ tơdah digơ̆ hmư̆ klei Ih lač anăn?”

Y-Markôs 7:15

Amâo mâo sa mta mnơ̆ng ôh ti êngao mnuih dưi mŭt hlăm ñu leh anăn bi čhŏ ñu, ƀiădah ya mnơ̆ng kbiă mơ̆ng mnuih, mnơ̆ng anăn yơh bi čhŏ ñu.”

Hră Y-Pôl Mơĭt kơ Phung Rôm 14:14

Hlăm Khua Yang Yêsu, kâo thâo, amâo mâo mnơ̆ng jing čhŏ hjăn gơ̆ pô ôh; ƀiădah hlei pô mĭn kơ mnơ̆ng anăn jing čhŏ, gơ̆ jing čhŏ kơ pô anăn.

Hră Y-Pôl Mơĭt kơ Phung Rôm 14:17

Kyuadah ƀuôn ala mtao Aê Diê amâo djŏ jing klei ƀơ̆ng huă mnăm ôh, ƀiădah klei kpă ênô, klei êđăp ênang, leh anăn klei hơ̆k mơak hlăm Yang Mngăt Jăk.

Hră Y-Pôl Mơĭt kơ Phung Rôm 14:20

Đăm bi rai ôh bruă Aê Diê kyua mnơ̆ng ƀơ̆ng huă. Sĭt nik djăp mta mnơ̆ng doh sơăi, ƀiădah jing klei soh tơdah bi têč hnêč arăng kyua mnơ̆ng ñu ƀơ̆ng.

I Y-Timôthê 4:3

Phung anăn ghă arăng dôk ung mô̆, leh anăn mtă kăm ƀơ̆ng đa đa mnơ̆ng ƀơ̆ng huă, mnơ̆ng anăn Aê Diê hrih leh čiăng kơ phung đăo leh anăn thâo săng leh klei sĭt nik ƀơ̆ng hŏng klei hdơr knga.

Y-Tit 1:15

Kơ phung doh jăk jih jang mnơ̆ng jing doh sơăi; ƀiădah kơ phung čhŏ leh anăn kơ phung amâo đăo ôh, amâo mâo sa mta mnơ̆ng jing doh ôh. Klei mĭn leh anăn ai tiê kpă diñu pô čhŏ jhat leh.

Hêbrơ 13:9

Đăm diih klah đuĕ tui klei mtô soh mdê mdê ôh; kyuadah jing jăk kơ ai tiê jing ktang hŏng klei pap, amâo djŏ ôh hŏng mnơ̆ng ƀơ̆ng huă, amâo jing yuôm ôh kơ phung tui hlue klei anăn.

II Y-Pêtrôs 2:18

Kyua klei mluk diñu bi mni kơ diñu pô kraih ktang, leh anăn hŏng klei kđeh tluh čhŏ mrŏ diñu mplư phung mrâo kbiă mơ̆ng phung hdĭp tui êlan soh.