Y-Mathiơ 14:9 - Klei Aê Diê Blŭ 2015

⁹ Mtao ênguôt, ƀiădah kyua gơ̆ kat asei leh ti anăp phung huă mnăm mbĭt hŏng gơ̆, gơ̆ mtă kơ arăng brei kơ mniê anăn tui si ñu akâo.

Y-Mathiơ 14:9 Iomraidhean Croise

Khua Pô Mtô 5:2

Đăm ruăt blŭ ôh, kăn brei ai tiê diih ruăt pia boh blŭ ti anăp Aê Diê rei, kyuadah Aê Diê dôk hlăm adiê, leh anăn diih dôk ti lăn ala; snăn mơh brei boh blŭ diih jing ƀiă.

Y-Yêrêmi 44:25

snei Yêhôwa kơ phung kahan Aê Diê Israel lač: Diih leh anăn mô̆ diih hưn leh hŏng ƀăng êgei diih, leh anăn bi truh leh klei anăn hŏng kngan diih êjai lač, ‘Sĭt nik hmei srăng bi sĭt klei hmei ƀuăn leh, čiăng čuh mnơ̆ng ƀâo mngưi kơ mtao mniê hlăm adiê leh anăn tuh mnơ̆ng myơr mnăm kơ ñu.’ Snăn bi sĭt leh anăn bi truh bĕ klei diih ƀuăn!

Y-Mathiơ 14:1

Hlăk anăn mtao Hêrôt, pô kiă kriê čar Galilê, hmư̆ arăng yăl dliê klei hing ang Yêsu.

Y-Mathiơ 14:10

Gơ̆ tiŏ nao mnuih khăt kkuê Y-Yôhan hlăm war mnă,

Y-Mathiơ 14:5

Mtao Hêrôt čiăng bi mdjiê Y-Yôhan, ƀiădah ñu huĭ kơ phung ƀuôn sang, kyuadah digơ̆ yap Y-Yôhan jing sa čô khua pô hưn êlâo.

Y-Mathiơ 14:8

Leh amĭ ñu mtrŭt ñu, mniê anăn lač, “Ba bĕ kơ kâo tinei mtam boh kŏ Y-Yôhan Pô Ngă Ƀaptem dưm hlăm sa boh hlao.”

Y-Markôs 6:14

Mtao Hêrôt hmư̆ hing kơ Yêsu, kyuadah Yêsu mâo klei hing ang leh. Đa đa lač, “Y-Yôhan Pô Ngă Ƀaptem kbiă lŏ hdĭp leh mơ̆ng phung djiê, snăn yơh ñu dưi ngă klei myang anei.”

Y-Markôs 6:20

kyuadah Hêrôt huĭ kơ Y-Yôhan. Hêrôt thâo leh Y-Yôhan jing sa čô mnuih kpă leh anăn doh jăk, snăn ñu amâo brei arăng bi mdjiê gơ̆ ôh. Tơdah Hêrôt hmư̆ gơ̆ mtô, ñu rŭng răng snăk; ƀiădah ăt ñu mơak hmư̆ gơ̆.

Y-Markôs 6:26

Leh anăn mtao ênguôt snăk, ƀiădah kyua klei ñu kat asei leh, leh anăn kyua phung ñu jak, ñu amâo čiăng hngah ôh klei ñu ƀuăn kơ mniê anăn.

Y-Luk 13:32

Ñu lač kơ phung anăn, “Nao hưn bĕ kơ mja anăn, ‘Nĕ anei, Kâo suôt phung yang jhat leh anăn ngă klei bi hlao hruê anei leh anăn mgi, leh anăn hruê tal tlâo Kâo srăng bi jih bruă Kâo.

Phung Khua Phat Kđi 11:39

Tloh dua mlan gơ̆ lŏ wĭt kơ ama gơ̆, leh anăn ama gơ̆ ngă tui si klei ñu ƀuăn leh. Gơ̆ ka tuôm hŏng êkei ôh. Mơ̆ng klei anăn mâo sa klei bhiăn hlăm čar Israel

Phung Khua Phat Kđi 21:1

Phung Israel kat asei ti ƀuôn Mispa, “Amâo mâo sa čô hlăm phung drei srăng brei anak mniê ñu dôk ung mô̆ hŏng êkei phung Benjamin ôh.”

I Y-Samuel 14:24

Hruê anăn phung êkei Israel mâo klei awăt leh anăn êpa; kyuadah Y-Sôl ngă klei kat asei kơ phung ƀuôn sang, lač, “Tăm pah hĕ kơ pô ƀơ̆ng huă êlâo yang hruê lĕ leh anăn êlâo kâo rŭ ênua kơ phung roh kâo.” Snăn amâo mâo pô djiêl mnơ̆ng ƀơ̆ng huă ôh.

I Y-Samuel 14:28

Hlăk anăn sa čô hlăm phung ƀuôn sang lač, “Ama ih mtă leh ktang tĭt kơ phung ƀuôn sang hŏng klei kat asei lač, ‘Tăm pah hĕ kơ pô ƀơ̆ng huă hruê anei.’ ” Kyuanăn phung ƀuôn sang êwiêt leh.

I Y-Samuel 25:22

Brei Aê Diê ngă kơ Y-Đawit tui si Ñu čiăng tơdah kâo lui tơl aguah sa čô êkei amâodah sa drei knô hlăm jih jang dŏ ñu mâo.”

I Y-Samuel 28:10

Ƀiădah Y-Sôl kat asei kơ ñu hŏng Yêhôwa, “Tui si Yêhôwa dôk hdĭp, amâo mâo klei bi kmhal ôh srăng truh kơ ih kyua klei anei.”