Y-Mathiơ 13:54 - Klei Aê Diê Blŭ 2015

⁵⁴ Ñu wĭt kơ čar Ñu pô leh anăn mtô hlăm sang bi kƀĭn. Phung hmư̆ Ñu bi kngăr leh anăn lač, “Mơ̆ng êkei anei mâo klei thâo mĭn anei leh anăn dưi ngă bruă myang anei?

Y-Mathiơ 13:54 Iomraidhean Croise

Klei Mmuñ Hđăp 22:22

Kâo srăng hưn anăn Ih kơ phung amai adei kâo, kâo srăng bi mni kơ Ih ti krah phung bi kƀĭn.

Y-Mathiơ 2:23

Leh truh tinăn ñu dôk hlăm sa boh ƀuôn arăng pia ƀuôn Nasaret, čiăng bi sĭt klei phung khua pô hưn êlâo lač, “Arăng srăng pia Ñu mnuih ƀuôn Nasaret.”

Y-Mathiơ 4:23

Yêsu hiu tar ƀar čar Galilê bi hriăm hlăm sang bi kƀĭn leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă leh anăn klei djiu duam phung mnuih ƀuôn sang.

Y-Mathiơ 7:28

Tơdah leh Yêsu ruê̆ blŭ klei anăn, phung lu bi kngăr kơ klei Ñu mtô,

Y-Luk 2:47

Jih jang phung hmư̆ Gơ̆ bi kngăr kơ klei Gơ̆ thâo mĭn leh anăn kơ klei Gơ̆ lŏ wĭt lač.

Y-Yôhan 1:11

Ñu hriê leh kơ čar Ñu pô, ƀiădah phung ƀuôn sang Ñu pô amâo jum Ñu ôh.

Bruă Phung Khua Ƀĭng Kna 13:46

Y-Pôl leh anăn Y-Barnabas blŭ kơ diñu hŏng klei jhŏng, lač, “Tui si djŏ, hmei hưn klei Aê Diê blŭ kơ diih êlâo hĭn. Ƀiădah kyua diih hngah klei anăn leh anăn yap diih pô amâo năng kơ klei hdĭp hlŏng lar ôh, snăn ară anei hmei wir kơ phung tue.

Bruă Phung Khua Ƀĭng Kna 4:13

Tơdah diñu ƀuh klei jhŏng Y-Pêtrôs leh anăn Y-Yôhan, diñu bi kngăr, kyuadah diñu thâo kơ digơ̆ jing mnuih ƀuôn sang amâo tuôm hriăm hră mơar ôh. Leh anăn diñu thâo kral kơ digơ̆ dôk leh mbĭt hŏng Yêsu.

I Y-Samuel 10:11

Tơdah jih jang phung thâo kral ñu leh êlâo ƀuh ñu hưn êlâo mbĭt hŏng phung khua pô hưn êlâo, phung ƀuôn sang bi lač hdơ̆ng diñu, “Ya klei truh leh kơ anak êkei Y-Kis? Djŏ mơ̆ wăt Y-Sôl jing sa čô hlăm phung khua pô hưn êlâo?”