Y-Mathiơ 13:52 - Klei Aê Diê Blŭ 2015

⁵² Leh anăn Yêsu lač kơ digơ̆, “Snăn grăp čô khua čih hră arăng bi hriăm leh pioh kơ ƀuôn ala mtao adiê jing msĕ si sa čô khua sang bi kbiă mnơ̆ng mrâo wăt mnơ̆ng hđăp mơ̆ng adŭ ngăn drăp ñu.”

Y-Mathiơ 13:52 Iomraidhean Croise

Y-Êsra 7:10

Kyuadah Y-Êsra pioh leh hlăm ai tiê ñu čiăng hriăm klei bhiăn Yêhôwa, gưt gơ̆, mtô klei Ñu mtă leh anăn klei Ñu mtrŭn hlăm čar Israel.

Y-Êsra 7:21

Leh anăn kâo, mtao Artasersês, ngă sa klei mtă kơ jih jang phung kiă ngăn hlăm čar nah yŭ Êa Krông Ơphrat: ya mta mnơ̆ng Y-Êsra khua ngă yang, khua čih hră klei bhiăn Aê Diê hlăm adiê, akâo mơ̆ng diih, brei diih ngă klei anăn hŏng klei hur har,

Y-Êsra 7:6

Y-Êsra anei hriê mơ̆ng čar Ƀaƀilôn. Ñu jing sa čô khua čih hră knhâo hlăm klei bhiăn Y-Môis Yêhôwa Aê Diê phung Israel brei leh; leh anăn mtao brei kơ ñu jih mnơ̆ng ñu akâo, kyuadah kngan Yêhôwa Aê Diê ñu dôk ti ñu.

Klei Bi Hriêng 11:30

Boh mnuih kpă ênô jing sa ƀĕ ana kyâo klei hdĭp, leh anăn pô atăt phung mnuih kơ klei đăo jing pô thâo mĭn.

Klei Bi Hriêng 15:7

Êlah phung thâo mĭn bi lar klei thâo săng, ƀiădah klei mĭn phung mluk amâo ngă snăn ôh.

Klei Bi Hriêng 18:4

Klei blŭ mơ̆ng ƀăng êgei sa čô mnuih jing msĕ si êa êlam, akŏ klei thâo mĭn jing hnoh êa dôk đoh.

Klei Mmuñ Siam Hĭn 7:13

Boh mandragôr bi đung mnâo ƀâo mngưi, leh anăn ti dlông ƀăng bhă drei mâo jih jang boh jăk hĭn, boh mrâo wăt boh hđăp, boh anăn kâo pioh leh kơ ih, Ơ pô kâo khăp.

Y-Mathiơ 12:35

Mnuih jăk bi kbiă klei jăk mơ̆ng ai tiê jăk ñu, ƀiădah mnuih jhat bi kbiă klei jhat mơ̆ng ai tiê jhat ñu.

Y-Mathiơ 13:51

“Diih thâo săng leh mơ̆ jih klei anăn?” Digơ̆ lač kơ Ñu, “Ơ, thâo săng mơh.”

Y-Mathiơ 13:53

Tơdah Yêsu ruê̆ leh blŭ klei bi hriêng anăn, Ñu đuĕ mơ̆ng anôk anăn.

Y-Mathiơ 23:34

Kyuanăn Kâo tiŏ nao kơ diih phung khua pô hưn êlâo, phung thâo mĭn, leh anăn phung khua čih hră. Đa đa hlăm phung anăn diih srăng bi mdjiê leh anăn pơ̆ng ti kyâo bi kal, đa đa diih srăng čăm hŏng giê hlăm sang bi kƀĭn, leh anăn tiŏ ngă jhat mơ̆ng ƀuôn anei truh kơ ƀuôn mkăn.

Y-Mathiơ 28:19

Kyuanăn nao bĕ diih mjing phung ƀĭng kna hlăm jih jang găp djuê mnuih, ngă ƀaptem kơ diñu hlăm anăn Ama, anăn Anak, leh anăn anăn Yang Mngăt Jăk;

Y-Luk 11:49

Kyuanăn mơh Klei thâo mĭn Aê Diê lač leh, ‘Kâo srăng tiŏ nao kơ diñu phung khua pô hưn êlâo leh anăn phung khua ƀĭng kna. Đa đa hlăm phung anăn diñu srăng bi mdjiê leh anăn ngă jhat,’

Y-Yôhan 13:34

Kâo brei klei mtă mrâo kơ diih: brei diih bi khăp hdơ̆ng diih pô; msĕ si Kâo khăp leh kơ diih, brei diih bi khăp hdơ̆ng diih pô msĕ mơh.

II Kôrantô 6:10

msĕ si ênguôt, ƀiădah hmei hơ̆k mơak nanao, msĕ si ƀun ƀin, ƀiădah hmei bi mdrŏng lu mnuih, msĕ si amâo mâo mnơ̆ng ôh, ƀiădah hmei mâo djăp mta mnơ̆ng.

Êphêsô 3:4

Êjai diih dlăng klei anăn, diih dưi thâo klei kâo thâo săng kơ klei hgăm Krist.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

Kôlôs 1:7

tui si diih hriăm leh mơ̆ng Y-Êpapras, pô hmei khăp mă bruă mbĭt hŏng hmei. Ñu jing dĭng buăl sĭt suôr kơ Krist bi ala hmei,

Kôlôs 3:16

Brei klei Krist blŭ dôk bŏ dlai hlăm diih, êjai diih mtô leh anăn ƀuah mkra hdơ̆ng diih hŏng jih klei thâo mĭn, êjai diih mmuñ klei mmuñ hđăp, klei mmuñ kkuh mpŭ, klei mmuñ doh jăk, hŏng ai tiê bŏ hŏng klei bi mni kơ Aê Diê.

I Y-Timôthê 3:6

Sa čô mrâo đăo amâo dưi ôh, huĭdah ñu jing mgao leh anăn lĕ hlăm klei phat kđi pioh kơ yang jhat.

Y-Tit 1:9

Brei ñu djă pioh kjăp klei blŭ sĭt tui si arăng mtô leh kơ ñu, čiăng kơ ñu dưi bi hriăm arăng tui si mta klei đăo sĭt, leh anăn msĕ mơh mâo klei dưi hŏng phung bi kdơ̆ng hŏng klei anăn.