Y-Mathiơ 13:44 - Klei Aê Diê Blŭ 2015

⁴⁴ “Ƀuôn ala mtao adiê jing msĕ si ngăn yuôm arăng mdăp leh hlăm sa bĭt hma. Sa čô mnuih ƀuh ngăn yuôm anăn ñu mdăp hĕ, leh anăn hŏng klei hơ̆k ñu nao čhĭ jih jang mnơ̆ng ñu mâo leh anăn blei hma anăn.”

Y-Mathiơ 13:44 Iomraidhean Croise

Y-Yôp 28:13

Mnuih amâo thâo săng klei yuôm klei knhâo, leh anăn arăng amâo ƀuh ôh klei anăn hlăm čar phung hdĭp.

Klei Bi Hriêng 16:16

Mă tŭ klei knhâo jing yuôm hĭn kơ mah, ruah mă klei thâo săng yuôm hĭn kơ prăk.

Klei Bi Hriêng 17:16

Ya yuôm mnuih mluk mâo prăk, čiăng blei klei thâo mĭn, ƀiădah ñu pô amâo čiăng hriăm ôh?

Klei Bi Hriêng 18:1

Phung amâo bi mguôp hŏng phung mkăn ôh duah klei diñu pô čiăng, diñu bi kdơ̆ng hŏng jih klei mĭn djŏ.

Klei Bi Hriêng 23:23

Blei bĕ klei sĭt nik, đăm čhĭ hĕ ôh, blei klei thâo mĭn, klei mjuăt, leh anăn klei thâo săng;

Y-Êsai 55:1

“Ơ jih jang hlei pô mhao, hriê bĕ kơ êa; hlei pô amâo mâo prăk ôh, hriê bĕ, blei leh anăn ƀơ̆ng! Hriê bĕ, blei kpiê leh anăn êa ksâo êmô amâo mâo hŏng prăk, amâo mâo hŏng ênoh ôh.

Y-Mathiơ 13:24

Yêsu mtô kơ diñu klei bi hriêng mkăn, lač, “Ƀuôn ala mtao adiê dưi bi hmô hŏng sa čô êkei rah mjeh jăk hlăm hma ñu,

Y-Mathiơ 13:46

Tơdah leh ñu ƀuh sa asăr añŭ yuôm êdi, ñu nao čhĭ jih mnơ̆ng ñu mâo leh anăn blei añŭ anăn.”

Y-Mathiơ 13:47

“Msĕ mơh ƀuôn ala mtao adiê jing msĕ si sa blah jal arăng dlăm hlăm êa ksĭ djŏ djăp mta kan.

Y-Mathiơ 19:21

Yêsu lač kơ gơ̆, “Tơdah ih čiăng jing jăk klă, nao bĕ, čhĭ hĕ ya mnơ̆ng ih mâo leh anăn brei kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Mathiơ 19:27

Y-Pêtrôs lŏ wĭt lač kơ Ñu, “Nĕ anei, hmei lui leh jih jang mnơ̆ng leh anăn tui hlue Ih. Ya mnơ̆ng hmei srăng mâo lĕ?”

Y-Mathiơ 19:29

Leh anăn grăp čô hlei pô lui sang ñu amâodah ayŏng adei, amai adei, amĭ ama, phung anak, amâodah lăn hma kyua anăn Kâo, srăng mă tŭ sa êtuh blư̆ lu hĭn leh anăn dưn wăt klei hdĭp hlŏng lar.

Y-Mathiơ 6:21

Kyuadah ti anôk mâo ngăn drăp yuôm ih, tinăn mơh ai tiê ih srăng dôk.”

Y-Luk 14:33

Snăn mơh hlei pô hlăm phung diih amâo hngah ôh kơ jih jang mnơ̆ng ñu mâo, ñu amâo dưi jing ƀĭng kna Kâo ôh.”

Y-Yôhan 6:35

Yêsu lač kơ digơ̆, “Kâo jing kpŭng klei hdĭp; hlei pô hriê kơ Kâo amâo srăng tuôm êpa, leh anăn hlei pô đăo kơ Kâo amâo srăng tuôm mhao ôh.

Hră Y-Pôl Mơĭt kơ Phung Rôm 15:4

Kyuadah jih Klei Aê Diê Blŭ čih leh ênuk êlâo jing klei pioh bi hriăm drei, čiăng kơ drei dưi mâo klei čang hmăng kbiă hriê mơ̆ng klei gĭr leh anăn klei bi juh mơ̆ng Klei Aê Diê Blŭ čih leh.

Kôlôs 2:3

Jih jang hjiê klei thâo mĭn leh anăn klei thâo săng mdăp leh hlăm Ñu.

Kôlôs 3:16

Brei klei Krist blŭ dôk bŏ dlai hlăm diih, êjai diih mtô leh anăn ƀuah mkra hdơ̆ng diih hŏng jih klei thâo mĭn, êjai diih mmuñ klei mmuñ hđăp, klei mmuñ kkuh mpŭ, klei mmuñ doh jăk, hŏng ai tiê bŏ hŏng klei bi mni kơ Aê Diê.

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.

Klei Bi Êdah 3:18

Snăn Kâo kčĕ kơ ih brei blei mơ̆ng Kâo mah bi doh leh hŏng pui, čiăng kơ ih dưi jing mdrŏng, leh anăn blei čhiăm ao kô̆ ih srăng hơô čiăng kơ klei hêñ lưng mlŭn ih arăng amâo ƀuh ôh, leh anăn blei êa drao mia ală ih čiăng kơ ih dưi ƀuh.