Y-Mathiơ 13:41 - Klei Aê Diê Blŭ 2015

⁴¹ Anak Mnuih srăng tiŏ nao phung dĭng buăl jăk Ñu, leh anăn digơ̆ srăng mă mơ̆ng ƀuôn ala mtao Ñu jih jang phung bi msoh arăng leh anăn phung ngă klei jhat,

Y-Mathiơ 13:41 Iomraidhean Croise

II Y-Samuel 23:6

Ƀiădah phung amâo mpŭ kơ Aê Diê jing msĕ si êruê arăng hwiê leh; kyuadah arăng amâo dưi mă diñu hŏng kngan ôh.

Y-Sôphôni 1:3

“Kâo srăng bi rai mnuih leh anăn hlô mnơ̆ng; Kâo srăng bi rai čĭm hlăm adiê leh anăn kan hlăm êa ksĭ. Kâo srăng mdlưh hĕ phung ƀai; Kâo srăng bi rai hĕ găp djuê mnuih mơ̆ng rŏng lăn ala,” Yêhôwa lač.

Y-Mathiơ 13:49

Srăng jing msĕ snăn mơh ti hruê knhal tuč ênuk. Phung dĭng buăl jăk Aê Diê srăng hriê leh anăn bi kah mă phung jhat mơ̆ng phung kpă ênô,

Y-Mathiơ 18:7

Knap mñai yơh kơ lăn ala kyua mâo lu klei bi msoh. Kyuadah bhiăn mâo klei bi msoh, ƀiădah knap mñai yơh kơ hlei pô brei klei bi msoh truh.

Y-Mathiơ 24:31

Hŏng asăp ki kraih ktang Ñu srăng tiŏ nao phung dĭng buăl jăk Ñu bi kƀĭn phung Aê Diê ruah leh mơ̆ng pă kiêng lăn ala, dơ̆ng mơ̆ng knhal adiê anei truh ti knhal adiê adih.”

Y-Mathiơ 3:12

Ñu djă knguôr, čiăng mđung bi doh anôk Ñu juă mdiê. Ñu srăng bi kƀĭn mdiê Ñu hlăm hjiê, ƀiădah Ñu srăng čuh hĕ kam hlăm pui amâo thâo ram ôh.”

Y-Mathiơ 8:20

Yêsu lač kơ gơ̆, “Phung mja mâo ƀăng, phung čĭm hlăm adiê mâo hruh, ƀiădah Anak Mnuih amâo mâo anôk đal kŏ Ñu ôh.”

Y-Markôs 13:27

Leh anăn Ñu srăng tiŏ nao phung dĭng buăl jăk Ñu, bi kƀĭn phung Aê Diê ruah leh mơ̆ng pă bĭt kiêng lăn ala, mơ̆ng knhal anei truh kơ knhal adih.”

Hră Y-Pôl Mơĭt kơ Phung Rôm 2:16

Klei anăn srăng bi êdah ti hruê Aê Diê phat kđi hŏng Yêsu Krist jih jang bruă hgăm mnuih ngă, tui si klei mrâo mrang jăk kâo mtô.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Klei Bi Êdah 21:27

Ƀiădah amâo mâo mnơ̆ng čhŏ amâodah pô ngă klei Aê Diê bi êmut kheh amâodah klei luar srăng mŭt tinăn ôh, ƀiădah knŏng phung mâo anăn arăng čih leh hlăm hdruôm hră klei hdĭp Êđai Biăp.