Y-Mathiơ 13:39 - Klei Aê Diê Blŭ 2015

³⁹ pô roh rah mjeh rơ̆k jhat anăn jing yang jhat, yan wiă jing klei knhal tuč ênuk, leh anăn phung wiă jing phung dĭng buăl jăk Aê Diê.

Y-Mathiơ 13:39 Iomraidhean Croise

Y-Đaniel 7:10

Mâo êa krông pui đoh kbiă mơ̆ng ti anăp Ñu. Lu êbâo čô mă bruă kơ Ñu, leh anăn lu klăk klai čô dôk ti anăp Ñu. Phung phat kđi dôk gŭ phat kđi leh anăn arăng pŏk leh lu hdruôm hră.

Y-Yôel 3:13

Mă mniă wiă bĕ, kyuadah mdiê ksă leh. Nao juă bĕ, kyuadah anôk djiêt kpiê bŏ leh. Brŏng dlai leh, kyuadah klei ƀai diñu prŏng snăk.

Y-Mathiơ 12:32

Leh anăn hlei pô blŭ bi kdơ̆ng hŏng Anak Mnuih dưi mâo klei pap brei; ƀiădah hlei pô blŭ bi kdơ̆ng hŏng Yang Mngăt Jăk, amâo dưi mâo klei pap brei ñu ôh, thâodah hlăm ênuk anei amâodah hlăm ênuk êdei srăng truh.”

Y-Mathiơ 13:22

Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Y-Mathiơ 13:25

ƀiădah êjai arăng pĭt, pô roh ñu hriê rah rơ̆k jhat hlăm mdiê ƀlê leh anăn đuĕ.

Y-Mathiơ 13:28

Ñu lač kơ digơ̆, ‘Sa čô roh yơh ngă klei anăn.’ Phung dĭng buăl lač kơ ñu, ‘Ih čiăng mơ̆ hmei nao buč hĕ rơ̆k anăn?’

Y-Mathiơ 13:40

Msĕ si arăng mă rơ̆k jhat anăn, bi kƀĭn leh anăn čuh hlăm pui, arăng srăng ngă msĕ snăn mơh ti knhal tuč ênuk.

Y-Mathiơ 13:49

Srăng jing msĕ snăn mơh ti hruê knhal tuč ênuk. Phung dĭng buăl jăk Aê Diê srăng hriê leh anăn bi kah mă phung jhat mơ̆ng phung kpă ênô,

Y-Mathiơ 24:3

Êjai Ñu dôk gŭ ti dlông čư̆ Ôliwơ, phung ƀĭng kna hriê lač kơ Ñu hjăn, “Hưn kơ hmei hbĭl klei anăn srăng truh, leh anăn ya jing klei bi knăl kơ klei Ih lŏ hriê, leh anăn kơ hruê knhal tuč ênuk?”

Y-Mathiơ 25:31

“Tơdah Anak Mnuih srăng hriê hlăm klei guh kơang Ñu mbĭt hŏng jih jang phung dĭng buăl jăk, hlăk anăn Ñu srăng dôk gŭ ti dlông jhưng mtao guh kơang Ñu.

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

I Kôrantô 10:11

Klei anăn truh leh kơ diñu čiăng bi hmô kơ drei, leh anăn arăng čih leh klei anăn čiăng bi hriăm drei, phung dôk hlăm ênuk knhal tuč.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

II Kôrantô 2:17

Kyuadah hmei amâo čhĭ mnia klei Aê Diê blŭ ôh msĕ si lu mnuih ngă; ƀiădah hmei jing mnuih sĭt suôr, phung Aê Diê tiŏ nao leh brei blŭ ti anăp Aê Diê hlăm Krist.

Êphêsô 2:2

hlăm klei diih dôk dơ̆ng ƀơ̆ng huă mphŭn dô, tui hlue klei mưng lăn ala anei, tui hlue khua mâo klei dưi hlăm êngĭt, yang anăn dôk mă bruă ară anei hin hlăm phung amâo thâo gưt asăp ôh.

Hêbrơ 1:2

ƀiădah hlăm ênuk knhal tuč anei Ñu blŭ leh kơ drei hŏng Anak Êkei Ñu. Aê Diê brei Gơ̆ jing Pô dưn jih jang mnơ̆ng, hŏng Gơ̆ msĕ mơh Ñu hrih leh lăn adiê.

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.

Y-Yut 1:14

Kơ diñu msĕ mơh Y-Ênŏk, jing pô tal kjuh mơ̆ng Y-Ađam, hưn êlâo leh, lač, “Nĕ anei Khua Yang truh leh hŏng lu klăk klai phung doh jăk Ñu,

Klei Bi Êdah 12:9

Leh anăn arăng dlăm anak rai prŏng ti gŭ, ala hđăp anăn, arăng pia Yang Jhat leh anăn Satan, pô mplư jih lăn ala. Arăng dlăm phung dĭng buăl ñu mbĭt hŏng ñu.

Klei Bi Êdah 13:14

leh anăn ñu mplư phung dôk ti lăn ala hŏng klei bi knăl ñu mâo dưi ngă ti anăp hlô dliê tal sa. Ñu mtă kơ phung anăn ngă rup hlô dliê mâo anôk êka kyua đao gưm ƀiădah ăt dôk hdĭp.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.