Y-Mathiơ 13:23 - Klei Aê Diê Blŭ 2015

²³ Bi kơ mjeh arăng rah leh ti lăn jăk, jing pô hmư̆ klei blŭ leh anăn thâo săng. Sĭt nik ñu mboh tơl sa asăr mjeh lŏ jing sa êtuh, đa năm pluh, đa tlâo pluh.”

Y-Mathiơ 13:23 Iomraidhean Croise

Y-Êsêkiêl 18:31

Mă hwiê hĕ jih jang klei soh diih ngă leh hŏng Kâo, leh anăn mă bĕ kơ diih pô ai tiê mrâo leh anăn mngăt myang mrâo! Ya diih čiăng djiê lĕ, Ơ sang Israel?’

Y-Êsêkiêl 36:26

Kâo srăng brei kơ diih ai tiê mrâo, Kâo srăng dưm hlăm diih mngăt myang mrâo; leh anăn Kâo srăng mă hĕ mơ̆ng diih ai tiê khăng leh anăn brei kơ diih ai tiê êdu êun.

Y-Mathiơ 12:33

“Tơ ana kyâo jing jăk, boh ñu jing jăk msĕ mơh; amâodah tơ ana kyâo jing jhat, boh ñu jing jhat msĕ mơh; kyuadah arăng thâo kral ana kyâo tui si boh ñu.

Y-Mathiơ 13:8

Mjeh mkăn lĕ hlăm anôk lăn jăk leh anăn mboh, đa sa asăr jing sa êtuh, đa năm pluh, đa tlâo pluh.

Y-Mathiơ 3:10

Ară anei jông arăng dưm leh ti agha kyâo; jih jang kyâo amâo mâo boh jăk ôh arăng srăng druôm leh anăn hwiê hĕ hlăm pui.

Y-Mathiơ 3:8

Brei diih ngă bruă bi êdah năng hŏng klei kmhal kơ klei soh,

Y-Markôs 10:15

Sĭt nik Kâo lač kơ diih, hlei pô amâo mă tŭ ƀuôn ala mtao Aê Diê msĕ si sa čô hđeh amâo srăng mŭt tinăn ôh.”

Y-Markôs 4:20

Ƀiădah phung mnuih tŭ mjeh hlăm lăn jăk jing phung hmư̆ klei blŭ leh anăn mă tŭ gơ̆, leh anăn mboh tăp năng sa asăr tlâo pluh, năm pluh, leh anăn sa êtuh.”

Y-Luk 13:9

Tơdah thŭn êdei ñu srăng mboh, jăk leh. Ƀiădah tơdah ñu amâo mboh ôh, ih dưi druôm hĕ ñu.’ ”

Y-Luk 8:15

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Y-Luk 8:8

Leh anăn mâo đa đa lĕ hlăm anôk lăn jăk, čăt dlông, leh anăn mboh sa asăr sa êtuh.” Leh Ñu blŭ snăn, Ñu lač kraih, “Hlei pô mâo knga thâo hmư̆, brei ñu hmư̆ bĕ!”

Y-Yôhan 15:16

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Y-Yôhan 8:47

Hlei pô kbiă hriê mơ̆ng Aê Diê dôk hmư̆ klei Aê Diê blŭ. Diih amâo dôk hmư̆ ôh klei blŭ anăn, kyuadah diih amâo kbiă hriê mơ̆ng Aê Diê ôh.”

Bruă Phung Khua Ƀĭng Kna 16:14

Mâo sa čô mniê hlăm phung hmư̆ hmei, anăn gơ̆ H'Lidi mơ̆ng ƀuôn Thiatir, pô čhĭ čhiăm hrah piơk. Ñu jing sa čô kkuh mpŭ kơ Aê Diê. Khua Yang pŏk ai tiê ñu čiăng ñu tŭ klei Y-Pôl blŭ.

Bruă Phung Khua Ƀĭng Kna 17:11

Phung Yuđa anei mâo knuih jăk hĭn kơ phung Yuđa hlăm ƀuôn Têsalônik, kyuadah digơ̆ tŭ klei Aê Diê blŭ hŏng klei čiăng snăk, ksiêm dlăng grăp hruê Klei Aê Diê Blŭ čiăng thâo tơdah klei mtô anăn jing sĭt.

II Kôrantô 9:10

Pô brei mjeh kơ pô rah leh anăn kpŭng kơ gơ̆ ƀơ̆ng srăng brei leh anăn bi lar mjeh diih, leh anăn srăng bi mđĭ lu boh tŭ dưn mơ̆ng klei kpă ênô diih.

Philip 1:11

bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 4:17

Amâo djŏ ôh kâo duah mnơ̆ng arăng myơr; ƀiădah kâo duah boh dưi mđĭ klei mưn kơ diih.

Kôlôs 1:10

čiăng kơ diih hdĭp năng kơ Khua Yang, bi mơak kơ Ñu hlăm jih jang klei, mâo boh tŭ dưn hlăm jih jang bruă jăk, lŏ bi mđĭ klei thâo kral Aê Diê.

Kôlôs 1:6

truh leh kơ diih, msĕ si truh leh sĭt nik tar ƀar lăn ala, mâo boh leh anăn hriê kơ prŏng, msĕ snăn mơh hlăm phung diih, mơ̆ng hruê diih hmư̆ leh anăn thâo săng klei Aê Diê pap tui si klei sĭt nik,

I Têsalônik 4:1

Ơ phung ayŏng adei, ti knhal tuč hră anei, hmei kwưh leh anăn mtrŭt diih hlăm Khua Yang Yêsu, msĕ si diih hriăm leh mơ̆ng hmei si klei djŏ diih dôk hdĭp leh anăn bi mơak kơ Aê Diê, msĕ si diih dôk ngă, brei diih ngă snăn kdlưn hĭn.

II Têsalônik 2:10

leh anăn ngă jih klei soh mplư phung srăng rai tuč, kyuadah diñu hngah amâo khăp ôh klei sĭt nik čiăng mâo klei bi mtlaih.

Hêbrơ 4:2

Kyuadah klei mrâo mrang jăk truh kơ drei msĕ si truh leh kơ diñu. Ƀiădah klei mtô diñu hmư̆ leh amâo jing yuôm kơ diñu ôh, kyuadah phung hmư̆ klei anăn amâo mă tŭ ôh hŏng klei đăo.

Hêbrơ 6:7

Kyuadah lăn msah leh hŏng êa hjan lĕ ti ñu jêñ jêñ leh anăn bi čăt rơ̆k yuôm kơ phung pla ñu, lăn anăn mă tŭ klei jăk jĭn mơ̆ng Aê Diê.

Hêbrơ 8:10

Nĕ anei, klei bi mguôp Kâo srăng ngă hŏng sang Israel leh êgao hruê anăn Khua Yang lač: Kâo srăng dưm klei bhiăn Kâo hlăm klei mĭn diñu, leh anăn Kâo srăng čih klei bhiăn anăn hlăm ai tiê diñu; Kâo srăng jing Aê Diê diñu, leh anăn diñu srăng jing phung ƀuôn sang Kâo.

II Y-Pêtrôs 3:18

Ƀiădah brei diih hriê kơ prŏng hlăm klei pap leh anăn klei thâo kral Khua Yang Pô Bi Mtlaih drei Yêsu Krist. Kơ Ñu yơh brei klei guh kơang ară anei hlŏng kơ ênuk hlŏng lar. Amen.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.