Y-Mathiơ 13:22 - Klei Aê Diê Blŭ 2015

²² Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Y-Mathiơ 13:22 Iomraidhean Croise

Klei Mmuñ Hđăp 52:7

“Snăn yơh kơ mnuih amâo brei ôh Aê Diê jing Pô mgang ñu, ƀiădah knang kơ klei mdrŏng sah ñu pô, leh anăn ktang čiăng ngă klei jhat.”

Klei Mmuñ Hđăp 62:10

Đăm knang kơ klei ktư̆ juă ôh, đăm čang hmăng kơ klei tlĕ dŏ arăng ôh. Tơdah diih truh kơ klei mdrŏng, đăm brei ai tiê diih knang kơ klei anăn ôh.

Klei Bi Hriêng 11:28

Hlei pô knang kơ klei mdrŏng ñu pô srăng lĕ, ƀiădah phung kpă ênô srăng đĭ kyar msĕ si hla kyâo mtah.

Klei Bi Hriêng 23:5

Tơdah ih dlăng kơ klei mdrŏng, nĕ anei ñu đuĕ leh; kyuadah klei mdrŏng mkra siap kơ ñu pô leh anăn msĕ si tlang ñu phiơr đuĕ phă adiê.

Khua Pô Mtô 4:8

sa čô mnuih asei hjăn, kăn mâo anak êkei leh anăn ayŏng adei rei, ƀiădah klei suăi ñu amâo mâo knhal ôh, leh anăn ală ñu amâo tuôm hrăp ôh hŏng klei mdrŏng sah, tơl ñu êmuh, “Kơ hlei pô kâo mă bruă suăi, leh anăn bi mkhư̆ klei bi mơak kơ kâo pô?” Klei anăn msĕ mơh jing klei hơăi mang leh anăn bruă amâo mâo mơak ôh.

Y-Yêrêmi 4:3

Kyuadah snei Yêhôwa lač kơ phung êkei Yuđa leh anăn kơ phung dôk hlăm ƀuôn Yêrusalem: “Kai bĕ hma diih ka tuôm buh pla ôh, leh anăn đăm rah ôh ti krah êruê.

Y-Mathiơ 12:32

Leh anăn hlei pô blŭ bi kdơ̆ng hŏng Anak Mnuih dưi mâo klei pap brei; ƀiădah hlei pô blŭ bi kdơ̆ng hŏng Yang Mngăt Jăk, amâo dưi mâo klei pap brei ñu ôh, thâodah hlăm ênuk anei amâodah hlăm ênuk êdei srăng truh.”

Y-Mathiơ 13:39

pô roh rah mjeh rơ̆k jhat anăn jing yang jhat, yan wiă jing klei knhal tuč ênuk, leh anăn phung wiă jing phung dĭng buăl jăk Aê Diê.

Y-Mathiơ 13:40

Msĕ si arăng mă rơ̆k jhat anăn, bi kƀĭn leh anăn čuh hlăm pui, arăng srăng ngă msĕ snăn mơh ti knhal tuč ênuk.

Y-Mathiơ 13:7

Mjeh mkăn lĕ hlăm anôk êruê. Êruê hriê kơ dlông leh anăn ktư̆ hĕ mjeh anăn.

Y-Luk 12:15

Leh anăn Yêsu lač kơ digơ̆, “Răng bĕ, đăm tluh kơ dŏ dô ôh, kyuadah klei hdĭp sa čô mnuih amâo djŏ ôh kyua ñu mâo lu êbeh dŏ ngăn.”

Y-Luk 12:21

Msĕ snăn mơh pô mkăm pioh lu ngăn drăp kơ ñu pô, leh anăn amâo jing mdrŏng hlăm Aê Diê ôh.”

Y-Luk 21:34

“Ƀiădah răng bĕ kơ diih pô, huĭdah ai tiê diih jing ktrŏ hŏng klei huă ƀơ̆ng mnăm lu, leh anăn klei uêñ hnĭng kơ klei hdĭp anei, leh anăn hruê anăn truh kơ diih bhiâo riâo rit msĕ si jal.

Y-Luk 8:14

Bi mjeh lĕ hlăm anôk êruê, jing phung hmư̆ leh ƀiădah êjai diñu đuĕ nao, klei uêñ hnĭng, klei mdrŏng, leh anăn klei mơak kơ klei hdĭp anei ktư̆ hĕ diñu, leh anăn diñu amâo mboh tơl ksă ôh.

Bruă Phung Khua Ƀĭng Kna 8:18

Tơdah Y-Simôn ƀuh Aê Diê brei Yang Mngăt Jăk hŏng klei phung khua ƀĭng kna ênă kngan, gơ̆ myơr prăk kơ diñu, lač,

Hră Y-Pôl Mơĭt kơ Phung Rôm 12:2

Đăm jing msĕ si phung ênuk anei ôh, ƀiădah brei Aê Diê bi mlih klei hdĭp diih hŏng klei Ñu lŏ bi mrâo klei mĭn diih, čiăng kơ diih dưi thâo ya jing klei Aê Diê čiăng jăk, mơak, leh anăn klă.

I Kôrantô 1:20

Ti lei pô thâo mĭn? Ti lei pô thâo klei bhiăn? Ti lei pô bi tăng ênuk anei? Amâo djŏ hĕ Aê Diê brei klei thâo mĭn lăn ala jing klei khŏ?

I Kôrantô 2:6

Ƀiădah ăt hmei bi mbha klei thâo mĭn kơ phung hriê kơ prŏng leh hlăm klei đăo, ƀiădah klei thâo mĭn anăn amâo djŏ tui si ênuk anei amâodah phung khua kiă kriê ênuk anei ôh, phung anăn srăng êgao tuč sĭt.

I Kôrantô 2:8

Amâo mâo sa čô ôh hlăm phung khua kiă kriê ênuk anei tuôm thâo săng klei anăn; kyuadah tơdah diñu thâo săng leh klei anăn, diñu amâo bi mdjiê Khua Yang guh kơang ti kyâo bi kal ôh.

I Kôrantô 3:18

Đăm brei sa čô mplư ñu pô ôh. Tơdah sa čô hlăm phung diih mĭn ñu jing thâo mĭn hlăm ênuk anei, brei ñu mlih jing sa čô khŏ, čiăng kơ ñu dưi jing thâo mĭn sĭt.

II Kôrantô 4:4

Kơ phung amâo đăo anăn, yang ênuk anei guôm hĕ leh klei mĭn diñu, čiăng đăm brei diñu thâo săng klei mngač mơ̆ng klei mrâo mrang jăk kơ klei guh kơang Krist, Pô jing rup Aê Diê.

Galati 1:4

Pô jao leh Ñu pô kyua klei soh drei, čiăng bi mtlaih drei mơ̆ng ênuk soh jhat anei, tui si klei Aê Diê Ama drei čiăng,

Êphêsô 2:2

hlăm klei diih dôk dơ̆ng ƀơ̆ng huă mphŭn dô, tui hlue klei mưng lăn ala anei, tui hlue khua mâo klei dưi hlăm êngĭt, yang anăn dôk mă bruă ară anei hin hlăm phung amâo thâo gưt asăp ôh.

I Y-Timôthê 6:17

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

II Y-Timôthê 4:10

Kyuadah Y-Dêmas khăp kơ lăn ala anei, ñu lui kâo leh, đuĕ nao kơ ƀuôn Têsalônik. Y-Krêsen nao leh kơ čar Galati, Y-Tit nao leh kơ čar Dalmati,