Y-Mathiơ 13:21 - Klei Aê Diê Blŭ 2015

²¹ ƀiădah klei blŭ amâo mâo agha ôh hlăm ñu, ñu dôk gĭr knŏng bhiâo. Leh anăn tơdah mâo klei knap mñai amâodah klei ngă jhat truh kyua klei blŭ, ñu lui wir mtam.

Y-Mathiơ 13:21 Iomraidhean Croise

Y-Yôp 19:28

Tơdah diih lač, ‘Si drei srăng tiŏ ñu?’ leh anăn ‘Phŭn klei dleh anei kbiă mơ̆ng ñu,’

Klei Mmuñ Hđăp 36:3

Mơ̆ng ƀăng êgei ñu kbiă klei wê leh anăn klei mplư; ñu amâo lŏ ngă hŏng klei thâo mĭn leh anăn klei jăk ôh.

Klei Bi Hriêng 12:12

Phung ƀai tluh kơ mnơ̆ng phung jhat plah mă, ƀiădah agha phung kpă ênô srăng mboh lu.

Klei Bi Hriêng 12:3

Mnuih amâo jing kjăp ôh kyua klei măk ƀai, ƀiădah agha phung kpă arăng amâo dưi buč ôh.

Y-Ôsê 6:4

Ya Kâo srăng ngă kơ ih, Ơ Êphraim? Ya Kâo srăng ngă kơ ih, Ơ Yuđa? Klei khăp diih kơ Kâo jing msĕ si knam aguah, msĕ si êa nguôm djăl thu.

Y-Mathiơ 10:22

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.

Y-Mathiơ 11:6

Jăk mơak yơh hlei pô amâo têč hnêč ôh kyua Kâo.”

Y-Mathiơ 13:20

Bi kơ mjeh arăng rah hlăm lăn boh tâo, jing pô hmư̆ klei blŭ leh anăn mă tŭ mtam hŏng klei hơ̆k,

Y-Mathiơ 13:57

Leh anăn diñu têč hnêč kyua Yêsu. Ƀiădah Yêsu lač kơ diñu, “Sa čô khua pô hưn êlâo mâo klei mpŭ tar ƀar anôk, ƀiădah ƀuôn ñu pô leh anăn gŏ sang ñu pô arăng amâo mpŭ ôh.”

Y-Mathiơ 13:6

Tơdah yang hruê ƀlĕ, mjeh mrâo čăt anăn dliu; leh anăn kyuadah amâo mâo ôh agha, diñu krô hĕ.

Y-Mathiơ 24:13

Ƀiădah hlei pô gĭr tơl knhal tuč srăng tlaih.

Y-Mathiơ 26:31

Leh anăn Yêsu lač kơ diñu, “Mlam anei jih jang diih srăng êran đuĕ lui Kâo. Kyuadah Klei Aê Diê Blŭ čih leh snei, ‘Kâo srăng čăm mgăt biăp, leh anăn phung biăp srăng klah đuĕ mdê mdê.’

Y-Mathiơ 26:33

Y-Pêtrôs hưn kơ Ñu, “Wăt tơdah jih jang srăng êran đuĕ lui Ih, kâo amâo srăng lui Ih ôh.”

Y-Markôs 4:17

ƀiădah diñu amâo mâo agha hlăm diñu pô ôh, knŏng dôk bhiâo. Leh anăn tơdah mâo klei knap mñai amâodah klei arăng ngă jhat kyua klei blŭ anăn, diñu lĕ mtam.

Y-Luk 8:13

Mjeh lĕ ti boh tâo jing phung hmư̆ klei blŭ leh anăn mă tŭ hŏng klei hơ̆k, ƀiădah diñu amâo mâo agha ôh. Diñu đăo knŏng bhiâo, leh anăn tơdah mâo klei lông dlăng diñu lui wir.

Y-Yôhan 6:26

Yêsu lŏ wĭt lač kơ digơ̆, “Kâo lač kơ diih klei sĭt nik, diih duah Kâo, amâo djŏ ôh kyua diih ƀuh leh klei bi knăl yuôm bhăn, ƀiădah kyua diih ƀơ̆ng leh kpŭng tơl trei.

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Galati 6:12

Phung čiăng bi êdah bruă jăk hlăm kđeh čiăng mgô̆ diih tŭ klei khăt klĭt, knŏng čiăng kơ arăng amâo ngă jhat ôh kơ diñu kyua kyâo bi kal Krist.

Galati 6:15

Kyuadah klei khăt klĭt amâo jing yuôm ôh, amâodah klei amâo khăt klĭt kăn jing yuôm rei, knŏng klei jing mnuih Aê Diê hrih mrâo jing yuôm.

Êphêsô 3:17

leh anăn čiăng kơ Krist dưi dôk hlăm ai tiê diih hŏng klei đăo. Leh anăn kâo wah lač čiăng kơ diih mtrŭn agha leh anăn mdơ̆ng atur hlăm klei khăp,

Philip 1:6

Kâo thâo sĭt kơ Pô dơ̆ng leh bruă jăk hlăm diih srăng bi ênŭm bruă anăn tơl truh Hruê Yêsu Krist.

II Y-Timôthê 1:15

Ih thâo leh jih phung hlăm čar Asi lui kâo leh. Hlăm phung anăn mâo Y-Phijêl leh anăn Y-Hermôgen;

II Y-Timôthê 4:10

Kyuadah Y-Dêmas khăp kơ lăn ala anei, ñu lui kâo leh, đuĕ nao kơ ƀuôn Têsalônik. Y-Krêsen nao leh kơ čar Galati, Y-Tit nao leh kơ čar Dalmati,

Y-Yakơ 3:2

Kyuadah jih jang drei têč hnêč hlăm lu mta klei. Tơdah sa čô amâo têč hnêč ôh hlăm klei ñu blŭ, ñu jing mnuih jăk klă, dưi kiă kriê jih asei mlei ñu.

I Y-Pêtrôs 1:5

phung Aê Diê kiă kriê hŏng klei myang Ñu kyua klei đăo, čiăng mâo klei bi mtlaih giăm bi êdah hlăm ênuk knhal tuč.

Klei Bi Êdah 2:13

‘Kâo thâo ti anôk ih dôk, tinăn mâo jhưng mtao Satan. Ih djă pioh kjăp anăn Kâo, leh anăn ih amâo hngah ôh klei đăo kơ Kâo wăt hlăm hruê Y-Antipas, pô hưn sĭt suôr kơ Kâo, pô arăng bi mdjiê leh ti krah diih, anôk Satan dôk.