Y-Mathiơ 13:19 - Klei Aê Diê Blŭ 2015

¹⁹ Tơdah sa čô hmư̆ klei blŭ kơ ƀuôn ala mtao leh anăn amâo thâo săng ôh, pô jhat truh mă hĕ ya klei arăng rah leh hlăm ai tiê ñu, anei jing mjeh rah ktuê êlan.

Y-Mathiơ 13:19 Iomraidhean Croise

Klei Bi Hriêng 1:7

Klei huĭ mpŭ kơ Yêhôwa jing klei kčưm kơ klei thâo săng; phung mluk bi êmut kơ klei thâo mĭn leh anăn klei bi hriăm.

Klei Bi Hriêng 17:16

Ya yuôm mnuih mluk mâo prăk, čiăng blei klei thâo mĭn, ƀiădah ñu pô amâo čiăng hriăm ôh?

Y-Êsêkiêl 31:18

Hlei ana kyâo hlăm war Êđen jing guh kơang leh anăn prŏng msĕ si ih? Arăng srăng mtrŭn ih msĕ mơh mbĭt hŏng ana kyâo war Êđen kơ lăn ala ti gŭ; ih srăng đih mbĭt hŏng phung amâo khăt klĭt ôh, mbĭt hŏng phung arăng bi mdjiê leh hŏng đao gưm. Kyâo anei jing Pharaôn leh anăn jih jang phung ƀuôn sang lu ñu, Yêhôwa Aê Diê lač.’ ”

Y-Mathiơ 12:26

Snăn tơdah Satan suôt Satan, ñu bi mbha hĕ ñu pô; si ƀuôn ala mtao ñu srăng dưi dôk lĕ?

Y-Mathiơ 13:20

Bi kơ mjeh arăng rah hlăm lăn boh tâo, jing pô hmư̆ klei blŭ leh anăn mă tŭ mtam hŏng klei hơ̆k,

Y-Mathiơ 13:38

hma jing lăn ala, mjeh jăk jing phung anak ƀuôn ala mtao, rơ̆k jhat jing phung anak pô jhat,

Y-Mathiơ 4:23

Yêsu hiu tar ƀar čar Galilê bi hriăm hlăm sang bi kƀĭn leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă leh anăn klei djiu duam phung mnuih ƀuôn sang.

Y-Mathiơ 5:37

Brei klei ih blŭ ‘Ơ’ jing Ơ amâodah ‘Ơ ơh’ jing Ơ ơh; klei lŏ thiăm kơ klei anăn kbiă mơ̆ng yang jhat.”

Y-Markôs 4:15

Phung ktuê êlan anôk arăng rah leh klei blŭ: tơdah diñu hmư̆ klei blŭ, Satan hriê mtam leh anăn mă hĕ klei blŭ arăng rah leh hlăm ai tiê diñu.

Y-Luk 10:9

Bi hlao phung ruă duam tinăn leh anăn lač kơ diñu, ‘Ƀuôn ala mtao Aê Diê giăm truh leh kơ diih.’

Y-Luk 9:2

Ñu tiŏ nao digơ̆ mtô klei ƀuôn ala mtao Aê Diê leh anăn bi hlao phung ruă duam.

Y-Yôhan 18:38

Aê Pilat lač kơ Yêsu, “Ya jing klei sĭt nik?” Leh Aê Pilat lač klei anăn, ñu lŏ kbiă nao kơ phung Yuđa leh anăn lač kơ diñu, “Kâo amâo ƀuh ôh klei soh hlăm gơ̆.

Y-Yôhan 8:43

Si ngă diih amâo thâo săng ôh klei Kâo lač? Kyuadah diih amâo dưi ôh hmư̆ klei Kâo blŭ.

Bruă Phung Khua Ƀĭng Kna 17:32

Tơdah diñu hmư̆ klei blŭ kơ klei kbiă lŏ hdĭp mơ̆ng phung djiê, đa đa mưč; ƀiădah phung mkăn lač, “Hmei srăng lŏ hmư̆ ih yăl dliê klei anei hruê mkăn.”

Bruă Phung Khua Ƀĭng Kna 18:15

Ƀiădah kyuadah jing klei bi mgăl kơ boh blŭ, kơ anăn, leh anăn kơ klei bhiăn diih pô, brei diih ksiêm mă diih pô; kâo hngah jing pô phat kđi klei anăn.”

Bruă Phung Khua Ƀĭng Kna 20:25

Ară anei kâo thâo kơ jih jang diih kâo tuôm hưn leh klei ƀuôn ala mtao Aê Diê, amâo srăng lŏ ƀuh ƀô̆ mta kâo ôh.

Bruă Phung Khua Ƀĭng Kna 28:23

Tơdah truh hruê diñu bi kčah, lu mnuih hriê kơ gơ̆ hlăm sang gơ̆ dôk. Y-Pôl mblang klei anăn kơ diñu mơ̆ng aguah lĕ tlam, hưn bi sĭt kơ ƀuôn ala mtao Aê Diê leh anăn duah mtrŭt diñu đăo kơ Yêsu tui si klei čih hlăm klei bhiăn Y-Môis leh anăn hlăm phung khua pô hưn êlâo.

Hră Y-Pôl Mơĭt kơ Phung Rôm 1:28

Kyuadah diñu amâo čiăng djă pioh ôh klei thâo kral Aê Diê, snăn Aê Diê jao diñu kơ klei mĭn jhat tơl diñu ngă lu klei amâo năng ôh.

Hră Y-Pôl Mơĭt kơ Phung Rôm 14:17

Kyuadah ƀuôn ala mtao Aê Diê amâo djŏ jing klei ƀơ̆ng huă mnăm ôh, ƀiădah klei kpă ênô, klei êđăp ênang, leh anăn klei hơ̆k mơak hlăm Yang Mngăt Jăk.

Hră Y-Pôl Mơĭt kơ Phung Rôm 2:8

Ƀiădah Ñu srăng brei klei ngêñ leh anăn klei ăl kơ phung mĭn kơ pô, amâo gưt ôh kơ klei sĭt nik, ƀiădah gưt klei wê.

Êphêsô 3:8

Wăt tơdah kâo jing pô điêt hĭn kơ jih jang phung doh jăk, Ñu brei klei pap anăn kơ kâo, čiăng brei kâo mtô kơ phung tue klei mrâo mrang jăk klei mdrŏng Krist amâo dưi mkă ôh,

II Têsalônik 2:12

čiăng kơ jih jang phung amâo đăo ôh kơ klei sĭt nik ƀiădah khăp kơ klei wê srăng tŭ klei phat kđi bi kmhal.

Hêbrơ 2:1

Kyuanăn brei drei mđing knga jăk hĭn kơ klei drei hmư̆ leh, huĭdah drei srăng klah đuĕ mơ̆ng klei anăn.

I Y-Yôhan 3:12

đăm jing msĕ si Y-Kain ôh, pô kbiă hriê mơ̆ng yang jhat leh anăn bi mdjiê hĕ adei ñu. Ya ngă ñu bi mdjiê gơ̆? Kyuadah bruă ñu pô jing jhat leh anăn bruă adei ñu jing kpă.

I Y-Yôhan 5:18

Drei thâo phung Aê Diê kkiêng leh amâo lŏ ngă soh ôh, ƀiădah Pô Aê Diê kkiêng leh kiă kriê ñu, leh anăn yang jhat amâo ruêh ñu ôh.

I Y-Yôhan 5:20

Leh anăn drei thâo kơ Anak Aê Diê truh leh, leh anăn brei leh kơ drei klei thâo săng čiăng thâo kral Pô sĭt nik; leh anăn drei dôk hlăm Pô sĭt nik, hlăm Anak Ñu Yêsu Krist. Ñu yơh jing Aê Diê sĭt nik leh anăn klei hdĭp hlŏng lar.