Y-Mathiơ 13:13 - Klei Aê Diê Blŭ 2015

¹³ Kâo čiăng blŭ klei bi hriêng kơ diñu, kyuadah diñu dlăng ƀiădah amâo ƀuh ôh, diñu mđing knga ƀiădah amâo hmư̆ ôh, kăn diñu thâo săng rei.

Y-Mathiơ 13:13 Iomraidhean Croise

Y-Êsai 44:18

Diñu amâo thâo săng ôh, kăn thâo ksiêm rei; kyuadah arăng bi pĭt leh ală diñu, snăn diñu amâo dưi ƀuh ôh, leh anăn arăng kđăl klei mĭn diñu, snăn diñu amâo dưi thâo săng ôh.

Y-Yêrêmi 5:21

Hmư̆ bĕ klei anei, Ơ phung ƀuôn sang mluk leh anăn amâo mâo klei thâo săng ôh, phung mâo ală ƀiădah amâo thâo ƀuh ôh, phung mâo knga ƀiădah amâo thâo hmư̆ ôh.”

Y-Êsêkiêl 12:2

“Ơ anak mnuih, ih dôk ti krah sa phung ƀuôn sang khăng bi kdơ̆ng, phung mâo ală dưi ƀuh ƀiădah amâo ƀuh ôh, phung mâo knga dưi hmư̆ ƀiădah amâo hmư̆ ôh; kyuadah diñu jing sa boh sang khăng bi kdơ̆ng.

Y-Êsêkiêl 20:49

Leh anăn kâo lač, “Hƀơih, Ơ Yêhôwa Aê Diê! Diñu lač djŏ kơ kâo, ‘Amâo djŏ hĕ ñu jing sa čô blŭ klei bi hriêng?’ ”

Y-Mathiơ 13:16

Ƀiădah jăk mơak yơh ală diih, kyuadah dưi ƀuh, leh anăn jăk mơak yơh knga diih, kyuadah thâo hmư̆.

Hră Y-Pôl Mơĭt kơ Phung Rôm 11:8

tui si Klei Aê Diê Blŭ čih leh, “Aê Diê brei leh kơ diñu ai mĭn mmăt, ală amâo thâo ƀuh leh anăn knga amâo thâo hmư̆ ôh, truh kơ hruê anei.”