Y-Mathiơ 13:11 - Klei Aê Diê Blŭ 2015

¹¹ Ñu lŏ wĭt lač kơ digơ̆, “Diih mă tŭ leh klei thâo săng klei hgăm kơ ƀuôn ala mtao adiê, ƀiădah diñu amâo mâo ôh.

Y-Mathiơ 13:11 Iomraidhean Croise

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Y-Êsai 29:10

Kyuadah Yêhôwa bi truh leh kơ diih klei pĭt snăk; Ñu bi pĭt leh ală diih, ală diih si tô hmô phung khua pô hưn êlâo, Ñu guôm leh boh kŏ diih, boh kŏ si tô hmô phung mâo klei bi ƀuh.

Y-Êsai 29:11

Jih jang klei diih bi ƀuh anei jing msĕ si boh blŭ hlăm sa pŏk hdruôm hră arăng kđăm leh. Tơdah arăng brei hdruôm hră anăn kơ sa čô mnuih thâo dlăng hră leh anăn lač, “Dlăng bĕ klei anei”; snăn gơ̆ lŏ wĭt lač, “Kâo amâo dưi ôh, kyuadah arăng kđăm ñu leh.”

Y-Êsai 35:8

Srăng mâo tinăn sa bĭt êlan dơ̆ng prŏng; pia Êlan Doh Jăk. Phung čhŏ mrŏ amâo srăng êbat tinăn ôh, ƀiădah srăng pioh kơ phung êbat hlăm klei doh jăk, phung mluk amâo srăng hiu rưng tinăn ôh.

Y-Mathiơ 13:10

Leh anăn phung ƀĭng kna nao êmuh kơ Ñu, “Si ngă Ih blŭ kơ diñu hŏng klei bi hriêng?”

Y-Mathiơ 16:17

Yêsu lŏ wĭt lač kơ gơ̆, “Jăk mơak yơh kơ ih, Ơ Y-Simôn anak Y-Yôna! Kyuadah amâo djŏ kđeh mnuih ôh bi êdah leh klei anăn kơ ih, ƀiădah Ama Kâo hlăm adiê.

Y-Mathiơ 19:11

Ƀiădah Ñu lač kơ digơ̆, “Amâo djŏ jih jang mnuih ôh dưi tŭ klei anei, ƀiădah knŏng kơ phung arăng brei leh klei anăn.

Y-Mathiơ 20:23

Yêsu lač kơ digơ̆, “Diih srăng mnăm atŏ Kâo, ƀiădah klei dưi dôk gŭ tĭng hnuă amâodah tĭng điâo Kâo, Kâo amâo mâo ôh klei dưi brei klei anăn, ƀiădah klei anăn pioh kơ phung Ama Kâo mkra brei leh.”

Y-Markôs 10:40

Ƀiădah klei dôk gŭ tĭng hnuă Kâo amâodah tĭng điâo Kâo amâo djŏ ôh Kâo mâo klei dưi brei. Klei anăn pioh kơ hlei pô Aê Diê mkra leh.”

Y-Markôs 4:11

Yêsu lač kơ digơ̆, “Kơ diih arăng brei leh klei hgăm kơ ƀuôn ala mtao Aê Diê, ƀiădah bi kơ phung dôk ti êngao, Kâo blŭ kơ diñu hŏng klei bi hriêng sơăi,

Y-Luk 8:10

Ñu lač, “Aê Diê brei kơ diih dưi thâo săng klei yuôm hgăm kơ ƀuôn ala mtao Aê Diê; ƀiădah kơ phung mkăn Kâo blŭ kơ diñu hŏng klei bi hriêng, čiăng kơ êjai diñu dlăng diñu amâo dưi ƀuh ôh, leh anăn êjai diñu hmư̆ diñu amâo dưi thâo săng ôh.”

Y-Yôhan 6:65

Leh anăn Ñu lač, “Kyuanăn Kâo lač leh kơ diih, amâo mâo mnuih dưi hriê kơ Kâo ôh knŏng tơdah Ama brei klei dưi kơ gơ̆.”

Y-Yôhan 7:17

Tơdah sa čô mnuih čiăng ngă tui si klei Aê Diê čiăng, gơ̆ srăng thâo thâodah klei Kâo mtô kbiă hriê mơ̆ng Aê Diê amâodah Kâo blŭ tui si klei dưi Kâo pô.

Bruă Phung Khua Ƀĭng Kna 16:14

Mâo sa čô mniê hlăm phung hmư̆ hmei, anăn gơ̆ H'Lidi mơ̆ng ƀuôn Thiatir, pô čhĭ čhiăm hrah piơk. Ñu jing sa čô kkuh mpŭ kơ Aê Diê. Khua Yang pŏk ai tiê ñu čiăng ñu tŭ klei Y-Pôl blŭ.

Hră Y-Pôl Mơĭt kơ Phung Rôm 11:25

Ơ phung ayŏng adei, huĭdah diih mgao hŏng klei diih pô thâo mĭn, kâo čiăng kơ diih thâo săng klei hgăm anei: sa kdrêč hlăm phung Israel mâo leh ai tiê khăng, tơl ênŭm leh ênoh Aê Diê bi kčah kơ phung tue đăo kơ Aê Diê,

Hră Y-Pôl Mơĭt kơ Phung Rôm 16:25

Mpŭ mni kơ Pô dưi bi kjăp diih tui si klei mrâo mrang jăk kâo leh anăn klei mtô klei Yêsu Krist, tui si klei bi êdah klei hgăm Aê Diê mdăp leh êjai lu ênuk êlâo,

I Kôrantô 13:2

Tơdah kâo mâo klei dưi hưn êlâo, leh anăn thâo jih klei hgăm leh anăn mâo jih klei thâo săng, leh anăn tơdah kâo mâo jih klei đăo tơl dưi bi klưh čư̆, ƀiădah amâo mâo klei khăp ôh, kâo jing hơăi mang.

I Kôrantô 15:51

Nĕ anei, kâo hưn klei hgăm kơ diih: drei amâo srăng djiê jih ôh, ƀiădah jih jang drei srăng mâo klei bi mlih,

I Kôrantô 2:14

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

I Kôrantô 2:7

Ƀiădah hmei bi mbha klei thâo mĭn Aê Diê hgăm leh anăn ka bi êdah ôh, klei thâo mĭn anăn Aê Diê čuăn pioh leh mơ̆ng êlâo jih jang ênuk kơ klei bi guh kơang drei.

I Kôrantô 4:1

Brei arăng yap hmei jing dĭng buăl Krist, leh anăn phung kiă kriê klei yuôm hgăm Aê Diê.

I Kôrantô 4:7

Kyuadah hlei ƀuh klei mdê ih hŏng phung mkăn? Ya klei ih mâo leh Aê Diê amâo tuôm brei kơ ih ôh? Tơdah ih mă tŭ leh klei anăn, si ngă ih bi mni kơ ih pô msĕ si ih ka tuôm mă tŭ ôh?

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Êphêsô 1:9

Aê Diê brei drei thâo leh klei yuôm hgăm hlăm klei Ñu čiăng, tui si klei Ñu mơak čuăn leh êlâo hlăm Krist,

Êphêsô 5:32

Klei anăn jing sa klei yuôm hgăm prŏng; kâo blŭ klei anăn bi hmô hŏng Krist leh anăn Phung Sang Aê Diê.

Êphêsô 6:19

Leh anăn msĕ mơh wah lač kơ kâo đa, čiăng kơ Aê Diê brei kơ kâo dưi blŭ ênưih, mtô hŏng klei jhŏng klei hgăm kơ klei mrâo mrang jăk.

Kôlôs 2:2

čiăng kơ diñu mâo klei bi mđĭ ai êjai diñu bi mguôp hlăm klei khăp, čiăng mâo jih klei mdrŏng kơ klei thâo săng sĭt leh anăn klei thâo kral klei hgăm Aê Diê. Klei hgăm anăn jing Krist pô.

I Y-Timôthê 3:16

Klei yuôm hgăm kơ klei drei mpŭ kơ Aê Diê prŏng snăk, klei anăn arăng amâo dưi hngah ôh: Pô bi êdah leh hlăm kđeh, mâo Yang Mngăt Jăk yap kpă, phung dĭng buăl jăk ƀuh Ñu leh, arăng mtô leh klei Ñu kơ phung tue, arăng đăo kơ Ñu leh hlăm lăn ala, leh anăn Aê Diê pŭ ba Ñu leh hlăm klei guh kơang.

I Y-Timôthê 3:9

Brei diñu djă pioh klei yuôm hgăm kơ klei đăo hŏng ai tiê kpă êngeh.

Y-Yakơ 1:5

Tơdah sa čô hlăm phung diih kƀah klei thâo mĭn, brei ñu akâo kơ Aê Diê, Pô brei kơ jih jang mnuih hŏng klei kmah leh anăn amâo ƀuah ôh, leh anăn Aê Diê srăng brei klei knhâo kơ ñu.

I Y-Yôhan 2:20

Ƀiădah diih mâo leh klei Pô Doh Jăk trôč êa ƀâo mngưi, leh anăn jih jang diih mâo leh klei thâo săng.

I Y-Yôhan 2:27

Bi kơ diih, klei trôč êa ƀâo mngưi diih mă tŭ leh mơ̆ng Ñu dôk hlăm diih, leh anăn amâo yuôm ôh arăng lŏ mtô kơ diih. Msĕ si klei Ñu trôč êa ƀâo mngưi mtô kơ diih jih jang klei, leh anăn jing klei sĭt nik, amâo jing klei luar ôh, tui si Ñu mtô leh kơ diih, dôk bĕ hlăm Ñu.