Y-Mathiơ 12:7 - Klei Aê Diê Blŭ 2015

⁷ Leh anăn tơdah diih thâo săng si klei blŭ anei, ‘Kâo čiăng klei thâo pap, amâo djŏ hlô mnơ̆ng ngă yang ôh,’ diih amâo ƀuah phung amâo jing soh ôh.

Y-Mathiơ 12:7 Iomraidhean Croise

Y-Yôp 32:3

Ñu ăl msĕ mơh kơ tlâo čô mah jiăng Y-Yôp, kyuadah diñu amâo mâo klei lŏ wĭt lač ôh, wăt tơdah diñu hưn kơ Y-Yôp soh leh.

Klei Mmuñ Hđăp 109:31

Kyuadah Ñu dôk dơ̆ng tĭng hnuă pô kƀah, čiăng bi mtlaih gơ̆ mơ̆ng phung phat kđi gơ̆.

Klei Mmuñ Hđăp 94:21

Diñu bi mguôp mbĭt čiăng ngă kơ mnuih kpă, leh anăn bi kmhal bi mdjiê pô amâo soh ôh.

Klei Bi Hriêng 17:15

Pô yap mnuih soh kpă leh anăn pô bi kmhal mnuih kpă, Yêhôwa bi êmut kơ jih dua diñu.

Y-Ôsê 6:6

Kyuadah Kâo čiăng klei pap, amâo djŏ mnơ̆ng ngă yang, klei thâo kral Aê Diê, amâo djŏ ôh mnơ̆ng myơr čuh.

Y-Mathiơ 22:29

Ƀiădah Yêsu lŏ wĭt lač kơ phung Sadusi, “Diih čhuai leh kyuadah diih amâo thâo săng ôh Klei Aê Diê Blŭ čih, kăn thâo săng rei klei myang Ñu.

Y-Mathiơ 9:13

Nao bĕ leh anăn hriăm bi thâo si čiăng lač klei blŭ anei, ‘Kâo čiăng klei pap mñai, amâo djŏ mnơ̆ng ngă yang ôh.’ Kyuadah Kâo hriê amâo djŏ čiăng iêô phung kpă ôh, ƀiădah phung soh.”

Y-Markôs 12:33

Klei khăp kơ Ñu hŏng jih ai tiê, hŏng jih klei mĭn, hŏng jih ai ktang, leh anăn klei khăp kơ pô riêng gah msĕ si kơ pô jing yuôm hĭn kơ jih jang mnơ̆ng myơr čuh leh anăn mnơ̆ng ngă yang.”

Bruă Phung Khua Ƀĭng Kna 13:27

Kyuadah phung dôk hlăm ƀuôn Yêrusalem leh anăn phung khua diñu, amâo thâo kral ôh Yêsu anei, kăn thâo săng klei phung khua pô hưn êlâo blŭ, diñu dlăng grăp hruê sabat rei, diñu bi sĭt leh klei anăn hŏng klei diñu phat kđi Yêsu.

Y-Yakơ 5:6

Diih phat kđi leh, diih bi mdjiê leh mnuih kpă ênô; gơ̆ amâo bi kdơ̆ng hŏng diih ôh.

Y-Yôsuê 5:5

Wăt tơdah jih jang phung ƀuôn sang kbiă mơ̆ng čar Êjip mâo leh klei khăt klĭt, ƀiădah jih jang mnuih arăng kkiêng ktuê êlan hlăm kdrăn tač leh diñu kbiă mơ̆ng čar Êjip ka tuôm mâo klei khăt klĭt ôh.

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.