Y-Mathiơ 12:43 - Klei Aê Diê Blŭ 2015

⁴³ “Tơdah yang čhŏ kbiă leh mơ̆ng sa čô mnuih, ñu găn lu anôk thu duah anôk mdei, ƀiădah amâo ƀuh ôh.

Y-Mathiơ 12:43 Iomraidhean Croise

Y-Yôp 1:7

Yêhôwa lač kơ Satan, “Mơ̆ng ih hriê?” Satan lŏ wĭt lač kơ Yêhôwa, “Mơ̆ng klei êrô hiu ti lăn ala, đĭ leh anăn trŭn.”

Y-Yôp 2:2

Yêhôwa lač kơ Satan, “Mơ̆ng ih hriê?” Satan lŏ wĭt lač kơ Yêhôwa, “Mơ̆ng klei êrô hiu ti lăn ala, đĭ leh anăn trŭn.”

Klei Mmuñ Hđăp 63:1

Ơ Aê Diê, Ih jing Aê Diê kâo, kâo duah Ih, mngăt kâo mhao kơ Ih; asei mlei kâo krao kơ Ih msĕ si lăn thu amâo mâo êa, amâo lŏ čăt jing mnơ̆ng ôh.

Y-Êsai 41:18

Kâo srăng brei lu êa krông đoh ti dlông čư̆ kla, leh anăn lu akŏ êa bluh ti krah tlung. Kâo srăng brei dliê êhŏng jing êa ênao, leh anăn lăn thu jing akŏ êa ƀlĕ.

Y-Mathiơ 12:44

Snăn ñu lač, ‘Kâo srăng lŏ wĭt dôk hlăm sang kâo mrâo kbiă đuĕ.’ Leh anăn tơdah ñu truh ñu ƀuh sang anăn jing êhŏng, kih doh leh, leh anăn prăp leh bi jăk.

Y-Mathiơ 8:29

Digơ̆ ur kraih, “Ya klei Ih mâo hŏng hmei, Ơ Anak Aê Diê? Ih hriê tinei čiăng bi knap hmei êlâo hruê bi kčah mơ̆?”

Bruă Phung Khua Ƀĭng Kna 8:13

Wăt Y-Simôn pô đăo msĕ mơh. Leh ñu tŭ klei ƀaptem, ñu dôk mbĭt hŏng Y-Philip. Tơdah ñu ƀuh lu klei bi knăl yuôm bhăn leh anăn bruă myang yuôm Y-Philip ngă, ñu bi kngăr snăk.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.