Y-Mathiơ 12:42 - Klei Aê Diê Blŭ 2015

⁴² Ti hruê phat kđi mtao mniê čar Dhŭng srăng kgŭ mbĭt hŏng phung găp djuê anei leh anăn srăng phat kđi diih; kyuadah gơ̆ hriê mơ̆ng knhal lăn ala čiăng hmư̆ klei thâo mĭn Y-Salômôn, leh anăn nĕ anei, mâo sa čô tinei jing prŏng hĭn kơ Y-Salômôn.”

Y-Mathiơ 12:42 Iomraidhean Croise

I Bruă Mtao 10:24

Jih lăn ala duah čiăng bi tuôm hŏng Y-Salômôn čiăng hmư̆ klei thâo mĭn Aê Diê dưm leh hlăm ai tiê ñu.

I Bruă Mtao 3:12

nĕ ară anei Kâo ngă tui si klei ih blŭ. Nĕ anei, Kâo brei kơ ih ai tiê thâo mĭn leh anăn thâo ksiêm, tơl amâo mâo sa čô ôh msĕ si ih êlâo kơ ih, leh anăn amâo srăng mâo ôh sa čô msĕ si ih êdei kơ ih.

I Bruă Mtao 3:28

Jih jang phung Israel hmư̆ klei mtao phat kđi anăn, leh anăn diñu mâo klei mpŭ kơ mtao, kyuadah diñu ƀuh klei thâo mĭn Aê Diê dôk hlăm ñu, čiăng ngă klei kpă.

I Bruă Mtao 3:9

Snăn brei bĕ kơ dĭng buăl Ih ai tiê thâo mĭn čiăng phat mkra kđi phung ƀuôn sang Ih, čiăng kơ kâo dưi thâo ksiêm klei jăk hŏng klei jhat; kyuadah hlei pô dưi phat mkra kđi phung ƀuôn sang Ih êngŭm anei?”

I Bruă Mtao 4:29

Aê Diê brei kơ Y-Salômôn klei thâo mĭn leh anăn klei thâo săng amâo dưi mkă ôh, leh anăn klei knhâo lu msĕ čuah ti hang êa ksĭ,

I Bruă Mtao 4:34

Arăng hriê mơ̆ng jih jang găp djuê mnuih čiăng hmư̆ klei thâo mĭn Y-Salômôn, mơ̆ng jih jang phung mtao ti lăn ala, phung hmư̆ leh kơ klei thâo mĭn ñu.

I Bruă Mtao 5:12

Leh anăn Yêhôwa brei kơ Y-Salômôn klei thâo mĭn tui si Ñu ƀuăn leh kơ gơ̆; leh anăn mâo klei êđăp ênang Y-Hiram hŏng Y-Salômôn; leh anăn diñu dua ngă klei bi mguôp.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Mathiơ 12:41

Ti hruê phat kđi phung mnuih ƀuôn sang Niniwơ srăng kgŭ mbĭt hŏng phung găp djuê anei leh anăn phat kđi diih; kyuadah phung mnuih ƀuôn Niniwơ kmhal kơ klei soh tơdah leh hmư̆ klei Y-Yôna mtô; leh anăn nĕ anei, mâo sa čô tinei jing prŏng hĭn kơ Y-Yôna.

Y-Mathiơ 12:6

Kâo hưn kơ diih, mâo tinei sa čô arăng mpŭ hĭn kơ Sang Kkuh Mpŭ.

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Mathiơ 3:17

Leh anăn mâo asăp blŭ mơ̆ng adiê lač, “Anei jing Anak Kâo khăp êdimi; hlăm Ñu Kâo mâo klei mơak snăk.”

Y-Yôhan 1:14

Klei Blŭ bliư̆ jing kđeh leh anăn dôk mbĭt hŏng drei bŏ hŏng klei pap leh anăn klei sĭt nik. Hmei ƀuh leh klei guh kơang Ñu jing klei guh kơang Ama brei kơ Anak Ñu mâo knŏng sa čô.

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Klei Mtô Mñă Klei Bhiăn 30:13

Kăn ñu dôk nah dih hang êa ksĭ rei tơl ih lač, ‘Hlei srăng găn brei kơ drei êa ksĭ leh anăn djă ba gơ̆ kơ drei, čiăng kơ drei dưi hmư̆ leh anăn tui hlue klei anăn?’