Y-Mathiơ 12:4 - Klei Aê Diê Blŭ 2015

⁴ si ñu mŭt hlăm sang Aê Diê leh anăn ñu leh anăn phung ñu ƀơ̆ng kpŭng myơr kơ Aê Diê, wăt kpŭng anăn ñu amâo bhiăn dưi ƀơ̆ng ôh, knŏng pioh kơ phung khua ngă yang ƀơ̆ng?

Y-Mathiơ 12:4 Iomraidhean Croise

Klei Kbiă 25:30

Brei ih dưm ti dlông jhưng anăn kpŭng myơr dôk nanao ti anăp Kâo.”

Bruă Lêwi 8:31

Y-Môis lač kơ Y-Arôn leh anăn phung anak êkei ñu, “Atŭk bĕ kđeh ti ƀăng bhă sang čhiăm klei bi kƀĭn, ƀơ̆ng gơ̆ tinăn leh anăn ƀơ̆ng kpŭng hlăm bai mnơ̆ng myơr kơ klei pioh brei, tui si kâo mtă leh, lač, ‘Y-Arôn leh anăn phung anak êkei ñu srăng ƀơ̆ng gơ̆.’

Y-Mathiơ 12:3

Yêsu lŏ wĭt lač, “Diih ka tuôm dlăng hĕ klei Y-Đawit ngă leh tơdah ñu leh anăn phung nao mbĭt hŏng ñu êpa:

Y-Mathiơ 12:5

Amâodah diih ka tuôm dlăng hĕ hlăm hdruôm hră klei bhiăn Y-Môis arăng yăl dliê kơ phung khua ngă yang hlăm Sang Kkuh Mpŭ gao klei bhiăn hruê sabat, ƀiădah amâo jing soh ôh?

Y-Markôs 2:26

si klei ñu mŭt hlăm sang Aê Diê ênuk Y-Abiathar jing khua ngă yang prŏng leh anăn ƀơ̆ng kpŭng myơr kơ Aê Diê, kpŭng anăn pioh knŏng kơ phung khua ngă yang, phung mkăn amâo dưi ƀơ̆ng ôh, leh anăn Y-Đawit brei wăt kơ mnuih mbĭt hŏng ñu?”

Y-Luk 6:4

si klei ñu mŭt hlăm sang Aê Diê leh anăn mă ƀơ̆ng kpŭng myơr kơ Aê Diê, leh anăn brei kơ phung mbĭt hŏng ñu? Kpŭng anăn pioh knŏng kơ phung khua ngă yang dưi ƀơ̆ng.”

Hêbrơ 9:2

Kyuadah arăng mkra leh sa boh sang čhiăm. Hlăm adŭ ti êngao arăng pia Adŭ Doh Jăk mâo jơ̆ng diăn, jhưng, leh anăn kpŭng myơr kơ Aê Diê.

I Y-Samuel 21:4

Khua ngă yang lŏ wĭt lač kơ Y-Đawit, “Kâo amâo mâo ôh kpŭng bhiăn ƀơ̆ng tinei, ƀiădah mâo kpŭng pioh kơ Aê Diê; knŏng phung êkei kăm dôk hŏng mniê dưi ƀơ̆ng.”

I Y-Samuel 21:6

Snăn khua ngă yang brei kơ ñu kpŭng pioh kơ Aê Diê; kyuadah amâo mâo kpŭng mkăn ti anăn ôh, knŏng kpŭng pioh kơ Aê Diê, dŏ anăn arăng mă mơ̆ng ti anăp Yêhôwa, leh anăn bi mlih hŏng kpŭng hlơr ti hruê arăng mă kpŭng hđăp.