Y-Mathiơ 12:34 - Klei Aê Diê Blŭ 2015

³⁴ Ơ êđai ala kpơ̆ng! Si diih dưi blŭ klei jăk êjai diih jing jhat? Kyuadah mơ̆ng klei êbeh dlai hlăm ai tiê ƀăng êgei blŭ.

Y-Mathiơ 12:34 Iomraidhean Croise

Klei Mmuñ Hđăp 53:1

Mnuih khŏ lač hlăm ai tiê ñu, “Amâo mâo Aê Diê ôh.” Diñu mâo knuih jhat, diñu ngă klei ƀai êdi; amâo mâo ôh sa čô ngă klei jăk.

Klei Mmuñ Hđăp 64:3

Diñu sah êlah diñu msĕ si đao gưm, diñu sơ̆ng msĕ si ƀrăm klei diñu blŭ phĭ,

Klei Mmuñ Hđăp 64:5

Diñu djă pioh nanao klei diñu čiăng ngă ƀai; diñu bi trông čhai hŏng klei hgăm čiăng ƀêč kđông, êjai mĭn, “Hlei pô dưi ƀuh drei?”

Klei Bi Hriêng 16:23

Ai tiê phung thâo mĭn gai klei ñu blŭ, leh anăn dưi mă ai tiê arăng.

Klei Bi Hriêng 4:23

Êgao hĭn kơ jih mnơ̆ng, kiă kriê ai tiê ih bi jăk, kyuadah mơ̆ng ñu yơh kbiă akŏ klei hdĭp.

Y-Êsai 32:6

Kyuadah mnuih mluk blŭ klei mluk, leh anăn ai tiê ñu mĭn ngă klei wê, čiăng ngă klei čhŏ mrŏ, leh anăn blŭ klei čhuai bi kdơ̆ng hŏng Yêhôwa, lui pô êpa dôk tian êhŏng, leh anăn mă hĕ êa mnăm mơ̆ng pô mhao.

Y-Êsai 59:14

Klei kpă kdŭn đuĕ leh, leh anăn klei kpă ênô dôk kbưi; kyuadah klei sĭt nik êbuh leh hlăm êlan dơ̆ng, leh anăn klei kpă ênô amâo dưi mŭt ôh.

Y-Êsai 59:4

Amâo mâo sa čô kčŭt hŏng klei kpă ôh, amâo mâo sa čô phat kđi hŏng klei kpă ôh. Diñu knang kơ klei blŭ hơăi mang leh anăn blŭ luar. Diñu mĭn kơ klei jhat leh anăn ngă klei wê.

Y-Êsai 9:17

Kyuanăn Khua Yang amâo mơak ôh hŏng phung êkei hlăk ai diñu, kăn Ñu pap rei kơ phung anak êrĭt leh anăn phung mniê djiê ung diñu. Kyuadah grăp čô jing phung amâo thâo mpŭ kơ Aê Diê ôh, leh anăn phung ngă ƀai, leh anăn jih jang ƀăng êgei blŭ klei mluk. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Mathiơ 12:35

Mnuih jăk bi kbiă klei jăk mơ̆ng ai tiê jăk ñu, ƀiădah mnuih jhat bi kbiă klei jhat mơ̆ng ai tiê jhat ñu.

Y-Mathiơ 15:18

Ƀiădah ya mnơ̆ng kbiă mơ̆ng ƀăng êgei hriê mơ̆ng ai tiê; mnơ̆ng anăn yơh bi čhŏ mnuih.

Y-Mathiơ 23:33

Ơ phung ala, găp djuê ala pui, si diih mĭn dưi đuĕ mơ̆ng klei bi kmhal hlăm war pui?

Y-Mathiơ 3:7

Ƀiădah tơdah ñu ƀuh lu phung Pharisi leh anăn phung Sadusi hriê tŭ klei ƀaptem, ñu lač kơ digơ̆, “Ơ phung djuê ala kpơ̆ng, hlei hưn kơ diih dưi đuĕ mơ̆ng klei Aê Diê ngêñ srăng truh?

Y-Luk 3:7

Snăn Y-Yôhan lač kơ phung lu hriê čiăng tŭ klei ñu ngă ƀaptem, “Ơ phung êđai ala kpơ̆ng, hlei hưn kơ diih thâo đuĕ mơ̆ng klei Aê Diê ngêñ srăng truh?

Y-Luk 6:45

Mnuih jăk bi kbiă klei jăk mkăm pioh leh hlăm ai tiê ñu, leh anăn mnuih jhat bi kbiă klei jhat mkăm pioh leh hlăm ai tiê ñu; kyuadah bŏ dlai hlăm ai tiê yơh, ƀăng êgei blŭ.”

Y-Yôhan 8:44

Diih kbiă hriê mơ̆ng ama diih yang jhat, leh anăn diih čiăng ngă tui si klei ama diih čiăng. Ñu jing pô bi mdjiê mnuih mơ̆ng mphŭn, leh anăn ñu amâo mâo sa kdrêč hlăm klei sĭt nik ôh, kyuadah amâo mâo ôh klei sĭt nik hlăm ñu. Tơdah ñu luar, ñu blŭ tui si knuih ñu pô, kyuadah ñu jing pô luar leh anăn ama klei luar.

Êphêsô 4:29

Đăm brei klei blŭ jhat kbiă mơ̆ng ƀăng êgei diih ôh, ƀiădah knŏng blŭ klei jăk dưi đru brei arăng hriê kơ prŏng, tui si mông găl, čiăng dưi bi mbha klei pap kơ phung dôk hmư̆.

Êphêsô 5:4

Đăm blŭ klei čhŏ mrŏ, klei mluk, amâodah klei mnêč ôh, kyua klei anăn amâo năng blŭ ôh; ƀiădah brei diih blŭ klei bi mni kơ Aê Diê.

Y-Yakơ 3:2

Kyuadah jih jang drei têč hnêč hlăm lu mta klei. Tơdah sa čô amâo têč hnêč ôh hlăm klei ñu blŭ, ñu jing mnuih jăk klă, dưi kiă kriê jih asei mlei ñu.

I Y-Yôhan 3:10

Hŏng klei anei arăng dưi thâo kral hlei jing phung anak Aê Diê leh anăn hlei jing phung anak yang jhat: hlei pô amâo ngă klei kpă amâo kbiă hriê mơ̆ng Aê Diê ôh, kăn rei pô amâo khăp kơ ayŏng adei ñu.

I Y-Samuel 24:13

Msĕ si klei bi hriêng phung đưm lač, ‘Mơ̆ng phung soh jhat kbiă hriê klei măk ƀai.’ Snăn mơh kngan kâo amâo srăng ngă kơ ih ôh.