Y-Mathiơ 12:18 - Klei Aê Diê Blŭ 2015

¹⁸ “Nĕ anei dĭng buăl Kâo ruah leh, Pô Kâo khăp, hlăm Ñu Kâo mâo klei mơak snăk. Kâo srăng dưm Mngăt Myang Kâo ti Ñu, leh anăn Ñu srăng hưn klei Kâo phat kđi kơ phung tue.

Y-Mathiơ 12:18 Iomraidhean Croise

Klei Mmuñ Hđăp 89:19

Hlăk anăn, Ih blŭ kơ phung doh jăk Ih hlăm klei bi ƀuh, leh anăn lač: “Kâo brei leh sa čô jhŏng ktang kăp đru; kâo bi mđĭ leh sa čô êkei hlăk ai mơ̆ng phung ƀuôn sang.

Y-Êsai 11:2

Mngăt Myang Yêhôwa srăng dôk ti dlông Ñu, Mngăt Myang klei thâo mĭn leh anăn klei thâo săng, Mngăt Myang klei kčĕ leh anăn klei myang, Mngăt Myang klei thâo kral leh anăn klei huĭ mpŭ kơ Yêhôwa.

Y-Êsai 42:1

“Nĕ anei, dĭng buăl Kâo, pô Kâo krơ̆ng, pô Kâo ruah leh, hlăm ñu mngăt Kâo mâo klei mơak. Kâo dưm leh Mngăt Myang Kâo ti ñu, ñu srăng ba klei kpă kơ phung găp djuê mnuih.

Y-Êsai 52:13

Nĕ anei, dĭng buăl Kâo srăng đĭ kyar, arăng srăng mpŭ kơ Ñu leh anăn bi mđĭ Ñu, Ñu srăng dôk ti anôk dlông snăk.

Y-Êsai 53:11

Leh mngăt Gơ̆ tŭ klei knap mñai, Gơ̆ srăng ƀuh boh tŭ dưn mơ̆ng klei knap anăn leh anăn srăng mơak. Hŏng klei Gơ̆ thâo mĭn Dĭng Buăl Kpă ênô Kâo srăng brei arăng yap kpă ênô lu mnuih; leh anăn Gơ̆ srăng klam klei wê diñu.

Y-Êsai 62:2

Phung găp djuê mnuih srăng ƀuh klei kpă ênô ih, leh anăn jih jang phung mtao srăng ƀuh klei guh kơang ih; leh anăn arăng srăng pia ih hŏng anăn mrâo, Yêhôwa pô srăng brei.

Y-Yêrêmi 16:19

Ơ Yêhôwa, klei ktang kâo leh anăn kđông kjăp kâo, anôk kâo đuĕ dăp êjai hruê mâo klei rŭng răng, kơ Ih yơh phung găp djuê mnuih srăng hriê mơ̆ng knhal lăn ala leh anăn lač: “Phung aê hmei dưn knŏng klei luar, mnơ̆ng hơăi mang amâo mâo klei tŭ dưn ôh.

Y-Sakari 3:8

Snăn dôk hmư̆ bĕ, Ơ Y-Yôsuê khua ngă yang prŏng, ih leh anăn phung ƀĭng găp ih dôk gŭ ti anăp ih, kyuadah diih jing phung bi hmô kơ klei srăng truh: Kâo srăng atăt ba Kƀiêng, dĭng buăl Kâo.

Y-Mathiơ 12:17

Klei anăn čiăng bi sĭt klei khua pô hưn êlâo Y-Êsai blŭ leh snei:

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Markôs 1:11

Leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih Kâo mâo klei mơak snăk.”

Y-Markôs 9:7

Leh anăn mâo knam guôm diñu, leh anăn mâo asăp blŭ kbiă mơ̆ng knam, “Anei yơh jing Anak Kâo, pô Kâo khăp êdimi. Brei diih hmư̆ bĕ klei Ñu.”

Y-Luk 23:35

Phung ƀuôn sang dôk giăm kăp dlăng; ƀiădah phung khua kiă kriê mưč kơ Yêsu, lač, “Ñu bi mtlaih leh phung mkăn; brei ñu bi mtlaih ñu pô, tơdah ñu jing Yang Krist mơ̆ng Aê Diê, Pô Aê Diê Ruah leh.”

Y-Luk 3:22

leh anăn Yang Mngăt Jăk trŭn ti dlông Ñu msĕ si asei mlei sa drei mgăm, leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih kâo mâo klei mơak snăk.”

Y-Luk 4:18

“Mngăt Myang Khua Yang dôk ti Kâo, kyuadah Ñu trôč êa ƀâo mngưi ti Kâo leh, čiăng Kâo hưn klei mrâo mrang jăk kơ phung ƀun ƀin. Ñu tiŏ hriê Kâo brei hưn klei bi êngiê kơ phung mnă, brei kơ phung bum ală klei lŏ dưi ƀuh, bi êngiê phung arăng ktư̆ juă leh,

Y-Luk 9:35

Leh anăn mơ̆ng knam kbiă asăp lač, “Pô anei jing Anak Kâo, pô Kâo ruah leh. Brei diih dôk hmư̆ Ñu bĕ.”

Y-Yôhan 3:34

Pô Aê Diê tiŏ hriê leh hưn klei Aê Diê blŭ, kyuadah Aê Diê brei Yang Mngăt Jăk kơ Ñu amâo mâo klei mkă hnơ̆ng ôh.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Bruă Phung Khua Ƀĭng Kna 11:18

Tơdah phung ƀuah kơ Y-Pêtrôs hmư̆ leh klei anăn, diñu dôk ñăt, leh anăn mpŭ mni kơ Aê Diê, lač, “Snăn Aê Diê brei leh mơh kơ phung tue klei kmhal kơ klei soh čiăng mâo klei hdĭp.”

Bruă Phung Khua Ƀĭng Kna 14:27

Leh diñu truh, diñu bi kƀĭn Phung Sang Aê Diê leh anăn yăl dliê jih klei Aê Diê ngă mbĭt hŏng diñu, leh anăn si Aê Diê pŏk leh ƀăng bhă klei đăo kơ phung tue.

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Kôlôs 1:1

Kâo gơ̆ Y-Pôl, sa čô khua ƀĭng kna Krist Yêsu tui si klei Aê Diê čiăng, leh anăn Y-Timôthê adei drei,

Kôlôs 1:13

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

I Y-Pêtrôs 2:4

Hriê bĕ giăm Ñu, Pô jing Boh Tâo hdĭp, phung mnuih hngah leh ƀiădah jing Pô Aê Diê ruah leh anăn yap yuôm.

II Y-Pêtrôs 1:17

Kyuadah tơdah Ñu mă tŭ leh klei mpŭ leh anăn klei guh kơang mơ̆ng Aê Diê Ama hlăk anăn asăp mơ̆ng Pô Guh Kơang Hĭn lač, “Pô anei jing Anak Kâo khăp êdimi; hlăm Ñu Kâo mâo klei mơak snăk,”