Y-Mathiơ 12:15 - Klei Aê Diê Blŭ 2015

¹⁵ Yêsu thâo klei anăn, snăn Ñu đuĕ mơ̆ng anăn. Mâo lu mnuih tui hlue Ñu leh anăn Ñu bi hlao hĕ phung ruă duam jih jang,

Y-Mathiơ 12:15 Iomraidhean Croise

Y-Mathiơ 10:23

Tơdah diñu ngă jhat kơ diih hlăm sa boh ƀuôn, đuĕ bĕ kơ ƀuôn mkăn; kyuadah sĭt nik Kâo lač kơ diih, ka tar ôh diih hiu jih ƀuôn phung Israel, êlâo Anak Mnuih hriê hĕ.”

Y-Yôhan 11:54

Kyuanăn Yêsu amâo lŏ hiu hŏng klei êngiê ôh ti krah phung Yuđa, ƀiădah mơ̆ng anôk anăn Ñu nao kơ ƀuôn Êphraim giăm kdrăn tač; leh anăn Ñu dôk tinăn mbĭt hŏng phung ƀĭng kna Ñu.

Y-Yôhan 7:1

Êdei kơ klei anăn, Yêsu hiu tar čar Galilê. Ñu amâo hiu ôh hlăm čar Yuđa, kyuadah phung Yuđa duah bi mdjiê Ñu.

Y-Mathiơ 19:2

Phung lu tui hlue Ñu, leh anăn Ñu bi hlao phung ruă duam tinăn.

Y-Markôs 6:56

Djăp anôk Yêsu nao hlăm ƀuôn điêt, ƀuôn prŏng, amâodah ti êngao ƀuôn, arăng bi mđih phung ruă hlăm anôk sang mnia, leh anăn digơ̆ kwưh kơ Yêsu brei digơ̆ dưi ruêh knŏng ti knhal ao Ñu. Leh anăn jih jang hlei pô ruêh ao Ñu hlao sơăi.

I Y-Pêtrôs 2:21

Kyua kơ klei anăn Aê Diê iêô leh diih, kyuadah Krist msĕ mơh tŭ leh klei knap mñai kyua diih, čiăng brei kơ diih klei bi hmô, čiăng kơ diih tui hlue kru Ñu.

Galati 6:9

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

Y-Yôhan 9:4

Brei drei mă hĕ bruă kơ Pô tiŏ hriê Kâo êjai hruê; tơ truh mlam, hlăk anăn amâo mâo sa čô dưi mă bruă ôh.

Y-Luk 6:12

Hlăk anăn Yêsu kbiă nao đĭ čư̆ čiăng wah lač, leh anăn Ñu dôk wah lač kơ Aê Diê jih sa mlam.

Y-Luk 5:22

Ƀiădah Yêsu thâo leh klei digơ̆ mĭn, Ñu lač kơ digơ̆, “Si ngă diih êmuh hlăm ai tiê diih?

Y-Luk 9:11

Tơdah phung lu thâo klei anăn, digơ̆ tui hlue Ñu. Yêsu jum digơ̆ leh anăn blŭ kơ digơ̆ klei ƀuôn ala mtao Aê Diê, leh anăn bi hlao phung ruă duam.