Y-Mathiơ 11:6 - Klei Aê Diê Blŭ 2015

⁶ Jăk mơak yơh hlei pô amâo têč hnêč ôh kyua Kâo.”

Y-Mathiơ 11:6 Iomraidhean Croise

Klei Mmuñ Hđăp 119:1

Jăk mơak yơh phung amâo mâo klei arăng dưi ƀuah ôh, phung êbat tui hlue klei bhiăn Yêhôwa.

Y-Mathiơ 13:21

ƀiădah klei blŭ amâo mâo agha ôh hlăm ñu, ñu dôk gĭr knŏng bhiâo. Leh anăn tơdah mâo klei knap mñai amâodah klei ngă jhat truh kyua klei blŭ, ñu lui wir mtam.

Y-Mathiơ 18:7

Knap mñai yơh kơ lăn ala kyua mâo lu klei bi msoh. Kyuadah bhiăn mâo klei bi msoh, ƀiădah knap mñai yơh kơ hlei pô brei klei bi msoh truh.

Y-Mathiơ 24:10

Hlăk anăn lu mnuih srăng lui wir, bi lhiăr, leh anăn bi êmut hdơ̆ng găp.

Y-Mathiơ 26:31

Leh anăn Yêsu lač kơ diñu, “Mlam anei jih jang diih srăng êran đuĕ lui Kâo. Kyuadah Klei Aê Diê Blŭ čih leh snei, ‘Kâo srăng čăm mgăt biăp, leh anăn phung biăp srăng klah đuĕ mdê mdê.’

Y-Mathiơ 5:29

Tơdah ală hnuă ih bi msoh kơ ih, ƀlêč hĕ gơ̆ leh anăn hwiê ti tač; kyuadah jăk hĭn ih luč sa kdrêč mnơ̆ng hlăm asei mlei ih kơ arăng hwiê hĕ asei mlei ih hrông dôk hlăm war pui.

Y-Markôs 6:3

Amâo djŏ hĕ Ñu yơh jing pô krah kmeh, anak êkei H'Mari leh anăn ayŏng adei Y-Yakơ, Y-Yôsê, Y-Yut, leh anăn Y-Simôn, leh anăn amâo djŏ hĕ phung amai adei mniê Ñu dôk tinei mbĭt hŏng drei?” Leh anăn diñu amâo tŭ Ñu ôh.

Y-Luk 2:34

Y-Simêôn hơêč hmưi klei jăk jĭn kơ diñu leh anăn lač kơ H'Mari amĭ Ñu, “Nĕ anei, Aê Diê čuăn leh kơ anak anei kơ bruă bi rai leh anăn bi mtlaih lu mnuih hlăm phung Israel, leh anăn jing sa klei bi knăl arăng srăng blŭ bi kdơ̆ng,

Y-Luk 7:23

Jăk mơak yơh hlei pô amâo têč hnêč ôh kyua Kâo!”

Y-Yôhan 16:1

“Kâo lač leh kơ diih jih klei anei, čiăng kơ diih amâo têč hnêč ôh.

Y-Yôhan 6:66

Leh klei anăn lu phung ƀĭng kna Ñu wĭt kơ tluôn amâo lŏ hiu mbĭt hŏng Ñu ôh.

I Kôrantô 2:14

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

Galati 5:11

Ơ phung ayŏng adei, tơdah kâo ăt mtô klei khăt klĭt, si ngă arăng ăt ngă jhat kơ kâo lĕ? Tơdah snăn klei bi têč hnêč kyua kyâo bi kal arăng mă mđuĕ leh.

I Y-Pêtrôs 2:8

leh anăn “Sa klŏ boh tâo bi têč hnêč phung mnuih, leh anăn boh tâo prŏng bi lĕ buh diñu.” Diñu čah boh tâo anăn kyuadah diñu amâo gưt ôh kơ klei blŭ, tui si Aê Diê čuăn leh kơ diñu ngă.