Y-Mathiơ 11:3 - Klei Aê Diê Blŭ 2015

³ êmuh kơ Yêsu, “Ih jing Pô srăng hriê mơ̆, amâodah hmei srăng dôk guôn Pô mkăn?”

Y-Mathiơ 11:3 Iomraidhean Croise

Klei Mphŭn Dơ̆ng 12:3

Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

Klei Mmuñ Hđăp 118:26

Jăk mơak yơh kơ Pô hriê hlăm anăn Yêhôwa; mơ̆ng sang Yêhôwa hmei mpŭ mni kơ Ih.

Y-Êsai 7:14

Kyuanăn Khua Yang pô srăng brei sa klei bi knăl kơ diih: Nĕ anei, sa čô mniê êra hrông srăng ba tian leh anăn kkiêng kơ sa čô anak êkei. Ñu srăng bi anăn gơ̆ Êmanuel.

Y-Ôsê 3:5

Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.

Y-Apđia 1:21

Phung bi mtlaih srăng đĭ čư̆ Siôn čiăng kiă kriê čư̆ Êsâo. Leh anăn ƀuôn ala mtao srăng jing dŏ Yêhôwa.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Agê 2:7

Kâo srăng êyuh jih jang găp djuê mnuih, snăn ngăn drăp jih jang phung găp djuê mnuih srăng truh, leh anăn Kâo srăng bi bŏ sang anei hŏng klei guh kơang,’ Yêhôwa kơ phung kahan lač.

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Y-Malaki 3:1

“Nĕ anei, Kâo srăng tiŏ nao pô hưn kơ Kâo čiăng mkra êlan ti anăp Kâo. Leh anăn Khua Yang Pô diih duah srăng hriê bhiâo riâo rit kơ sang yang Ñu, Pô hưn kơ klei bi mguôp, hŏng Ñu diih mâo klei mơak. Nĕ anei, Ñu srăng hriê,” Yêhôwa kơ phung kahan lač.

Y-Malaki 4:2

Ƀiădah kơ diih phung huĭ mpŭ kơ anăn Kâo, yang hruê klei kpă ênô srăng ƀlĕ mâo klei bi hlao hlăm siap ñu. Diih srăng kbiă kdăt msĕ si êđai êmô mơ̆ng war.

Klei Yap 24:17

Kâo ƀuh ñu, ƀiădah amâo djŏ ară anei ôh; kâo dlăng kơ ñu, ƀiădah amâo djŏ giăm ôh. Sa asăr mtŭ srăng ƀlĕ mơ̆ng phung Yakôp, leh anăn sa ƀĕ giê mtao srăng kbiă mơ̆ng phung Israel. Ñu srăng bi mčah adhei čar Môap, leh anăn bi êbuh jih jang phung anak êkei Y-Set.

Y-Mathiơ 11:10

Kơ pô anăn mâo klei čih leh snei: ‘Nĕ anei, Kâo tiŏ nao pô hưn kơ Kâo ti anăp Ih, pô srăng mkra êlan êlâo Ih truh.’

Y-Mathiơ 11:4

Yêsu lŏ wĭt lač kơ diñu, “Nao hưn bĕ kơ Y-Yôhan ya klei diih hmư̆ leh anăn ƀuh:

Y-Mathiơ 21:5

“Hưn bĕ kơ anak mniê ƀuôn Siôn, Nĕ anei, mtao ih hriê kơ ih, hŏng klei luă gŭ đĭ aseh dliê, đĭ êđai aseh dliê, êđai sa drei ana.”

Y-Mathiơ 21:9

Phung lu êbat ti anăp leh anăn ti tluôn Yêsu ur kraih, “Hôsana kơ Anak Y-Đawit! Aê Diê mpŭ mni kơ Pô hriê hlăm anăn Khua Yang! Hôsana kơ Pô Ti Dlông Hĭn!”

Y-Markôs 11:9

Phung nao ti anăp leh anăn phung tui ti tluôn ur kraih, “Hôsana! Aê Diê hơêč hmưi kơ Pô hriê hlăm anăn Khua Yang!

Y-Luk 19:38

Diñu lač, “Aê Diê hơêč hmưi kơ Mtao hriê hlăm anăn Khua Yang! Brei mâo klei êđăp ênang hlăm adiê leh anăn klei guh kơang kơ Pô Ti Dlông Hĭn!”

Y-Yôhan 11:27

H'Mart lač kơ Ñu, “Sĭt, Ơ Khua Yang; kâo đăo kơ Ih jing Yang Krist, Anak Aê Diê, Pô hriê hlăm lăn ala.”

Y-Yôhan 12:13

Snăn diñu mă adhan ana guôl leh anăn nao drông Yêsu, êjai ur lač, “Hôsana!, mpŭ mni kơ Pô hriê hlăm anăn Khua Yang, jing Mtao phung Israel!”

Y-Yôhan 16:14

Ñu srăng bi guh kơang Kâo, kyuadah Ñu srăng mă klei mơ̆ng Kâo leh anăn hưn klei anăn kơ diih.

Y-Yôhan 4:21

Yêsu lač kơ gơ̆, “Ơ mniê, đăo bĕ kơ Kâo, mông giăm truh leh diih amâo srăng kkuh mpŭ ôh kơ Ama ti dlông čư̆ anei, kăn djŏ ti ƀuôn Yêrusalem rei.

Y-Yôhan 6:14

Tơdah phung ƀuôn sang ƀuh klei bi knăl yuôm bhăn Yêsu ngă leh, digơ̆ lač, “Sĭt nik anei jing khua pô hưn êlâo Pô brei hriê kơ lăn ala!”

Y-Yôhan 7:31

Ƀiădah mâo lu mnuih đăo kơ Gơ̆ leh anăn digơ̆ lač, “Tơdah Yang Krist srăng truh, Ñu srăng ngă klei bi knăl yuôm bhăn lu hĭn kơ mnuih anei ngă leh mơ̆?”

Hêbrơ 10:37

“Kyuadah ăt dôk knŏng bhiâo, Pô hriê srăng truh leh anăn amâo lŏ dôk hnui ôh;