Y-Mathiơ 11:26 - Klei Aê Diê Blŭ 2015

²⁶ Sĭt nik, Ơ Ama, kyuadah klei msĕ snăn Ih čiăng.

Y-Mathiơ 11:26 Iomraidhean Croise

Y-Yôp 33:13

Si ngă ih bi tăng hŏng Ñu, leh anăn lač, ‘Ñu amâo srăng lŏ wĭt lač ôh sa mta kơ klei kâo blŭ’?

Y-Êsai 46:10

Kâo hưn klei srăng truh mơ̆ng mphŭn truh kơ knhal tuč, leh anăn hưn mơ̆ng ênuk đưm klei ka truh ôh, lač, ‘Klei Kâo kčĕ srăng ăt dôk, leh anăn Kâo srăng bi leh jih klei Kâo čuăn.’

Y-Luk 10:21

Hlăk anăn Yêsu mâo klei hơ̆k mơ̆ng Yang Mngăt Jăk leh anăn lač, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp leh klei anei kơ phung thâo mĭn leh anăn thâo săng, ƀiădah Ih bi êdah leh klei anei kơ phung hđeh điêt. Sĭt nik, Ơ Ama, kyuadah klei anăn bi mơak kơ Ih.

Y-Luk 22:42

“Ơ Ama, tơdah Ih čiăng, mă mđuĕ hĕ atŏ klei knap mñai anei mơ̆ng Kâo; ƀiădah tui si Ih čiăng, amâo djŏ tui si Kâo čiăng ôh.”

Y-Luk 23:34

Yêsu lač, “Ơ Ama, pap brei kơ diñu; kyuadah diñu amâo thâo ôh ya klei diñu ngă.” Leh anăn diñu bi mbha čhiăm ao Yêsu hŏng klei bi mđăo.

Y-Yôhan 11:41

Snăn diñu bi klŭng hĕ boh tâo anăn. Yêsu angưi ală leh anăn lač, “Ơ Ama, Kâo bi mni kơ Ih kyuadah Ih hmư̆ leh Kâo.

Y-Yôhan 12:27

“Ară anei mngăt Kâo rŭng răng. Leh anăn ya Kâo srăng lač, ‘Ơ Ama, bi mtlaih Kâo mơ̆ng mông anei mơ̆’? Hơăi, kyua klei anei yơh Kâo truh kơ mông anei.

Y-Yôhan 12:28

Ơ Ama, brei klei guh kơang kơ anăn Ih.” Leh anăn mâo asăp blŭ mơ̆ng adiê, “Kâo brei leh klei guh kơang kơ anăn Kâo, leh anăn Kâo srăng lŏ bi guh kơang anăn Kâo mơh.”

Hră Y-Pôl Mơĭt kơ Phung Rôm 9:18

Snăn Ñu pap kơ hlei pô Ñu čiăng, leh anăn Ñu bi khăng ai tiê kơ hlei pô Ñu čiăng.

Êphêsô 1:11

Hlăm Krist, drei jing pô dưn ngăn tui si klei čuăn mơ̆ng Pô ngă jih jang mnơ̆ng tui si hdră Ñu čiăng,

Êphêsô 1:9

Aê Diê brei drei thâo leh klei yuôm hgăm hlăm klei Ñu čiăng, tui si klei Ñu mơak čuăn leh êlâo hlăm Krist,

Êphêsô 3:11

Hdră anăn tui si klei Ñu čuăn mơ̆ng ênuk hlŏng lar, Ñu bi sĭt leh hlăm Krist Yêsu Yang drei.

II Y-Timôthê 1:9

Aê Diê bi mtlaih leh anăn iêô leh drei hŏng klei iêô doh jăk, amâo djŏ kyua bruă drei ngă ôh, ƀiădah tui si klei Ñu čuăn leh anăn klei pap Ñu brei leh kơ drei hlăm Krist Yêsu êlâo kơ jih jang ênuk.