Y-Mathiơ 11:25 - Klei Aê Diê Blŭ 2015

²⁵ Hlăk anăn Yêsu blŭ snei, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp klei anei kơ phung thâo mĭn leh anăn thâo săng, ƀiădah bi êdah leh kơ phung hđeh điêt;

Y-Mathiơ 11:25 Iomraidhean Croise

Klei Mphŭn Dơ̆ng 14:19

Ñu hơêč hmưi kơ Y-Abram leh anăn lač, “Akâo kơ Aê Diê, Pô Ti Dlông Hĭn, Pô hrih adiê leh anăn lăn ala hơêč hmưi kơ Y-Abram.

Klei Mphŭn Dơ̆ng 14:22

Ƀiădah Y-Abram lač kơ mtao ƀuôn Sôdôm, “Kâo yơr kngan kat asei leh kơ Khua Yang Aê Diê, Pô Ti Dlông Hĭn, Pô hrih adiê leh anăn lăn ala,

II Bruă Mtao 19:15

Y-Hêsêkia wah lač ti anăp Yêhôwa leh anăn lač, “Ơ Yêhôwa, Aê Diê Israel, Pô dôk ti jhưng mtao ti dlông phung čêrubim, knŏng hjăn Ih jing Aê Diê kơ jih jang ƀuôn ala mtao ti lăn ala. Ih hrih leh adiê leh anăn lăn ala.

I Klei Yăl Dliê 29:13

Ară anei hmei bi mni kơ ih, Ơ Aê Diê hmei, leh anăn mpŭ mni kơ anăn guh kơang ih.

Y-Yôp 37:24

Kyua anăn mnuih huĭ mpŭ kơ Ñu; Ñu amâo uêñ ôh hlei pô jing knhâo tui si gơ̆ pô mĭn.”

Klei Mmuñ Hđăp 8:2

Ih brei phung hđeh điêt wăt phung arăng dôk bi mam bi mni kơ Ih, kyua phung roh Ih, čiăng brei pô roh leh anăn pô rŭ ênua dôk ñăt.

Y-Êsai 5:21

Knap mñai yơh kơ phung yap mă diñu pô jing phung thâo mĭn, leh anăn yap mă diñu pô thâo săng.

Y-Êsai 66:1

Snei Yêhôwa lač: “Adiê jing jhưng mtao Kâo, leh anăn lăn ala jing mdhô̆ Kâo trông jơ̆ng, snăn ti sang diih čiăng mdơ̆ng kơ Kâo? Leh anăn ti anôk Kâo srăng mdei?

Y-Đaniel 2:23

Ơ Aê Diê phung aê kâo, kâo lač jăk leh anăn bi mni kơ Ih, kyuadah Ih brei leh kơ kâo klei thâo mĭn leh anăn klei myang, leh anăn ară anei Ih bi êdah leh kơ kâo klei hmei akâo kơ Ih, kyuadah Ih bi êdah leh kơ hmei klei mtao tui duah.”

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Mathiơ 16:17

Yêsu lŏ wĭt lač kơ gơ̆, “Jăk mơak yơh kơ ih, Ơ Y-Simôn anak Y-Yôna! Kyuadah amâo djŏ kđeh mnuih ôh bi êdah leh klei anăn kơ ih, ƀiădah Ama Kâo hlăm adiê.

Y-Mathiơ 21:16

Diñu lač kơ Yêsu, “Ih hmư̆ mơ̆ klei phung hđeh anei lač?” Yêsu lač kơ diñu, “Ơ, diih amâo tuôm dlăng hĕ Klei Aê Diê Blŭ čih leh snei: ‘Ih brei phung hđeh leh anăn phung hđeh adôk mam bi mni kơ Ih’?”

Y-Luk 22:42

“Ơ Ama, tơdah Ih čiăng, mă mđuĕ hĕ atŏ klei knap mñai anei mơ̆ng Kâo; ƀiădah tui si Ih čiăng, amâo djŏ tui si Kâo čiăng ôh.”

Y-Luk 23:34

Yêsu lač, “Ơ Ama, pap brei kơ diñu; kyuadah diñu amâo thâo ôh ya klei diñu ngă.” Leh anăn diñu bi mbha čhiăm ao Yêsu hŏng klei bi mđăo.

Y-Yôhan 11:41

Snăn diñu bi klŭng hĕ boh tâo anăn. Yêsu angưi ală leh anăn lač, “Ơ Ama, Kâo bi mni kơ Ih kyuadah Ih hmư̆ leh Kâo.

Y-Yôhan 12:27

“Ară anei mngăt Kâo rŭng răng. Leh anăn ya Kâo srăng lač, ‘Ơ Ama, bi mtlaih Kâo mơ̆ng mông anei mơ̆’? Hơăi, kyua klei anei yơh Kâo truh kơ mông anei.

Y-Yôhan 12:28

Ơ Ama, brei klei guh kơang kơ anăn Ih.” Leh anăn mâo asăp blŭ mơ̆ng adiê, “Kâo brei leh klei guh kơang kơ anăn Kâo, leh anăn Kâo srăng lŏ bi guh kơang anăn Kâo mơh.”

Bruă Phung Khua Ƀĭng Kna 17:24

Aê Diê, Pô hrih lăn ala leh anăn jih jang mnơ̆ng hlăm Ñu, jing Khua Yang kơ adiê leh anăn kơ lăn ala, amâo dôk ôh hlăm sang yang kngan mnuih ngă,

I Kôrantô 2:10

Ƀiădah Aê Diê bi êdah leh kơ drei klei anăn hŏng Yang Mngăt Jăk. Kyuadah Yang Mngăt Jăk ksiêm jih jang klei, wăt klei êlam Aê Diê.

II Kôrantô 3:14

Ƀiădah klei mĭn diñu jing khăng leh; kyuadah hlŏng truh kơ hruê anei, tơdah diñu dlăng klei bi mguôp hđăp, čhiăm anăn ăt dôk amâo pŏk ôh. Kyuadah knŏng hlăm Krist yơh arăng mă hĕ čhiăm anăn.

I Y-Samuel 2:18

Êjai anăn Y-Samuel ngă bruă ti anăp Yêhôwa, sa čô hđeh điêt hơô ao êphôt ngă hŏng kbuă.