Y-Mathiơ 11:24 - Klei Aê Diê Blŭ 2015

²⁴ Ƀiădah Kâo hưn kơ diih, ƀuôn Sôdôm srăng mâo klei bi kmhal êdu hĭn kơ ih hlăm hruê phat kđi êdei.”

Y-Mathiơ 11:24 Iomraidhean Croise

Y-Yêrêmi 23:14

Ƀiădah Kâo ƀuh sa klei jhat snăk hlăm phung khua pô hưn êlâo ƀuôn Yêrusalem: diñu tlĕ piu leh anăn êbat hlăm klei luar, diñu bi ktang kngan phung ngă ƀai, snăn mơh amâo mâo pô wir đuĕ mơ̆ng klei ƀai diñu ôh; Kâo yap jih jang diñu jing leh msĕ si ƀuôn Sôdôm, leh anăn phung ƀuôn sang diñu msĕ si ƀuôn Gômôrơ.”

Klei Čŏk Hia 4:6

Klei bi kmhal anak mniê phung ƀuôn sang kâo jing kjham hĭn kơ klei bi kmhal ƀuôn Sôdôm, ƀuôn anăn arăng mdlưh bhiâo riâo rit, amâo mâo kngan mnuih đru ñu ôh.

Y-Êsêkiêl 16:48

‘Tui si Kâo dôk hdĭp,’ Yêhôwa Aê Diê lač, ‘adei mniê ih ƀuôn Sôdôm leh anăn phung anak mniê gơ̆ amâo tuôm ngă ôh msĕ si ih leh anăn phung anak mniê ih ngă.

Y-Mathiơ 10:15

Sĭt nik Kâo lač kơ diih, ti hruê phat kđi êdei ƀuôn Sôdôm leh anăn ƀuôn Gômôrơ srăng mâo klei bi kmhal êdu hĭn kơ ƀuôn anăn.”

Y-Mathiơ 11:22

Ƀiădah Kâo hưn kơ diih, ƀuôn Tir leh anăn ƀuôn Sidôn srăng mâo klei bi kmhal êdu hĭn kơ diih hlăm hruê phat kđi êdei.

Y-Mathiơ 23:14

Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih plah mă sang phung mniê djiê ung êjai diih mgưt wah lač sui. Kyuanăn diih srăng tŭ klei bi kmhal kjham hĭn.]

Y-Markôs 6:11

Leh anăn tơdah mâo anôk arăng amâo jum kăn hmư̆ diih rei, tơdah diih kbiă mơ̆ng anôk anăn, ktuh hĕ ƀruih lăn mơ̆ng jơ̆ng diih čiăng jing klei hưn bi kdơ̆ng hŏng diñu.”

Y-Luk 10:12

Kâo hưn kơ diih, hlăm hruê phat kđi ƀuôn Sôdôm srăng mâo klei phat kđi êdu hĭn kơ ƀuôn anăn.”