Y-Mathiơ 11:22 - Klei Aê Diê Blŭ 2015

²² Ƀiădah Kâo hưn kơ diih, ƀuôn Tir leh anăn ƀuôn Sidôn srăng mâo klei bi kmhal êdu hĭn kơ diih hlăm hruê phat kđi êdei.

Y-Mathiơ 11:22 Iomraidhean Croise

Y-Yêrêmi 25:22

jih jang mtao čar Tir, jih jang mtao čar Sidôn, leh anăn phung mtao čar hang nah dih êa ksĭ;

Y-Yêrêmi 27:3

Mơĭt hră kơ mtao čar Êđôm, mtao čar Môap, mtao phung anak êkei Y-Amôn, mtao čar Tir, leh anăn mtao čar Sidôn hŏng phung dĭng ktang hriê leh kơ ƀuôn Yêrusalem nao leh kơ Y-Sêđêkia mtao Yuđa.

Y-Êsêkiêl 29:18

“Ơ anak mnuih, Y-Nebukatnetsar mtao Ƀaƀilôn brei phung kahan ñu mă bruă suăi čiăng bi kdơ̆ng hŏng ƀuôn Tir; jih jang boh kŏ jing kla leh, leh anăn jih jang mra lhuih leh; ƀiădah kăn djŏ ñu amâodah phung kahan ñu rei mâo mnơ̆ng mơ̆ng ƀuôn Tir čiăng mưn bruă phung anăn ngă leh.

Y-Yôel 3:4

Ya klei diih mâo hŏng Kâo, Ơ ƀuôn Tir leh anăn ƀuôn Sidôn, leh anăn jih jang krĭng čar Philistin? Diih čiăng rŭ ênua kơ Kâo mơ̆? Tơdah diih rŭ ênua kơ Kâo, Kâo srăng bi wĭt klei diih ngă ti dlông boh kŏ diih pô djăl mtam.

Y-Mathiơ 10:15

Sĭt nik Kâo lač kơ diih, ti hruê phat kđi êdei ƀuôn Sôdôm leh anăn ƀuôn Gômôrơ srăng mâo klei bi kmhal êdu hĭn kơ ƀuôn anăn.”

Y-Mathiơ 11:21

“Knap mñai yơh kơ ih, Ơ ƀuôn Kôrasin! Knap mñai yơh kơ ih, Ơ ƀuôn Betsaida! Kyuadah tơdah arăng ngă leh ti ƀuôn Tir leh anăn ti ƀuôn Sidôn bruă myang arăng ngă leh ti krah diih, sĭt nik sui leh yơh diñu kmhal kơ klei soh, hơô klŭng, leh anăn ƀui hbâo.

Y-Mathiơ 11:24

Ƀiădah Kâo hưn kơ diih, ƀuôn Sôdôm srăng mâo klei bi kmhal êdu hĭn kơ ih hlăm hruê phat kđi êdei.”

Y-Mathiơ 12:36

Kâo hưn kơ diih, ti hruê phat kđi phung mnuih srăng bi êdah jih klei diñu blŭ amâo răng ôh.

Y-Luk 10:14

Ƀiădah ti hruê phat kđi, ƀuôn Tir leh anăn ƀuôn Sidôn srăng mâo klei bi kmhal êdu hĭn kơ diih.

Hêbrơ 2:3

si drei srăng dưi tlaih tơdah drei amâo uêñ ôh kơ klei bi mtlaih prŏng snăn? Tal êlâo Khua Yang hưn klei bi mtlaih anăn, leh anăn phung hmư̆ leh Ñu hưn bi sĭt kơ hmei,

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

II Y-Pêtrôs 3:7

Ƀiădah hŏng klei blŭ anăn mơh phung adiê leh anăn lăn ala ară anei Aê Diê pioh kơ pui bi rai ti hruê phat kđi leh anăn klei bi rai phung amâo mpŭ kơ Aê Diê ôh.

I Y-Yôhan 4:17

Hŏng klei anăn klei khăp truh kơ klei jăk klă hlăm drei, čiăng kơ drei dưi mâo klei knang ti hruê phat kđi. Kyuadah msĕ si Ñu jing, drei jing msĕ snăn mơh hlăm lăn ala anei.

Klei Bi Êdah 20:11

Leh anăn kâo ƀuh sa boh jhưng mtao kô̆ prŏng leh anăn Pô dôk gŭ tinăn. Lăn ala leh anăn adiê đuĕ mơ̆ng anăp ƀô̆ mta Ñu, leh anăn amâo lŏ mâo anôk kơ digơ̆ ôh.

Klei Bi Êdah 20:12

Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.