Y-Mathiơ 11:21 - Klei Aê Diê Blŭ 2015

²¹ “Knap mñai yơh kơ ih, Ơ ƀuôn Kôrasin! Knap mñai yơh kơ ih, Ơ ƀuôn Betsaida! Kyuadah tơdah arăng ngă leh ti ƀuôn Tir leh anăn ti ƀuôn Sidôn bruă myang arăng ngă leh ti krah diih, sĭt nik sui leh yơh diñu kmhal kơ klei soh, hơô klŭng, leh anăn ƀui hbâo.

Y-Mathiơ 11:21 Iomraidhean Croise

Y-Yôp 42:6

snăn yơh kâo bi êmut kơ kâo pô, leh anăn kmhal kơ klei soh êjai dôk gŭ hlăm bruih lăn leh anăn hbâo.”

Y-Yêrêmi 13:27

Kâo ƀuh leh klei jhat ih ngă, klei ih tlĕ piu leh anăn tluh ƀô, klei knhông jhat ih ti kbuôn leh anăn hlăm hma. Knap mñai yơh kơ ih, Ơ ƀuôn Yêrusalem! Dŭm boh sui ih srăng dôk čhŏ mrŏ?”

Y-Yôel 3:4

Ya klei diih mâo hŏng Kâo, Ơ ƀuôn Tir leh anăn ƀuôn Sidôn, leh anăn jih jang krĭng čar Philistin? Diih čiăng rŭ ênua kơ Kâo mơ̆? Tơdah diih rŭ ênua kơ Kâo, Kâo srăng bi wĭt klei diih ngă ti dlông boh kŏ diih pô djăl mtam.

Y-Amôs 1:9

Snei Yêhôwa lač: “Kyua tlâo mta klei Tir gao klei bhiăn, wăt pă mta mơh, Kâo amâo srăng bi mlih ôh klei Kâo bi kmhal ñu; kyuadah diñu jao leh kơ Êđôm jih sa phung ƀuôn sang, leh anăn amâo hdơr ôh kơ klei bi mguôp hdơ̆ng ayŏng adei.

Y-Mathiơ 11:22

Ƀiădah Kâo hưn kơ diih, ƀuôn Tir leh anăn ƀuôn Sidôn srăng mâo klei bi kmhal êdu hĭn kơ diih hlăm hruê phat kđi êdei.

Y-Mathiơ 15:21

Yêsu đuĕ mơ̆ng anăn nao kơ krĭng ƀuôn Tir leh anăn ƀuôn Sidôn.

Y-Mathiơ 18:7

Knap mñai yơh kơ lăn ala kyua mâo lu klei bi msoh. Kyuadah bhiăn mâo klei bi msoh, ƀiădah knap mñai yơh kơ hlei pô brei klei bi msoh truh.

Y-Mathiơ 26:24

Anak Mnuih srăng djiê tui si Klei Aê Diê Blŭ čih leh djŏ kơ Ñu, ƀiădah knap mñai yơh kơ pô lhiăr kơ Anak Mnuih! Jăk hĭn arăng amâo tuôm kkiêng kơ gơ̆ ôh.”

Y-Markôs 3:8

mơ̆ng ƀuôn Yêrusalem, mơ̆ng čar Idumêa, mơ̆ng hang nah dih êa krông Yurdan, leh anăn mơ̆ng jŭm dar ƀuôn Tir leh anăn ƀuôn Sidôn. Digơ̆ hmư̆ hing leh jih klei Ñu ngă, snăn digơ̆ hriê kơ Ñu.

Y-Markôs 6:45

Leh anăn mtam Yêsu brei phung ƀĭng kna Ñu đĭ čhŏng găn nao kơ hang nah dih ti ƀuôn Betsaida êlâo kơ Ñu, êjai Ñu brei phung lu đuĕ wĭt.

Y-Markôs 7:24

Ñu kbiă mơ̆ng anăn đuĕ nao kơ krĭng ƀuôn Tir. Ñu mŭt hlăm sa boh sang, amâo čiăng arăng thâo ôh, ƀiădah Ñu amâo dưi dôk hgăm ôh.

Y-Markôs 7:31

Sui ƀiă tinăn Yêsu wĭt mơ̆ng krĭng ƀuôn Tir, găn ƀuôn Sidôn truh kơ êa ksĭ Galilê, găn krĭng Đêkapôlis.

Y-Markôs 8:22

Leh anăn diñu truh kơ ƀuôn Betsaida. Arăng atăt ba kơ Yêsu sa čô êkei bum ală, leh anăn kwưh kơ Yêsu ruêh gơ̆.

Y-Luk 4:26

Ƀiădah Aê Diê amâo tiŏ nao Y-Êli kơ diñu ôh, knŏng kơ sa čô mniê djiê ung ti ƀuôn Sarepta hlăm čar Sidôn.

Y-Luk 6:17

Ñu trŭn mbĭt hŏng digơ̆ leh anăn dôk dơ̆ng ti sa anôk lăn dap, mbĭt hŏng lu phung ƀĭng kna Ñu leh anăn lu phung ƀuôn sang mơ̆ng tar čar Yuđa, mơ̆ng ƀuôn Yêrusalem, leh anăn mơ̆ng čar hang êa ksĭ ƀuôn Tir leh anăn ƀuôn Sidôn.

Y-Luk 9:10

Tơdah phung khua ƀĭng kna lŏ wĭt, diñu yăl dliê kơ Yêsu jih klei diñu ngă leh. Yêsu atăt diñu leh anăn đuĕ nao kơ sa boh ƀuôn bi anăn ƀuôn Betsaida.

Y-Yôhan 1:44

Y-Philip jing sa čô mnuih ƀuôn Betsaida, ƀuôn Y-Andrê leh anăn Y-Pêtrôs.

Y-Yôhan 12:21

Diñu nao kơ Y-Philip, ƀuôn Betsaida hlăm čar Galilê, leh anăn lač kơ gơ̆, “Ơ khua, hmei čiăng dlăng Yêsu.”

Bruă Phung Khua Ƀĭng Kna 12:20

Mtao Hêrôt ăl kơ phung Tir leh anăn kơ phung Sidôn. Phung anăn, leh ngă mah jiăng hŏng Y-Blastus khua kiă sang mtao Hêrôt, nao mbĭt mđrăm kơ mtao akâo klei êđăp ênang, kyuadah čar diñu knang kơ čar mtao čiăng mâo mnơ̆ng ƀơ̆ng huă.

Bruă Phung Khua Ƀĭng Kna 27:3

Tơl si mgi hmei truh ti ƀuôn Sidôn. Leh anăn Y-Julius ngă jăk kơ Y-Pôl, brei ñu dưi nao čhưn hŏng phung mah jiăng ñu leh anăn dưi mă mnơ̆ng digơ̆ đru.

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.

Klei Bi Êdah 11:3

Kâo srăng mơĭt dua čô phung hưn bi sĭt kơ Kâo, hơô ao klŭng, diñu srăng hưn êlâo êjai sa êbâo dua êtuh năm pluh hruê.”

Klei Bi Êdah 6:12

Tơdah Ñu ruh mnơ̆ng kđăm tal năm, kâo dlăng leh anăn nĕ anei, mâo klei yơ̆ng lăn ala ktang; yang hruê jing jŭ tŭt msĕ si kdô mlâo leh anăn mlan pŭr jing msĕ si êrah.