Y-Mathiơ 11:20 - Klei Aê Diê Blŭ 2015

²⁰ Leh anăn Yêsu dơ̆ng ƀuah phung ƀuôn sang hlăm đa đa ƀuôn Ñu ngă leh lu hĭn bruă myang Ñu, kyuadah digơ̆ amâo kmhal kơ klei soh ôh.

Y-Mathiơ 11:20 Iomraidhean Croise

Y-Yêrêmi 8:6

Kâo mđing knga leh anăn dôk hmư̆ leh, ƀiădah diñu amâo tuôm blŭ kpă ôh; amâo mâo sa čô kmhal kơ klei ƀai ôh, lač, “Ya klei kâo tuôm ngă leh?” Grăp čô êbat tui êlan ñu pô, msĕ si sa drei aseh ksŭng phă anăp kơ klei bi blah.

Y-Mathiơ 12:41

Ti hruê phat kđi phung mnuih ƀuôn sang Niniwơ srăng kgŭ mbĭt hŏng phung găp djuê anei leh anăn phat kđi diih; kyuadah phung mnuih ƀuôn Niniwơ kmhal kơ klei soh tơdah leh hmư̆ klei Y-Yôna mtô; leh anăn nĕ anei, mâo sa čô tinei jing prŏng hĭn kơ Y-Yôna.

Y-Markôs 16:14

Êdei tinăn, Yêsu lŏ bi êdah Ñu pô kơ phung pluh sa čô êjai diñu dôk huă ƀơ̆ng. Yêsu ƀuah diñu kyua klei amâo đăo leh anăn ai tiê khăng diñu; kyuadah diñu amâo đăo ôh kơ phung ƀuh Ñu leh Ñu kbiă lŏ hdĭp.

Y-Markôs 9:19

Yêsu lŏ wĭt lač kơ diñu, “Ơ găp djuê amâo thâo đăo ôh, dŭm boh sui Kâo srăng dôk mbĭt hŏng diih? Dŭm boh sui Kâo srăng gĭr hŏng diih lĕ? Atăt ba gơ̆ kơ Kâo.”

Bruă Phung Khua Ƀĭng Kna 17:20

Kyuadah ih brei hmei hmư̆ klei bi kngăr; snăn hmei čiăng thâo si mblang klei anăn.”

II Kôrantô 12:21

Kâo huĭ tơdah kâo lŏ truh Aê Diê kâo srăng bi luă gŭ kâo ti anăp diih, leh anăn kâo srăng hia kyua lu phung ngă soh leh mơ̆ng êlâo leh anăn amâo tuôm kmhal ôh kơ klei čhŏ mrŏ, klei knhông leh anăn klei ƀai diñu ngă.

Y-Yakơ 1:5

Tơdah sa čô hlăm phung diih kƀah klei thâo mĭn, brei ñu akâo kơ Aê Diê, Pô brei kơ jih jang mnuih hŏng klei kmah leh anăn amâo ƀuah ôh, leh anăn Aê Diê srăng brei klei knhâo kơ ñu.

Klei Bi Êdah 16:11

leh anăn tăm pah kơ Aê Diê hlăm adiê kyua klei ruă leh anăn tiêng diñu, ƀiădah amâo kmhal ôh kơ bruă diñu ngă.

Klei Bi Êdah 16:9

Mđiă ktang hơr phung mnuih, leh anăn diñu tăm pah kơ anăn Aê Diê Pô mâo klei dưi kơ klei bi knap anăn. Ƀiădah diñu amâo kmhal ôh kơ klei soh diñu, čiăng brei klei guh kơang kơ Aê Diê.

Klei Bi Êdah 2:21

Kâo brei leh mông kơ ñu dưi kmhal kơ klei soh, ƀiădah ñu hngah amâo čiăng kmhal kơ klei knhông ñu ôh.