Y-Mathiơ 11:10 - Klei Aê Diê Blŭ 2015

¹⁰ Kơ pô anăn mâo klei čih leh snei: ‘Nĕ anei, Kâo tiŏ nao pô hưn kơ Kâo ti anăp Ih, pô srăng mkra êlan êlâo Ih truh.’

Y-Mathiơ 11:10 Iomraidhean Croise

Y-Êsai 40:3

Mâo asăp ur lač: Hlăm anôk dliê êhŏng, “Mkra bĕ êlan kơ Yêhôwa, ngă bi kpă sa bĭt êlan prŏng kơ Aê Diê drei hlăm kdrăn tač.

Y-Malaki 3:1

“Nĕ anei, Kâo srăng tiŏ nao pô hưn kơ Kâo čiăng mkra êlan ti anăp Kâo. Leh anăn Khua Yang Pô diih duah srăng hriê bhiâo riâo rit kơ sang yang Ñu, Pô hưn kơ klei bi mguôp, hŏng Ñu diih mâo klei mơak. Nĕ anei, Ñu srăng hriê,” Yêhôwa kơ phung kahan lač.

Y-Malaki 4:5

Nĕ anei, Kâo srăng tiŏ nao kơ diih khua pô hưn êlâo Y-Êli êlâo kơ truh hruê Yêhôwa prŏng leh anăn bi huĭ.

Y-Mathiơ 11:11

Sĭt nik Kâo lač kơ diih, đơ phung mnuih mniê kkiêng leh, amâo mâo pô prŏng hĭn kơ Y-Yôhan Pô Ngă Ƀaptem ôh; ƀiădah pô điêt hĭn hlăm ƀuôn ala mtao adiê jing prŏng hĭn kơ ñu.

Y-Mathiơ 11:3

êmuh kơ Yêsu, “Ih jing Pô srăng hriê mơ̆, amâodah hmei srăng dôk guôn Pô mkăn?”

Y-Mathiơ 3:3

Kyuadah Y-Yôhan yơh jing pô khua pô hưn êlâo Y-Êsai blŭ leh snei: “Mâo asăp mnuih hưn kraih hlăm kdrăn tač: Mkra bĕ êlan Khua Yang, ngă bĕ bi kpă êlan Ñu.”

Y-Markôs 1:2

Tui si klei khua pô hưn êlâo Y-Êsai čih leh: “Nĕ anei, Kâo tiŏ nao pô hưn klei Kâo êlâo kơ Ih, pô srăng mkra êlan kơ Ih.

Y-Luk 1:76

Bi ih, Ơ anak điêt, arăng srăng pia ih khua pô hưn êlâo kơ Pô Ti Dlông Hĭn, kyuadah ih srăng êbat ti anăp Khua Yang čiăng mkra êlan Ñu,

Y-Yôhan 1:23

Ñu lač, “Kâo jing asăp sa čô mnuih hưn kraih hlăm kdrăn tač, ‘Mkra bi dap êlan Khua Yang,’ tui si khua pô hưn êlâo Y-Êsai lač leh.”