Y-Mathiơ 10:42 - Klei Aê Diê Blŭ 2015

⁴² Hlei pô brei kơ sa čô hlăm phung hđeh điêt anei mnăm sa kčok êa ngač kyuadah gơ̆ jing sa čô ƀĭng kna, sĭt nik Kâo lač kơ diih, pô brei anăn amâo srăng luč ôh klei mưn ñu.”

Y-Mathiơ 10:42 Iomraidhean Croise

I Bruă Mtao 17:11

Êjai gơ̆ nao mă ba êa, ñu iêô gơ̆ leh anăn lač, “Djă ba kơ kâo sa klŏ kpŭng.”

II Bruă Mtao 4:10

Brei drei ngă sa boh adŭ điêt ti dlông mâo mtih, leh anăn dưm tinăn sa boh jhưng pĭt pioh kơ ñu, sa boh jhưng huă, sa mdhô̆ knang, leh anăn sa boh pui kđen. Snăn grăp blư̆ ñu truh kơ drei, ñu dưi mŭt dôk tinăn.”

Klei Bi Hriêng 19:17

Hlei pô brei pap kơ mnuih ƀun ƀin jing brei Yêhôwa čan, leh anăn Yêhôwa srăng lŏ bi wĭt kơ ñu tui si bruă jăk ñu ngă leh.

Klei Bi Hriêng 24:14

Msĕ mơh brei ih thâo klei thâo mĭn jing mmih kơ mngăt ih, tơdah ih mâo gơ̆, ih srăng mâo klei jăk mơak mơ̆ng anei kơ anăp, leh anăn klei ih čang hmăng amâo srăng rai tuč ôh.

Khua Pô Mtô 11:1

Hwiê bĕ mnơ̆ng ƀơ̆ng huă ih ti dlông êlah êa, kyuadah êgao lu hruê ih srăng lŏ mâo mă wĭt.

Y-Sakari 13:7

“Ơ đao gưm, mdih bĕ ih, bi kdơ̆ng hŏng mgăt biăp Kâo, ngă kơ mnuih dôk dơ̆ng mbĭt hŏng Kâo,” Yêhôwa kơ phung kahan lač. “Čăm bĕ mgăt biăp, čiăng kơ phung biăp bra đuĕ mdê mdê; Kâo srăng bi wir kngan Kâo ngă kơ phung điêt.

Y-Mathiơ 18:10

“Răng bĕ, đăm bi êmut ôh kơ sa čô hlăm phung hđeh điêt anei; kyuadah Kâo hưn kơ diih, hlăm adiê phung dĭng buăl jăk diñu dlăng nanao kơ ƀô̆ mta Ama Kâo, Pô dôk hlăm adiê. [

Y-Mathiơ 18:14

Msĕ snăn mơh Ama diih hlăm adiê amâo čiăng ôh sa čô hlăm phung hđeh điêt anei rai luč.”

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Y-Luk 17:2

Jăk hĭn kơ pô anăn tơdah arăng yuôl ti kkuê ñu sa boh êsŭng boh tâo leh anăn dlăm ñu hlăm êa ksĭ, hŏng klei ñu bi msoh sa čô hlăm phung điêt anei brei gơ̆ lui wir.

Y-Luk 6:35

Ƀiădah khăp bĕ kơ phung roh diih. Ngă jăk leh anăn brei arăng čan, amâo lŏ čang hmăng kơ klei bi wĭt ôh. Snăn klei mưn diih srăng jing prŏng, leh anăn diih srăng jing phung anak Pô Ti Dlông Hĭn; kyuadah Ñu jing jăk kơ phung amâo thâo hdơr knga leh anăn kơ phung ƀai.

II Kôrantô 8:12

Kyuadah tơdah mâo klei jăk čiăng ngă, Aê Diê tŭ tui si mnơ̆ng ih mâo, amâo djŏ ôh tui si mnơ̆ng ih amâo mâo.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.