Y-Mathiơ 10:41 - Klei Aê Diê Blŭ 2015

⁴¹ Hlei pô jum sa čô khua pô hưn êlâo kyuadah gơ̆ jing khua pô hưn êlâo srăng mă tŭ klei mưn sa čô khua pô hưn êlâo; leh anăn hlei pô jum sa čô mnuih kpă kyuadah gơ̆ jing mnuih kpă srăng mă tŭ klei mưn sa čô mnuih kpă.

Y-Mathiơ 10:41 Iomraidhean Croise

Klei Mphŭn Dơ̆ng 20:7

Snăn ară anei bi wĭt bĕ kơ êkei anăn mô̆ ñu, kyuadah ñu jing sa čô khua pô hưn êlâo. Ñu srăng wah lač kơ ih, leh anăn ih srăng dôk hdĭp. Ƀiădah tơdah ih amâo bi wĭt gơ̆ ôh, brei ih thâo ih srăng djiê sĭt nik, wăt jih jang mnuih hlăm sang ih.”

Y-Êsai 3:10

Lač bĕ kơ phung kpă ênô, jăk mơak yơh kơ digơ̆, kyuadah digơ̆ srăng ƀơ̆ng boh mơ̆ng bruă digơ̆.

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Y-Mathiơ 25:44

Hlăk anăn phung anei srăng lŏ wĭt lač kơ Ñu, ‘Ơ Khua Yang, hbĭl hmei tuôm ƀuh Ih êpa, mhao, jing tue, asei lưng, ruă duam, amâodah arăng krư̆ leh anăn hmei amâo tuôm đru Ih ôh?’

Y-Mathiơ 25:45

Ñu srăng lŏ wĭt lač kơ phung anăn, ‘Sĭt nik Kâo lač kơ diih, tơdah diih amâo tuôm ngă klei anăn kơ sa čô hlăm phung đơ điêt anei, jing msĕ si diih amâo tuôm ngă kơ Kâo ôh.’

Y-Mathiơ 6:1

“Răng bĕ, đăm ngă ôh klei kpă diih ti anăp mnuih čiăng kơ diñu ƀuh diih; kyuadah tơdah diih ngă snăn diih amâo srăng mâo klei mưn ôh mơ̆ng Ama diih hlăm adiê.

Y-Mathiơ 6:18

čiăng kơ mnuih amâo ƀuh ôh klei ih kăm ƀơ̆ng huă; ƀiădah Ama ih dôk hlăm anôk hgăm ƀuh, leh anăn Ama ih Pô ƀuh hlăm anôk hgăm srăng mưn ih.”

Y-Mathiơ 6:4

čiăng kơ mnơ̆ng ih brei pap arăng amâo thâo ôh; knŏng hjăn Ama ih Pô ƀuh hlăm klei hgăm srăng mưn ih.”

Y-Mathiơ 6:6

Ƀiădah tơdah ih wah lač, mŭt hlăm adŭ ih, kđăl hĕ ƀăng bhă, leh anăn wah lač kơ Ama ih Pô dôk hlăm anôk hgăm, leh anăn Ama ih Pô ƀuh hlăm anôk hgăm srăng mưn ih.

Y-Mathiơ 7:8

Kyuadah grăp čô hlei pô akâo, mă tŭ; hlei pô duah, ƀuh; leh anăn arăng pŏk brei kơ hlei pô khŏk.

Bruă Phung Khua Ƀĭng Kna 16:15

Tơdah ñu tŭ klei ƀaptem leh mbĭt hŏng phung hlăm sang ñu, ñu akâo kơ hmei, lač, “Tơdah diih yap kâo jing sĭt suôr hŏng Khua Yang, mŭt dôk bĕ hlăm sang kâo.” Leh anăn ñu mtrŭt hmei tơl hmei mŭt.

Hră Y-Pôl Mơĭt kơ Phung Rôm 16:23

Y-Gaius, pô jum kâo leh anăn pô jum jih jang Phung Sang Aê Diê hlăm sang ñu, kkuh čhưn hŏng diih. Y-Êrast, khua djă prăk ƀuôn prŏng, kkuh čhưn hŏng diih, leh anăn Y-Kartus, ayŏng drei, kkuh čhưn hŏng diih.

I Kôrantô 9:17

Kyuadah tơdah kâo ngă klei anei tui si kâo pô čiăng, kâo mâo klei mưn; ƀiădah tơdah kâo ngă klei anei amâo djŏ tui si kâo pô čiăng ôh, Aê Diê jao leh bruă anei kơ kâo hŏng klei mtă.

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.

II Y-Yôhan 1:8

Răng bĕ kơ diih pô, čiăng kơ đăm luč ôh boh tŭ dưn mơ̆ng bruă drei ngă leh, ƀiădah dưi mâo klei mưn ênŭm.