Y-Mathiơ 10:36 - Klei Aê Diê Blŭ 2015

³⁶ leh anăn phung hlăm sang ñu pô srăng jing phung roh hŏng ñu.

Y-Mathiơ 10:36 Iomraidhean Croise

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

II Y-Samuel 16:11

Y-Đawit lač kơ Y-Abisai leh anăn kơ jih jang phung dĭng buăl ñu, “Nĕ anei anak êkei kâo pô duah čiăng bi luč klei hdĭp kâo; kdlưn hĭn kơ anăn ară anei êkei Benjamin anei dưi ngă! Lui mơ̆ng ai ñu, brei ñu tăm pah bĕ; kyuadah Yêhôwa mtă leh kơ ñu.

Klei Mmuñ Hđăp 41:9

Wăt mah jiăng kâo giăm hĭn, pô kâo knang, pô ƀơ̆ng leh kpŭng kâo, yŏng leh kđul ñu čiăng čưng kâo.

Klei Mmuñ Hđăp 55:13

Ƀiădah jing ih yơh, pô mđơr hŏng kâo, pô jing găp kâo, leh anăn mah jiăng kâo.

Y-Êsai 19:2

“Kâo srăng mčhur ai phung Êjip bi blah hŏng phung Êjip pô: diñu srăng bi kdơ̆ng grăp čô hŏng ayŏng adei diñu, grăp čô hŏng pô riêng gah diñu, ƀuôn hdơ̆ng ƀuôn, ƀuôn ala mtao hdơ̆ng ƀuôn ala mtao.

Y-Yêrêmi 12:6

Kyuadah wăt phung ayŏng adei ih leh anăn sang ama ih lhiăr kơ ih, diñu ur driâo čiăng ngă kơ ih. Đăm knang kơ diñu ôh, wăt tơdah diñu blŭ klei siam kơ ih dưn.

Y-Yêrêmi 20:10

Kyuadah kâo hmư̆ lu klei blŭ mhač, “Klei bi huĭ dôk tar ƀar! Kčŭt kơ ñu! Brei drei kčŭt kơ ñu!” Snăn jih jang mah jiăng kâo lač, kăp ƀuh klei kâo lĕ buh, “Năng ai ñu srăng mâo klei mplư, snăn drei dưi ngă kơ ñu, leh anăn rŭ ênua kơ ñu.”

Y-Mika 7:6

kyuadah anak êkei ngă kơ ama ñu hŏng klei bi êmut, anak mniê kgŭ bi kdơ̆ng hŏng amĭ ñu, mtâo mniê bi kdơ̆ng hŏng kmha mniê ñu; mnuih roh jing phung mnuih hlăm sang ñu pô.

Y-Mathiơ 10:21

Ayŏng srăng jao adei ñu pô brei arăng bi mdjiê, leh anăn ama srăng jao anak ñu pô, leh anăn phung anak srăng kgŭ bi kdơ̆ng hŏng amĭ ama diñu, leh anăn brei arăng bi mdjiê hĕ digơ̆.

Y-Yôhan 13:8

Y-Pêtrôs lač kơ Ñu, “Hơăi, Ih amâo srăng rao jơ̆ng kâo ôh.” Yêsu lŏ wĭt lač kơ gơ̆, “Tơdah Kâo amâo rao ih, ih amâo mâo sa kdrêč hlăm Kâo ôh.”

I Y-Samuel 17:28

Y-Êliap ayŏng khua ñu hmư̆ ñu blŭ kơ phung êkei anăn; leh anăn Y-Êliap čuh ai ngêñ kơ Y-Đawit, leh anăn lač, “Si ngă ih trŭn hriê tinei? Leh anăn kơ hlei pô ih lui hĕ biăp ƀiă anăn hlăm kdrăn tač? Kâo thâo kral klei ih mĭn mgao leh anăn klei jhat hlăm ai tiê ih; kyuadah ih trŭn hriê leh čiăng ƀuh klei bi blah.”