Y-Mathiơ 10:30 - Klei Aê Diê Blŭ 2015

³⁰ Ƀiădah wăt ƀŭk ti boh kŏ diih arăng yap leh jih.

Y-Mathiơ 10:30 Iomraidhean Croise

II Y-Samuel 14:11

Leh anăn mniê lač, “Kâo akâo kơ ih brei mtao iêô wah lač kơ Yêhôwa Aê Diê ih, čiăng kơ pô rŭ ênua êrah amâo srăng lŏ bi mdjiê ôh, leh anăn amâo bi rai anak êkei kâo ôh.” Ñu lač, “Tui si Yêhôwa dôk hdĭp, amâo srăng mâo sa aruăt ƀŭk anak êkei ih luh ti lăn ôh.”

I Bruă Mtao 1:52

Leh anăn Y-Salômôn lač, “Tơđah ñu bi êdah ñu pô sa čô mnuih ênuah, amâo mâo sa aruăt ƀŭk ñu srăng luh ti lăn ôh; ƀiădah tơdah arăng ƀuh klei ƀai hlăm ñu, ñu srăng djiê.”

Y-Luk 12:7

Wăt ƀŭk ti boh kŏ diih Aê Diê yap leh jih. Đăm huĭ ôh, diih jing yuôm hĭn kơ lu čĭm hrai.”

Y-Luk 21:18

Ƀiădah amâo mâo sa aruăt ƀŭk ti boh kŏ diih srăng luč ôh.

Bruă Phung Khua Ƀĭng Kna 27:34

Snăn kâo mtrŭt diih huă ƀơ̆ng. Klei anăn srăng lŏ bi ktang diih, kyuadah amâo mâo ôh sa aruăt ƀŭk srăng luh mơ̆ng boh kŏ hlăm phung diih.”

I Y-Samuel 14:45

Hlăk anăn phung ƀuôn sang lač kơ Y-Sôl, “Si ngă, Y-Jônathan srăng djiê mơ̆, pô bi truh leh klei dưi prŏng anei hlăm phung Israel? Hơăi, amâo djŏ snăn ôh! Tui si Yêhôwa dôk hdĭp, sa aruăt ƀŭk mơ̆ng boh kŏ ñu amâo srăng luh ti lăn ôh; kyuadah ñu ngă bruă mbĭt hŏng Aê Diê hruê anei.” Snăn phung ƀuôn sang bi mtlaih Y-Jônathan, gơ̆ amâo djiê ôh.