Y-Mathiơ 10:26 - Klei Aê Diê Blŭ 2015

²⁶ Snăn đăm huĭ kơ diñu ôh, kyuadah ya klei mdăp leh arăng srăng bi êdah, leh anăn ya klei bi hgăm leh arăng srăng bi mthâo.

Y-Mathiơ 10:26 Iomraidhean Croise

Klei Bi Hriêng 10:9

Hlei pô êbat hlăm klei ênuah ênô êbat hŏng klei hnŭk ênang, ƀiădah hlei pô êbat êlan wê arăng srăng mâo mă.

Klei Bi Hriêng 28:1

Mnuih ƀai đuĕ wăt tơdah amâo mâo pô tiŏ ñu ôh, ƀiădah phung kpă dôk jhŏng msĕ si êmông gu.

Klei Bi Hriêng 29:25

Klei huĭ kơ mnuih jing kđông ƀêč, ƀiădah hlei pô knang kơ Yêhôwa mâo klei hơĭt.

Khua Pô Mtô 12:14

Kyuadah Aê Diê srăng phat kđi jih jang klei mnuih ngă, mbĭt hŏng jih jang klei hgăm, thâodah jăk thâodah jhat.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 41:14

Đăm huĭ ôh, Ơ Y-Yakôp, pô jing msĕ si ênăng, leh anăn diih, Ơ phung êkei Y-Israel! Kâo pô srăng đru diih, Yêhôwa lač, Pô Bi Tui diih, Pô Doh Jăk phung Israel.

Y-Yêrêmi 1:8

Yêhôwa lač, “Đăm huĭ kơ diñu ôh, kyuadah Kâo dôk mbĭt hŏng ih čiăng bi mtlaih ih.”

Y-Êsêkiêl 2:6

Bi ih, Ơ anak mnuih, đăm huĭ kơ diñu ôh, kăn huĭ kơ klei diñu blŭ rei, wăt tơdah êruê leh anăn êruê hruĕ dôk jŭm dar ih leh anăn ih dôk gŭ ti krah aguăt; đăm huĭ ôh kơ klei diñu blŭ, kăn êdu ai rei ti anăp ală diñu, wăt tơdah diñu jing sang khăng bi kdơ̆ng.

Y-Mathiơ 10:28

Đăm huĭ ôh kơ phung dưi bi mdjiê asei mlei ƀiădah amâo dưi bi mdjiê mngăt, ƀiădah huĭ bĕ kơ Pô dưi bi mdjiê mngăt wăt asei mlei hlăm war pui.

Y-Markôs 4:22

Kyuadah ya mnơ̆ng mdăp srăng bi êdah, leh anăn ya mnơ̆ng hgăm srăng brei arăng ƀuh mngač.

Y-Luk 24:47

leh anăn djŏ kơ klei arăng srăng mtô hlăm anăn Ñu kơ jih jang găp djuê mnuih dơ̆ng mơ̆ng ƀuôn Yêrusalem, klei kmhal leh anăn klei pap brei kơ klei soh.

Y-Luk 8:17

Kyuadah amâo mâo ôh mnơ̆ng arăng mdăp leh amâo srăng bi êdah, kăn mâo rei mnơ̆ng hgăm arăng amâo srăng bi thâo leh anăn bi êdah mngač.

Bruă Phung Khua Ƀĭng Kna 1:8

Ƀiădah tơdah Yang Mngăt Jăk truh kơ diih; diih srăng mă tŭ klei myang leh anăn diih srăng jing phung hưn bi sĭt kơ Kâo hlăm ƀuôn Yêrusalem, hlăm tar čar Yuđa, čar Samari, leh anăn tơl truh ti knhal lăn ala.”

Bruă Phung Khua Ƀĭng Kna 4:13

Tơdah diñu ƀuh klei jhŏng Y-Pêtrôs leh anăn Y-Yôhan, diñu bi kngăr, kyuadah diñu thâo kơ digơ̆ jing mnuih ƀuôn sang amâo tuôm hriăm hră mơar ôh. Leh anăn diñu thâo kral kơ digơ̆ dôk leh mbĭt hŏng Yêsu.

Bruă Phung Khua Ƀĭng Kna 4:19

Ƀiădah Y-Pêtrôs leh anăn Y-Yôhan lŏ wĭt lač kơ diñu, “Ya jing djŏ hĭn ti anăp Aê Diê, gưt kơ diih amâodah kơ Aê Diê, brei diih ksiêm dlăng;

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

I Y-Pêtrôs 3:14

Ƀiădah wăt tơdah diih tŭ klei knap mñai kyua klei kpă, diih srăng mâo klei jăk jĭn. Đăm huĭ kơ klei diñu huĭ ôh, kăn rŭng răng rei.